Tuesday, August 6, 2013

Zomi Unity and Uniformity

Unity pen ki thukhatna hi, ci in gen leng dik pen ding hi
Uniformity pen ki batna ci in gen leng a dik pen ding hi
UNIFORMITY
ZOMI te bang hang in unity le Uniformity kisam i hi hiam?
Sang kah ciang in, tanh lang pan in tan sawm dong mah
Puan pak sil sel, khetuam eng sit set a 'mel' kibangh ki silh in:-
Hih pen, mit muh mahmah in a-  etlawm in, up huai sak pah hi.
Zato ah ka pai ciang in, nurse cina en te in, puan le nik te, khetuam te,
lutuam te siang lai namtui te silh in teng in ong kizep ciangin,
cina te in etlawm sa in, a mel uh kizep zia a muh bek tawh a tha uh hoih in ki lung tai tuam hi.
Deihna, upna, thumah zah, pilna ngimna kibang lo mi tampi tak
kigawm khawm in, sawlna leh, thumanna tawh, mawhpuak le sep ding a neih na hang un mipawlkhat in a mel kibang puan te silh khawm uh a, a sa kibangh te ong teng khawm uh hi.
Galkap te, palik te leh, ukna khat sungah, melkibangh silh le ten, pau leh hek ong neih ciang un ong ki lawm mahmah in, zahtak huai sak pah hi.

Nasep leh, luanzia, ngimna khat kibangh in,  panlakzia kilam dang ta leh,
za lian za neu, ut tawh ut loh tawh, thu mang in, sawl man na ah nuam sa in,
ong luangkhawm, lawngkhat ong hi khawm in ong ki gawm in, ki panpih nasep khopna te pen Uniformity, hi a 
Hih lai ah: muhna namnih om in-  A sungmi  (party pawlmi)a hi, a sem khia nu
1) a semkhia mi (or kipawlna min) mahmah, amah le a mah kimuhna ah;
2) a pualam mite, a thu a mi theilo te in zongh a muh uh ciang in, kibatna leh uphuaina, kithutuahna mu uh hi.

UNITY
Kipawlna, minam sung, pawlpi sung le, gam khat sung ah
a kibanglo kipawlna min, title thulu tuamtuam ki minvawh ki pua sak ciat a
Tua a kibanglo (tawh a kibang) pawlpi min pua khawm lo,
kipawlna muipi khat sung ah om khawm lo mimal tuamtuam te leh,
kipawlna tuamtuam te in; thudang vai dang a pualam tawh sepding a om ciangin
midang te leh, kipawlna dang te' kiang pan in, participation lunggulh deihpih in
thu lam ah deihpih panpih  in, lang pan lo in, tua a gamtaang' active pawlmin khat 'i guahzawhna ah, a dang pawlmin dang pan a midang te in zongh awi in, nuam pih a, lungkim pih in, a huh theihte huh na a neih ciang in hih pen, Unity ki ci hi. Union lungsim, nampi lungsim kinei cih na hi.

Hih thu ah, VaangKhua khuata khat ah Makai mipil khatkhat in, Pawl khat phuan khia a, a min pen, Uhaam pawl CRC ci hi.
Anau pa ahi Simon in, Pawl thak, a dang khat phuan khia a, Khangno pawl - ZCR ci hi.
APa uh Pu Siampi in, a ngeina uh kipsak a, nupi te tawh numei pawl ZAI pawl ah kip hi. mah
A thum tek  un, min khat tek nei in, sep khat tek nei na pi,
Khuadang khat gamdang te tung ah, gen ding sep khat ding khatpeuh a om ciang in,  a pata teng un kigawm khawm uh a, an gawm khawm, sum gawm khawm in, sing khuah leh tem te tu te ong zangh khawm uh a, gal ong do uh hi.
Galzo a ciah ciang un, a ngah teng uh, amau' pawl ciat uhah hawm diamdiam uh hi. Hih pen, Unity kici hi.

A kitel khial thei thu - mi khat  in:
@ A min mahamh ei tawh member lutkhawm ding, a mel long lak lak a, i muh den khat hi ding -
i thu te' gal te kiang ah na gen gen sim sim ding hih pen, i muhna ah ei tawh Uniformity nei mahmah khat hi thei hi-
khensat ni ciang in hi mi pen lau huai hi
@ Zomi ci ci ding, zopuan a silhsilh ding minamdang khat pen  zongh  ei lak ah  aom leh Unifromity kici hi - hih pen pawlpih ding hi, san huai deih huai hi.
@ Deihna, ngimna, mungtup akibang khat sungah, silh le thukhun i neih pih mi te kipawlna pen - ei tawh Uniformity nei hi-a, deih huai penpen hi.

# Hih, Ei' kipawlna pawlmin leh, title khat nuai ah mun ngah lo in, pawlmin dang khat ah, makai panmun vala in, va active a,
Midang, pawldang te' khutzat khat a hih bag ah, athu te uh zongh ong thei sak, i theih loh mi pen
 - khensat ni tak ciang in, eite 'mipi' ading in thu a na gellgell, a thu thuuk mulua zongh ki kha thei hi- i mi hi, ngaih ding hi.
# Ei tawh thu ki kumkum, nasepkhop pih, pawlpi mipih, minampih mah, sum ngahna bul kibangh mah, tuinak ngakkhawm mah hi a, i nek ding, tangpi tangta' ngah ding teng- "khensat hun khat ong tun tak tek 'ama' angtuam angsung bekbek ah ong sung in, sum tawh ong kilei thei, panmun zaa ngahna ding khat tawh, kicial henla, amau' innkuan aituam hampha ding in bek tawh
mipi le minam te'' ngah ding hamphatna teng ong  --- eite lak ah i makai lah, mimuan khat lah hi si, Unity nei mi hi a, a huathuai pen te a hi hi.
#Gam khat sung ah kipawlna tuamtuam nei  in, a pualam kumpi le kipawlna dang te nawk khawm ding ciang in, ki panpih a nawk khawm, panla khawm a, hawm khop diam diam na te; Gam tuamtuam, panmun tuamtuam pan in panla a, ki thumanna leh ki kupkhop  thu hoih pen thukimkhawm sep khopna in- Unity hi a, a haksa penpen le a ut huai penpen a hi hi.

Zomi Zogam Minam leh ongtung ding Khangsung ah Ei Zomi te' aading mapang nasem te Pasian in  thupha leh Nuntak nopna khempeuh amah tawh omkhawm zekkhawm sak den hen ci in, ka deihna hi.
Itna tawh
ZaSang