ZBCM KIPAT-CILNA

Kawlgam Zomi Tuiphum Kipawlna,
 ZBCM, TBC le CBC


Rev. Dr. Tun Cin Kap, Patron, ZBCM
Ni dangin Zomi Tuiphum kipawlna pen ZBC bek om hi. Tu-in
ZBC bei-in CBC, ZBCM le TBC thum pha hi. CBC (formerly ZBC )
sungah eimi a om lai pen TAB (Tedim gam sung TBC tawh a ki pawl nuam
lo teng- Mualbem, Thaangkai lam), ZBA (Zo or Zou lam), SRBA (Sihzang
lam) le KCBA (Kuki, Thahdo) kihel lai hi. Mai lam ah koi lam hong nga uh
tam cih i khuadak laitak hi.

I. ZBCM le TBC pianzia a tom
1. Kum 1994, Feb kha TBA kumcin khawmpi Suangpi khua pan in, TBA
makai in, Tedim kampau Tuiphum teng zol in, Convention khata din ding
meeting khensatna tawh kizui-in, TBA Siapite hong zin kawikawi in, hong
gen ciangun, TBA pen i muan i suanpen hi, Pa banga kong neih uh ahih
manin, no hoihsak a hihleh ko hong zui ding hi ung kici ciat hi.
2. Kum 1994, April in ZCLS meeting Kawlpi Tuiphum Pawlpi ah kinei
in, nasiatakin ZBC tawh kikhen ding vai kikum hi. Hih hunin kei zong
meeting kah khat ka hi hi. Tuni dong ka bilkha ah a gingging lai ka thangah
mahmah khat in Rev. Kam Khaw Thang in, “nau te aw, kei bel teekta ing in,
ngap nawn keng, no na ngap nak uhleh kipan ni, kipat hun ta hi,” hong cih
teh tha kingah mahmah in, kikhen ding kisawm hi. Tua ZCLS meeting khit
teh ZBC-EC, Falam kipai suak a, tualai ah zong nakpitakin kikupna om hi.
3. Kum 1995 April kha-in Zozang ah ZCLS meeting om kikin tua pan
thukimna a om khit teh ZBC triennial, Khuasak ah panmun kiteel nitakin
TBAte’ zinpi ah kikhawmin ZBCM min kiphuak hi. TBA (Tedim), TTBA
(Tonzang), KZBA (Kalay), TVBA (Tamu), ZBA (Zo) teng thukim uh a,
SRBA in ko innteek ka hih uh teh hong hi ci om phot nung ci hi. Kuki Chin
(KCBA) pen delegate hong kah zo lo ahih manun, khentatna om thei lo hi.
KVBA in ko pen minam kigawm khawm ka hih manun tu tadihin a buppiin hong pai thei nai lo hi ung ci hi.
4. A zingsang ciangin ZBA hong nungkik hi. TBAte Tedim a tunkik
ciangun a thu uh hong kituak nawn loin (a tomin) ZBCM tawh ahi zongin,
ZBC tawh ahi zongin tawlkhat sung kipawl pih nei lo hi. Tawlkhat khit teh
ZBC zomkik uh a, MBC tungtawnin Convention 2007 in TBA hi nawn loin
TBC kici ta hi.
5. Nidanga TBA sung panin Mualbem kuam lam le Khuano kual lam

pawl khat ZBC tawh kizom suak uh hi. TBA sung pan mahin Pawlpi tamkhop
mah ZBCM ah om uh hi. A om lai teng Association 3in kikhen uh a, tulai
takin, Pawlpi 80 kiim le Association 3 pha-in Tedim Myone sung teng le
Yangon ah TBCY ahi uh hi.
6. ZBCM pen i minam bup-a i phuah, thupha i piak ahih mah bangin
Pasian in thupha pia in, tu-in Pawlpi 130 val, Association 7 pha in, Kawlgam
sung Zomite omna (a tamzaw ah)te le Nyiphidaw na ngawn ah Mission
kinei hi. Gam pua ah zong New Dehli, India ah pawlpi sanna kinei a, USA
ah zong Zomi Baptist Churches of America (ZBCA) om ta hi.

II. Myanmar Baptist Convention, Baptist World Alliance le ZBCM
 kizopna
1. ZBCM pan in TBA a dintawp ciangin Zomi Siapite patau-in MBC
tungtawnin gawmkhop nading vaihawm uh a, TBA ah or ZBC ah na kigawm
kik un cih tawh gawm sawm uh hi. ZBCM in TBA in hong zolkhiat, hong
zotkhiat sa hi, ZBC tawh kizop dingin lah i pai khiatna sa hi, ‘ngal hapaaksa
tumkik kei,” ci-in dingsuak hi.
2. 2000, Aug 27 ni-in, ZBCM in Emergency General Meeing Kawlpi ah
nei hi. Hih hun sungin MBC General Secretary phone tawh kidong a, GS in
ko MBC pua lama a omin a hong koih hi ung a cih ciangin, MBC tawh
kizopna vai pulak nawn loh dingin kithukim hi. Tua tawh kizui in, ZBCM
pen MBC nuai-ah om nawn loin, tang-dina (Independent), 2005 kum ciangin
BWA ah member-in lutin tuni dongin annual member fee kipia-in kizom
den hi.

III. Southern Baptist Convention (USA) le ZBCM kizopna
1. Kum 2000 Aug.19 (Sat) ni-in, SBC pan South East Asia Mission
Director Rev. Jim McCarthy le USA-a pawlpi lian mahmah nih panin pastor 2, le ZBCM Siapite Maymyo ah meeting nei in, Mission nasep nading
thu le huhna sumlepaai vai tampi tak geelkhawmin thukimna nei uh hi. Hih
hun laitakin SBC pen BWA ah kipawl lai ahih manin ZBCMte MBC nuai
ah na om kei uhleh hong huh thei lo ding hi ung ci hi. Ahi zongin no guak
na din uhleh kizom thei ding hi hang ci’n vaikhak hi. A tunga i gensa bangin
MBC in ZBCM hong pom nawn kei ung a cih khit teh, a tang-din ahih
manin kizop theihna lampi hong piang hi. Tu-in ahihleh SBC pen BWA
tawh kipawl nawn lo ahih manin a ut peuhpeuh tawh kizom thei in, amau
thu ciat hi ta hi. Kuamah a kineisak tuam zong omse dah ni.
2. Hih Maymyo meeting khit ciangin Yangon ah TBC-Y Siapite le Upate
in gamdang Siapi pa (Jim) an neekpihna nei in, tua lai ah i muan mahmah


Siapi nih in (a min gen dah ni), hih ZBCMte pen MBC sunga kipawl lo hi,
ko mite mah hi-in thu tangpek hi, kumpi langpang hi, na ki zop teitei uhleh
nang nangawn adingin lauhuai hi, cih tawh nakpi tak a gen ciangin, kizom
ngam nawn loin laikhak tawh ZBCM thu zasak hi. Hih thute hangin ZBCM
tungtawna Pasian nasep nading tampi tak kitaanlawh hi. Zomi bup supna
ahi hi. Midangte hong bawl hi lo a, ei sung teng mah ihi hi.
3. Tua zawh kum 4 khit ciangin SBCte in thudik taktak hong tel uh a,
2005 kumin ZBCM tawh partnership in mission nei khawm uh hi. Hih
huna hong pai Rev. Gerald Burst in, a kipat cilpanin hih thudik kithei hileh
i kizopna nawngkai lo ding hi, ci’n gen lai hi. ( Hih Siapa tawh USA ah ka
biakinn uh le ka inn uah ka kimu thei zel lai uh hi).

IV. GZA in hong gawmkhawm :
Hih a tunga bilbial teng pen midangte’ hong bawl hi loin ei sung
tenga kitoknawina ahi hi. Hih bang kawmkal ah GZA hong piangin
damdamin hong gawmtuah kikin ka mu hi. Dr. Do Kham in GZA meeting
khat ah a genna ah, “a dangdang gen loh, Sia Enno le Sia Khual mahmah
hong kikholh theihkik bek uh zong GZA manphatna hi, a cih bangin, GZA
hong om ciangin, i Siapite mipi mai (pulpit tung) ah mawh maisakna kingen
in, mawh kimaisak in, ki ang-kawi in, kikah liang uh cih i zak ciat mah
bangin lametna hong neisak mahmah hi.
GZA in mailam ah bang zahin hong gawmkhawm takpi hiam cih a
ban tu zawh kum bang zah hiam ciang i gelh beh ding hi. Pengkul in zong
tel thei tuam dingin hong um ing. Lai hong simsak khem peuh tungah
lungdam hong ko ing. ( Hih ZBCM vai buainnate pen Col. H. Kam Pum, a
dam lai-in thupiang laikhak khempeuh hong copysakin file khat tawh hong
bawlsak sitset in, hong piakna sung pan le kei mimal, midang tung pan ka
zak banga kong gelh ahi hi, Pengkul-a’ sangin manzawkha ding hi.)
Thudik a deih na sanggampa uh,

Rev. Dr. Tun Cin Kap
Zomi American Community Church,
Florida, USA


Lom 17, Hawm 134, February & March, 2013

CNF/A hoihlo na

ထုတ္ျပန္ေၾကျငာခ်က္

ခရစ္သကၠရာဇ္ ၂၀၁၂ ခုႏွစ္၊ ေဖေဖာ္၀ါရီလတြင္ ႏုိင္ငံေတာ္သမၼတ ဦးသိန္းစိန္ ျပည္ေထာင္စုသမၼတ ျမန္မာႏုိင္ငံေတာ္၊ ေနျပည္ေတာ္သို႔ လိပ္မူၿပီး မိခင္ဇိုမီးအမ်ဳိးသား ျပည္သူလူထုမွ ေတာင္းဆိုခ်က္စာအေပၚ ျပည္ေထာင္စု သမၼတ ျမန္မာႏုိင္ငံေတာ္ အစိုးရ အာဏာပိုင္မ်ားမွ လူသားခ်င္းစာနာမႈ ကင္းမဲ့စြာ အေလးမထား လစ္လ်ဴရႈ မႈေၾကာင့္ႏွင့္ ျပည္သူ လူထု၏ ဆႏၵသေဘာတူညီခ်က္ကို အေျခမခံေသာ အစိုးရအဖြဲ႕ႏွင့္ ခ်င္းအမ်ဳိးသားတပ္ဦး(CNF-CNA)ဟု မိမိကိုယ္မိမိ ေခၚတြင္ေသာ လူတစ္ခ်ဳိ႕၏ သေဘာတူညီခ်က္မ်ားကို ဒီမိုကေရစီလမ္းစဥ္ႏွင့္ လံုး၀ မညီညြတ္ေၾကာင္း တရားမ၀င္ သေဘာတူညီမႈသာ ျဖစ္ေၾကာင္း ႏုိင္ငံေတာ္အစိုးရမွ ဒီမိုကေရစီ လမ္းစဥ္ႏွင့္ ထာ၀ရၿငိမ္းခ်မ္းေရး ေဖာ္ေဆာင္မႈသည္ အမွန္အကန္ အေကာင္အထည္ေဖာ္ေဆာင္ျခင္း မဟုတ္ဟု ယံုၾကည္ ေသာေၾကာင့္ ျပစ္တင္႐ႈံ႕ခ်ပါသည္။

အေၾကာင္းအရာ။     ။မိမိတို႔ကိုယ္မိမိ ခ်င္းအမ်ဳိးသားတပ္ဦး (CNF-CNA)ဟု ေခၚတြင္ေသာ လူတစ္စုအား   ခ်င္းျပည္နယ္ရွိ ဇိုမီးလူမ်ဳိးမ်ား ေနထိုင္သည့္ တီးတိန္ၿမိဳ႕နယ္၊ တြန္းဇန္ၿမိဳ႕နယ္၊ က်ီးခါးၿမိဳ႕နယ္ခြဲမ်ားတြင္ ဆက္ဆံေရးရုံးမ်ား ဖြင့္လစ္စခန္းခ် ေနထိုင္ခြင့္ မျပဳရန္ ေဒသခံ ဇိုမီးလူမ်ဳိး ျပည္သူလူထုမွ တင္ျပကန္႔ကြက္ျခင္း။

ရည္ညြန္းခ်က္   ။    ။ခရစ္သကၠရာဇ္ ၂၀၁၂ ခုႏွစ္၊ ဇန္န၀ါရီလ (၆)ရက္ ေန႔စြဲပါ ခ်င္းျပည္နယ္အစိုးရအဖြဲ႕မွ ျပည္နယ္အဆင့္ ၿငိမ္းခ်မ္းေရးေဖာ္ေဆာင္ေရးအဖြဲ႕ႏွင့္ ခ်င္းအမ်ဳိးသားတပ္ဦးဟု မိမိတို႔ကိုယ္မိမိ ေခၚတြင္ေသာ လူတစ္ခ်ဳိ႕၏ ၿငိမ္းခ်မ္းေရးေဖာ္ေဆာင္ေရး ပထမသေဘာတူညီခ်က္ စာမ်က္ႏွာ(၂)၊ စာပိုဒ္(၂)၊ စာေၾကာင္းေရ (၄၊ ၈ႏွင့္ ၉)။

အထက္ပါကိစၥႏွင့္ပတ္သက္၍ ျပည္ေထာင္စုသမၼတျမန္မာႏုိင္ငံေတာ္ အစိုးရ၏ တစ္တိုင္းျပည္လံုး ၿငိမ္းခ်မ္းေရး ေဖာ္ေဆာင္မႈကို ၿငိမ္းခ်မ္းစြာ၊ တည္ၿငိမ္ေအးခ်မ္းစြာ ေနထိုင္လိုေသာ တြဲဖက္ပါ လက္မွတ္ထိုး တင္ျပသည့္ အေပၚ ဇိုမီးလူမ်ဳိး ျပည္သူမ်ားမွ ၀မ္းပန္းတသာ ႀကိဳဆိုဂုဏ္ျပဳအပ္ပါသည္။ သို႔ေသာ္လည္း --

၁။ ခ်င္းအမ်ဳိးသားတပ္ဦး(CNF-CNA)ဟု မိမိတို႔ကိုယ္မိမိ ေခၚတြင္ေသာအဖြဲ႕သည္ ကၽြန္ေတာ္တို႔ ဇိုမီးအမ်ဳိးသားမ်ားႏွင့္ ခ်င္းျပည္နယ္တြင္ ေနထိုင္ၾကေသာ ေဒသခံလူမ်ဳိးစုမ်ားအား ကိုယ္စားျပဳေသာ အဖြဲ႕အစည္းမဟုတ္ပါ။ ၄င္းတို႔သည္ ဟားခါးၿမိဳ႕နယ္၊ ထန္တလန္ၿမိဳ႕နယ္အတြင္းရွိ ဟားခါးမ်ဳိးႏြယ္စုသာ အမ်ားအားျဖင့္ ကိုယ္စားျပဳေသာ လက္တစ္ဆုပ္စာ ေတာတြင္းအဖြဲ႕အစည္းသာ ျဖစ္ပါသည္။

 ၂ / အထက္ပါ (CNF-CNA)အဖြဲ႕အစည္း၏ ျပည္သူလူထုအေပၚ က်ဴးလြန္ခဲ့သည့္ အၾကမ္းဖက္မႈမ်ားမွာ

 (က) ၂၄.၃.၁၉၉၄ ေန႔တြင္ တီးတိန္ၿမိဳ႕နယ္၊ လင္တန္ေတာင္ၾကား၌ ကားေမာင္းႏွင္ေသာ ဦးအင္ကပ္ဆုမ္းအား (CNF-CNA)အဖြဲ႕မွ ေသနတ္ျဖင့္ ပစ္သတ ္ခဲ့ရာ ယေန႔ထိ အစားထိုးမရႏုိုင္ေအာင္ ၀မ္းနည္းေၾကကြဲျခင္းျဖင့္ ၄င္း၏မိသားစုမ်ားႏွင့္အတူ ခံစားေနၾကဆဲျဖစ္ပါသည္။
(ခ)  တီးတိန္ၿမိဳ႕နယ္၊ ဆိုင္းဇန္ေက်းရြာအုပ္စု (ရ.ယ.က)အဖြဲ႕မ်ားျဖစ္ၾကေသာ-
      (၁) အၿငိမ္းစား ဗိုလ္မွဴးဇဲလ္ဇလန္႔ (၂) ဦးေပါင္ခန္႔ (၃) ဦးပုမ္းခန္႔ေတြာင္ (၄) ဦးခိုင္ခန္႔ဒါလ္း တို႔အား ဆိုင္းဇန္ေက်းရြာရွိ ဗိုလ္မွဴးဇဲလ္ဇလန္႔၏ ေနအိမ္တြင္ ၁၉၉၆ခုႏွစ္၊ ေအာက္တိုဘာလအတြင္းတြင္ (CNF-CNA) အဖြဲ႕မွ ေသနတ္ျဖင့္ ပစ္သတ္ခဲ့ပါသည္။
(ဂ)  တီးတိန္ၿမိဳ႕နယ္ တြီးထန္ေက်းရြာေန ဦးထြမ္းဂိုးေပါင္အား ၉.၄.၂၀၀၁ ရက္ေန႔တြင္ က်ီးတြီးေလြးအရပ္၌ (CNF-CNA)အဖြဲ႕မွ ပစ္သတ္ခဲ့ပါသည္။
(ဃ) တီးတိန္ၿမိဳ႕နယ္ တုန္းဇန္ေက်းရြာေန ဦးဇမ္းတုန္းထန္အား ၂၅.၁၁.၂၀၀၀ ရက္ေန႔တြင္ ေတာတြင္းတစ္ေနရာ၌ (CNF-CNA)အဖြဲ႕မွ ပစ္သတ္ခဲ့ပါသည္။
(င)  တီးတိန္ၿမိဳ႕နယ္ လိုးေဖေက်းရြာေန ဦးဇမ္းခန္႔ေပါင္အား (CNF-CNA)အဖြဲ႕မွ ေသနတ္ဒင္ျဖင့္ ထုေထာင္းကာ၊ ေျခေထာက္ျဖင့္ ေဆာင့္ကန္ညုင္းပန္းႏွိပ္စက္မႈေၾကာင့္ ဆီးအိတ္ေပါက္ကြဲခဲ့ရာ ၄င္းေနရာတြင္ပင္ လဲက်ခဲ့ၿပီး ဖါလ္တလန္ေက်းရြာ (ရ.ယ.က) ဥကၠဌ၏ ေနအိမ္တြင္ အသက္ေပ်ာက္ ေသဆံုးခဲ့ပါသည္။
(စ)  တီးတိန္ၿမိဳ႕နယ္ လိုင္တြီးေက်းရြာအုပ္စု၊ မိတၴီလာစခန္းတြင္လည္း ၂၀၀၂ခုႏွစ္ ေမလအတြင္း ဖလမ္းအမ်ဳိးသမီး တစ္ဦးအား (CNF-CNA)အဖြဲ႕မွ ေသနတ္ျဖင့္ ပစ္သတ္ခဲ့ပါသည္။
(ဆ) ၂၀၀၂ခုႏွစ္တြင္လည္း New-Eden စခန္းတြင္ ေတာင္သူႏွစ္ဦးအား (CNF-CNA)အဖြဲ႕မွ ေသနတ္ျဖင့္ ပစ္သတ္ခဲ့ပါသည္။
(ဇ)  ၂၀၀၂ - ေမလတြင္ တီးတိန္ၿမိဳ႕နယ္ ဟိုင္မြာလ္ရြာသစ္နားတြင္ နယ္စပ္မွ ျပန္လာေသာ ကုန္တင္ဂ်စ္ကား (၇)စီးအား ကုန္ပစၥည္းမ်ားႏွင့္အတူ (CNF-CNA)အဖြဲ႕မွ မီး႐ႈိ႕ဖ်က္ဆီးၿပီး လူတစ္ခ်ဳိ႕အား ျပန္ေပးဆြဲ ေခၚေဆာင္သြားခဲ့ပါသည္။
(စ်)  ၂၀၀၂ခုႏွစ္ ေမလ(၁)ရက္ေန႔တြင္ တီးတိန္ၿမိဳ႕နယ္ ဟိုင္မြာလ္ေက်းရြာ၌ (CNF-CNA)အဖြဲ႕မွ မိုင္းခြဲခဲ့ရာ မလ်ာလ်န္ငူလ္ရီ ဒဏ္ရာျပင္းထန္စြာ ရရွိခဲ့ပါသည္။
(ည) တီးတိန္ၿမိဳ႕ လြယ္ဘြာလ္းရပ္ကြက္တြင္ ေနထိုင္ေသာ (ေမြေဇာလ္)ရြာသူ ဆရာမ- လ်ာဒိမ္ရွင္းက်င္းအား မူလတန္းျပ ေက်ာင္းဆရာမအျဖစ္ ဖါလ္တလန္ေက်းရြာတြင္ အစိုးရတာ၀န္ ထမ္းေဆာင္ေနခ်ိန္ ၂၀.၁၀၂၀၀၀ခုႏွစ္တြင္ အထက္ပါ အဖြဲ႕အစည္းမွ ျပန္ေပးဆြဲ ေခၚေဆာင္သြားခဲ့ရာ ဖခင္မရွိေတာ့သည့္ ၄င္းဆရာမအား သြားေရာက္စံုစမ္းရန္ ေဆြမ်ဳိးသားခ်င္းမ်ား၏ အကူအညီကို ရယူခဲ့ရပါသည္။ ထိုစဥ္အခါတြင္ မိခင္အိုသည္ ၀မ္းနည္းေၾကကြဲမႈေၾကာင့္ ႏွလံုးေရာဂါျဖင့္ အိပ္ရာ၌ လဲေလ်ာင္းေနရပါသည္။ ထို႔ေနာက္ ဇိုမီးလူမ်ဳိးတစ္ခ်ဳိ႕၏ ႀကိဳးပမ္းမႈေၾကာင့္ ၄င္းဆရာမအား ခ်ဳပ္ေႏွာင္ထားေသာေနရာမွ သြားေရာက္ခိုးယူ ကယ္ဆယ္ခဲ့၍ မိခင္အိုထံသို႔ ပို႔ေဆာင္ေပးရသည့္ အေျခအေနသို႔ ေရာက္ခဲ့ပါသည္။ ၄င္းဆရာမ၏ ကိုယ္ကာယပိုင္းဆိုင္ရာ မည္ကဲ့သို႔ ေျပာင္းလဲသြားသည္ကို မည္သူမွ် မသိၾကပါ။

ဤအထက္ေဖာ္ျပပါ ျဖစ္ရပ္မ်ားကို ျပန္လည္၍ ၾကည့္မည္ဆိုလွ်င္ မည္သို႔မွ် ျပန္လည္အစားထိုးမရေတာ့သည့္ ရက္စက္မႈမ်ား၊ နာၾကည္းမႈမ်ား ျဖစ္ခဲ့ရာ မေန႔တစ္ေန႔ကလိုဘဲ ယေန႔အထိ သက္ဆိုင္သူေဆြမ်ဳိး၊ သားသမီးမ်ားႏွင့္ အတူ ကၽြန္ေတာ္တို႔ ဇိုမီးလူမ်ဳိးမ်ားမွလည္း ေမ့မရ တသသႏွင့္သာ က်ိတ္မွိတ္ၿပီး ခံစားေနရဆဲ ျဖစ္ပါသည္။

၃/ထို႔အျပင္ ေက်းလက္ေဒသမ်ားတြင္ ႏွစ္စဥ္ ေတာင္ယာထြက္ပစၥည္းမ်ားမွ ရိကၡာပို႔ရသည့္ဒုကၡမ်ား၊ ေက်းရြာေန လူဦးေရအလိုက္ လူခြန္ေကာက္ခံရာ မေပးေဆာင္ပါက ပစ္သတ္မည္ဟု ခ်ိန္းေျခာက္ထားေသာေၾကာင့္ မေပးႏုိင္ေသာ မရွိဆင္းရဲသား ေတာင္သူမ်ား၏အသက္ကို ကယ္တင္ရန္အလို႔ငွာ ဘာသာေရးရံပံုေငြ ဆယ္ဖို႔တစ္ဖို႔မ်ားမွ ေပးေလွ်ာ္ရသည့္အျပင္ ေက်းရြာရံပံုေငြမ်ားမွလည္း ေပးေခ်ခဲ့ရပါသည္။
 ၄။ (CNF-CNA)အဖြဲ႕မွ အိႏၵိယနယ္စပ္တြင္ ေတာင္ယာထြက္ပစၥည္းမ်ား ေခါင္းရြက္သြားေရာင္းေသာ ေဒသခံမ်ားထံမွ ေငြအရင္း၏ ၃၀%ကို အခြန္ေကာက္ခံျခင္း၊ အေရာင္းအ၀ယ္သမားမ်ား၏ ကုန္ပစၥည္းမ်ားအား မိမိတို႔စိတ္ႀကိဳက္ ေစ်းျဖတ္ကာ ၃၀%ေကာက္ခံျခင္းတို႔ကို ေကာက္ခံရာ၌ စကားမ်ားလာေသာအခါ ေသနတ္မ်ားျဖင့္ ပစ္သတ္ရန္ ၿခိမ္းေျခာက္လာေသာေၾကာင့္ မိမိအသက္ေသေဘးမွ လြတ္ေျမာက္ရန္အတြက္ ေငြေၾကးျဖင့္ လဲလွယ္ရသည္အထိ ဆိုး၀ါးခဲ့ပါသည္။ အျပစ္မဲ့ျပည္သူမ်ားအား ေသနတ္အားကိုး၍ နည္းလမ္းမ်ဳိးစံုျဖင့္ ႏွိပ္စက္ခဲ့ျခင္းျဖစ္ရာ မိမိတို႔အသက္ကို မပိုင္ဆိုင္ေသာ ေသနတ္သမားထံ မိမိတို႔အသက္ကို ေငြေၾကးအသျပာျဖင့္ ၀ယ္ယူရသည့္ အျဖစ္ဆိုးသည္ ေျမကမၻာေလာက လူသားမွန္သမွ်မွ လက္ခံႏုိင္မည့္ အျပဳအမူမဟုတ္ပါ။
 ၅။ ခ်င္းျပည္နယ္အတြင္းရွိ ကၽြန္ေတာ္တို႔ ဇိုမီးလူမ်ဳိးမ်ား ေနထိုင္ေသာ တီးတိန္ၿမိဳ႕နယ္၊ တြန္းဇန္ၿမိဳ႕နယ္၊ က်ီးခါးၿမိဳ႕နယ္ခြဲရွိ ဇိုမီးလူမ်ဳိးမ်ားသည္ ေရွးပေ၀သဏီ ေခတ္ကတည္းက မိမိတို႔လူမ်ဳိး၏ ကံၾကမၼာကို မိမိတို႔ ၿငိမ္းခ်မ္းစြာ ဖန္တီးေနထိုင္ခဲ့သူမ်ား ျဖစ္ခဲ့ပါသည္။
    ဗိုလ္ခ်ဳပ္ေအာင္ဆန္းတို႔၏ ဦးေဆာင္မႈျဖင့္ လြတ္လပ္ေရးရရွိရန္အတြက္ ပင္လံုစာခ်ဳပ္ကို ကၽြန္ေတာ္တို႔ ဇိုမီးလူမ်ဳိးကိုယ္စား ေစာ္ဘြားဦးေထာင္ဇခုပ္မွ လက္မွတ္ေရးထိုးခဲ့ရာ ယေန႔တိုင္ ျပည္ေထာင္စု ျမန္မာႏုိင္ငံေတာ္ အစိုးရ၏အုပ္ခ်ဳပ္မႈ လက္ေအာက္တြင္ ၿငိမ္းခ်မ္းစြာ ေနထိုင္ခဲ့ျခင္းျဖစ္၍ ကၽြန္ေတာ္တို႔ဇိုမီးလူမ်ဳိးမ်ားအတြက္ အုပ္ခ်ဳပ္သူသည္ ျပည္ေထာင္စုသမၼတ ျမန္မာႏုိင္ငံေတာ္အစိုးရတစ္ခုကို လက္ခံျခင္းျဖစ္ပါေသာေၾကာင့္၊ အထက္ေဖၚျပပါ ခ်င္းအမ်ဳိးသားတပ္ဦး (CNF-CNA)ဟု မိမိကိုယ္မိမိေခၚတြင္ေသာအဖြဲ႕အား ဇိုမီးလူမ်ဳိးမ်ား ေနထိုင္သည့္ တီးတိန္ၿမိဳ႕နယ္၊ တြန္းဇန္ၿမိဳ႕နယ္၊ က်ီးခါးၿမိဳ႕နယ္ခြဲမ်ားတြင္ေနထုိင္၍ ဆက္ဆံေရးရုံး ဖြင့္ခြင့္မျပဳပါရန္ အေလးအနက္ ကန္႔ကြက္ပါေၾကာင္းႏွင့္ ႏုိင္ငံေတာ္တာ၀န္ရွိသူမ်ားမွ ျပန္လည္စဥ္းစား သံုးသပ္ေပးပါရန္ ႏုိင္ငံေတာ္ အစိုးရထံသို႔ ေဒသခံဇိုမီးလူမ်ဳိးျပည္သူမ်ားမွ ပူးတြဲပါလက္မွတ္ထိုး ေတာင္းဆိုျခင္းကို ႏုိင္ငံေတာ္အစိုးရေသာ္၄င္း၊ (CNF-CNA)အဖြဲ႕မွ ယေန႔ထိ ျပည္သူလူထုအေပၚလူသားခ်င္းစာနာမႈကင္းမဲ့စြာ အေလးမထား၊လစ္လ်ဴ႐ွဴထားေသာ လုပ္ရပ္မ်ားေၾကာင့္ ေဒသခံဇိုမီးအမ်ဳိးသား ျပည္သူလူထုမ်ားသည္ အသက္အႏၲရာယ္လံုၿခံဳမႈ လံုး၀မရွိ၊ ဥပေဒစိုးမိုးေရးမရွိ၊ လံုၿခံဳမႈမဲ့ ႏုိင္ငံေတာ္အကာအကြယ္မဲ့ျဖစ္ေသာ အနာဂတ္ဘ၀ကို ျပည္ေထာင္စုသမၼတ ျမန္မာႏုိင္ေတာ္အစိုးရအဖြဲ႕မ်ားမွ ေဒသခံဇိုမီးတိုင္းရင္းသားမ်ားအေပၚ လူသားခ်င္းစာနာမႈ ျပည့္၀စြာျဖင့္ အသက္အႏၲရာယ္လံုၿခံဳမႈ ရရွိၾကရန္ အကာအကြယ္ေပးေရးႏွင့္ တန္းတူလူ႕အခြင့္အေရး ရရွိေရးအတြက္ ေၾကာသား၊ ရင္သားမခြဲျခားဘဲ ေျဖရွင္းကာကြယ္ေပးရန္တာ၀န္ရွိေၾကာင္း ဇိုမီးအမ်ဳိးသား လူမႈေရးအဖြဲ႕(ထိုင္းႏုိင္ငံ) - ZAT အဖြဲ႕မ်ားမွ ထုတ္ျပန္ေၾကျငာအပ္ပါသည္။

 ဧၿပီလ (၁၇)ရက္၊ ၂၀၁၃ခုႏွစ္  ရုံလကၡံ

 ဇိုမီးအမ်ဳိးသား လူမႈေရးအဖြဲ႕ (ထိုင္းႏုိင္ငံ) – ZAT        

                                                       *********************@@@@@@@@@@@@*********************

 

Hangpu gen pen hi Sa Lua Mah Mah Ing, Ni dang in, sakol Tawh Khawl zin TE'n thuak Pha Deuh hi ung. I sum Ngah sun sun teng , I sel man lo teng, lam Pi ah Niang tui man ding Ci aa I koih teng pen a mau hong Ngen uh aa pia kei leng hong Kap Lum tak Pi ding hi. I piak tang tang ZONG , I pang hong beng Laii mawk uh hi . Kei Ngaih sun na bang Leh, zomi Mai Pi te'n hong hang San gawp le uh ut Mah Mah Ing. Kei Ka sih kei Leh a Mah Si ding cih lung tang Ki Sam lai Mah mah mawk hi. Khial na om Leh, hong thei Siam vuai maw !!!

Sent from my iPhone

On May 8, 2013, at 12:11 AM, Hang Pu <hangboih@gmail.com> wrote:

 

mi khem peuh thei sak nuam ing . a diak2  in ZOMI a ki ci teng in ngaih su in sem leng ut ing ..kei lung sim leh kei ngaih sut na tom no. CNA te pen deih vet keng ko MIZORAM  tawh gam gi dung suk a teng ei zomi ten ut lo pi pi in ka na vak uh hi in  .kum sim in khua khat in( An tang) bung za thum bang ta ka na piak uh hi .khat vei ka hau sa pa uh tawh ( An tang) puak in ka pai uh leh hong puak hak lua uh teh ci-in ka hau sa pa uh hong beng gawp in ka hau sa pa uh gim lua hi . kei zong hong bet  sawm in khat in beng ken neu lai lua ci hi tua lai tak in bel lau mah2 ing inn ka tun kik dong ka ci ling2 hi.
                                                        CNA ten kawl gam gal kap te a that loh hang ei  ZOMI te hong thah tawm nawn lo hi .i hau sa te zong a ngawng tan uh pawl khat om hi.   CNA  te in  a mi a sa uh bawl sia lo in ei ZOMI a ki ci te bek mah hong sim mawh lai2 hi. ZOMI gal kap ki sam  ka sak na hih hang teng zong hi. CNA te i ann vak sa hi a . a mau sang in ei leh ei ki vak leng zong lung kim huai zaw  kua man zong hong sim mawh ngam lo ding hi.  ZOMI ma kai pawl khat ten thau tawi ding ki sam   

sa lo ding hi. muh na thuak na i neih kei leh  a ki sap na ding om sa lo hi....Hih CNA" CNF  a bei na ding  leh hong sim mawh loh na ding ZOMI te tung ah Thu hong neih loh na ding uh hong vai hom un . kei ut ta bang hi leh TEDIM ah a office uh zong mei tawh na hal tum sak vo..tua hi leh( LUNG PHO NA )  ki cian pen hi.ZOMI te lau vet lo ding .hong ki sim mawh na a om leh hong za sak vo"""

                                                       ni dang in CNA te ZOMI te  kum pi sa in ka na lau mah2 ngei hi. Tun a hih leh maw ........fuck

On Tue, May 7, 2013 at 5:25 PM, Clistus Solomon <tktsuante@yahoo.com> wrote:
 

Hi sakna ding zong thei khang ei maw nguai. I Zomipih i cih tengmah zong thuakhak thei sem zaw lai ven. Ci to to leng Kawlte zong i mihing pih mah hi zel aih teh, cih in om lo dia. Mikhempeuh tawh ki-it ding hoih na ven, hanciam ding vive. Na up kei uh leh suakta takin koih sin phot ve ni e, bangci hong gamtat uh hiam? thei pan pan nu teh. cnf/a ten ei Zomite hong khualna hong deihsakna hong huutna cih muh ding/gen ding bang om limlim a leh? A thuakzo taktak lo dingteng khawng a pau pau/ a ku ku pong dan i hia leh? Pau lo phun lo-a gamtatna tawh i ki lahkhiat theih tak teh, vai teng hong siangpan ding hi. Thu ngetna tawh nakpi in pang ni. Lungkia inki lungneu sak kei ni ei. Ki it ding khawng hanciam theih hi kei. Khat leh khat kikhual ki zahtak-in, thumaan takin nungta khawmleng, tua in ki-itna hong gahsuah ding bek hi zaw. Ki-it taktak lokhawng ki-it ki zahtak ki neihkhem pong zong thu haksa pi khat mah hi zel hi.

---

From: Sian Suan <siansuan61@gmail.com>
To: zominam@yahoogroups.com
Sent: Tuesday, May 7, 2013 10:24 PM
Subject: Re: [ZOMI NAM] Re: CNA/F te Zimpi khua ah lut

 

Hih sang gam pa thu gen hi sa lua ing tua a hih  man in ei zo mi nam ki tawm mah2

lai mawk ih hi man in ki pum khat a thu vai hawm khawm thei ding ham ciam tek ni

Lung dam [ suan ]

On Tue, May 7, 2013 at 7:28 AM, David TSMang <tsmang150@gmail.com> wrote:
 

  Guai,

              CNA/F te zong Zomi mah hi a, kilem kei leeng Kawl Kumpite lungdam mahmah ding uhhi

                        Kawl ten Zomite hong ci mang sak nuam mahmah ahih nathu  mang ngilh kha kei ni-

                            Ki-it theihna ding hanciam zaw leeng hoih dinghi.

                                 Zomite kitawm mahmah lai a, a kitawng khom ding zong i om nai kei  hi.

                              

                David

Nute Ni Pahtawina Laigelh [Michael Hungpi]

“Nupi khat in ama nawi ateep Naungek mangngilh thei ding ahi-hiam? (Isai. 49:15).

Nu tampi lakah Nu-hoih kaneih khak  pen kalungdam mahmah hi. Citak, thu khual, thuman, itna tawh hong pantah toto in, hong khang cingsak hi. Nungak paktat pawl khatte gamtat siat danin Kanu, na-omkha  hizen leh mihing in piang khalo ding’ cih khawng ka ngaihsun khazel hi. Nu-hoih kaneih khak pen kalung dam mahmah a, Kanu ka-itna hong khang sak hi. Nu aw, Nathu-khualna hangin anungta kahih lam katheih ciangin zekai lua ta ing. Kakhan sung lungdam hong thuk zo kei mah leng, ka lungdamna hong theihsak in Nu Nu aw.

Nute hoihna simding hile'ng beihun nei in ka umkei hi. Laphuak siamte, laigelh siamte in, Nute hong itna leh ahoih nate uh agelh uh ciangin thuthuk thei mahmah in, hoih thei mahmah napi, tua thuhoih lahoih te'n Nute' hong itna genkhin zo ngei tuanlo hi. Kha sawm sung agil sungah dawmtakin hong kem hi. Leibeel tam thei dop bangin hong dawm uh-a, hong khuaiding alau man-un aduh khat  uh zongh nengamlo uhi. A kepcing hak mahmah Nausuah ma khasawm sung  hongkep banah gual tawh tanbang kim zawh nang'n hong khang liansak hong kem to hi.  Nute hong itna lianlua mahmah a, thukin zai hi. Gen zawh loh-a lain itna pen Nute' ong itna ahihi.

sung mangngilh ngeilo ding hi. Nu in anawi teep Naungek mangngilhlo ahih leh Ta Nute' Ni” bekin Nute, pahtawi ding hilo-a, nisim in, i-lungdamsak dending pen kisam kasa mahmah hi.Cik mah ciang'n Nu' itna kithuk zo ngeilo ding hi. Ahizong'n Nute damlai in, septheih bangin huhding thupi kasa mahmah hi. I Nute pen ameel uhhoihlokhawngpeuh in amau leh amau kingaihsun thei uhi. Ei, ongkhual man-un amel uh siatlawh, zawngkhal lawh, lungsim gim lawh uhi. Nu itlo zi it lo kua aom diam? Nupi khat in anawi ateep khat pen adam khempeuh in pianna Tun-Nu mangngilh ding ihi- hiam? Nute' damsung, it in kepcing ding thupi mahmah hi. Mipilte' kammal zat Nute pahtawina hong gelh nuam ing.

• Abraham Lincoln: Kumpi ka tun theihna pen ka nu hong patah hang hi.

• Bishop Thompson: Nu cih kammal sungah lungnopna om hi.

• D.L.Moody: Nu khempeuh kei nu abang hileh leitungah thong-inn omlo ding hi.

• George Herbert: Nu-hoih khat pen Sia 100 tawh kikim hi.

• H.Benson: Gal hangte sangin nu hoih manpha zaw hi.

• Napoleon: French gam ii ki sap in “Nute” hi.

• Rasa Wallace: Nau luai avei khut in leitung uk hi.

• R.A.Torry: Nu-hoih sanga zahtak huaizaw omlo hi.

• St.Augustine: Nute hong pia un, amaute zangin leitung ka kilamdang sak ding hi.

• Thimohty Dwight: Ka lawhcinna thusim pen nu hoih ka neih hang hi.

• Winston Churchill: Ka sia thupi pen ka Nu hi.

• W.W.Curtis: Mi nam khantohna dingin nu ii ngaihsutna zong kisam hi.

• Kap Do Thang: Nute hongit lam katheih ciang'n zekai luata ing. Leitungah Nute hong itna leh ahoihna uh tehpih dingdang ka mukei hi.

Nute pen Innkuan sung, pawlpi sung, khua sung, gamsung ah kisam mahmah hi. Amau omlo in kicinna bang mah omlo hi. Innkuan khat sungah Nu omlo khat ngaihsun dih in!  Nu omlo Innsung pen a-ap, nintawh kibang hi. Ki-manna aneilo na tawh kibang hi. Solomon in, "Numei tam mahmah napi Nu-hoih ngahna ding haksa mahmah hi", cihi. Tua ahihman in, Nu ahi-nailote leh Nu ahi-sate in, "Nu-hoih pen kuate ahi-hiam?" cih ngaihsut huai kasa hi.

Nu-hoih in Innkuan sung puahin zem hi. Sanggam u leh nau sung itna khangsak hi.Thu hoihlo pel hi. Nung leh ma itsiam in, kilemsak hi. Mi gensiat cih neingeilo hi. Anunglam sai sisu lo-in, ama khuat hi. Angsung khuallo in, makaih siam hi. Nu cihpen bangzah in thupi hiam cih leh, Gentehna in, Kalamkiatna gam (Motherland), Kapianpih kampau (Mother Tongue/Language) cih bangin Nu-hoih in ciaptehna ngah hi. Pianna ka Tunnu' hongitna leh ongkhualna bangzah in thukin, gil-a, bangzah in hoih hiam?

ACADEMY ANGKAWI

Tembang lungdeih kawineem ngaih tawh,

Tuibang gawm ma holung kikum, 

Umbang khawlkhawm nuihciam lelzel, 

Singdang englo nun nuam khawlkhawm.

Solkha tangnuai mawngbang kikawi,

Khawl khop cimlo taikhua  valzel,

Nun in nuam ee sang bang kinoh,

Ngilh ni om diam len lai hun nuam.

Lungtup deih geel  tuibang kigawm, 

Maciang suan khawm heina peuh ah,

Sakmel etlawm duang  kuai angkawi,

Lai lung muanna, tang bang dam sung.

Sian thupha sang’ vonnih thum tawh,

Laikuang umkhawm sanmun muang ta,

Sakmel duanghoih tongdam khum pen,

Academy angkawi paakbang kong tawi. 

Note: Zua-Pa' Tongdam Awnem 

Gelh: Kap Do Thang 

Date: Wed, April 25, 2012.

TUN-NU' BANZAL

Hongcing hongkem hongvil den tawntung,

Lamhong lakden Tun-Nu' banzal,

Luai naubang khim laikhun tung bang,

Zaitha khauhsak Tun-Nu' banzal.

Tuanglam sikkhial  pukloh nang’n,

Honglen hongkem Tun-Nu' banzal,

Naubang kap-in luankhi  kiat ciang,

Hongkhem hong nulsak Tun-Nu' banzal.

Sung gilkial in, Naubang  kahciang'n,

Sungnek lim  pia Tun-Nu' banzal,

Omlai veileng  tangbang dam nang'n,

Hongcing hongkem Tun-Nu' banzal.

Gelh: Kap Do Thang

Date: Wed, April 25, 2012.

TUN-NU' NUUNKHUM

Vitamin hoih pen tTun-Nu' nuuntui

Zaitha khauhsak tangbang damsak

Cingtui  tamsak mel hoihsak,

Lim pen sungnek Tun-Nu' nuunkhum.

Kilbang khangsak Tun-Nu' nuuntui,

Vabang pilsak hong cimsak pen,

Sung gilkial sim, annbang kimuam, 

Limpen siktui Tun-Nu' nuunkhum.

Sesum  paai tawh, lei theih hi lo,

Bangmah peuhtawh khek theih hilo,

Cikmah ciangin loh zawhloh ding,

Amanpha, amanpha, Tun-Nu nuunkhum.

Gelh: Kap Do Thang

Date: Wed. April 25, 2012.

TUN-NU BESAM

Besam besam, Tun-Nu' besam,

Etlawm etlawm zaam zilzial e,

Duang akuai, Zua-Pa' ading'n,

Etlawm etlawm Tun-Nu' besam.

Zua-Pa' zuanna Tun-Nu' besam,

Maimit laukha  luaiden sak e,

Duang suah paakbang a-etlawm sak,

Etlawm etlawm Tun-Nu' besam.

Gelh : Kap Do Thang

Date: Wed. April 25, 2012.

TUN-NU' ANGLIIM

Zalna nuam pen Tun-Nu' angliim,

Itna tongdam kam khum kiza,

Nun-in nuam e, singdang englo,

Limbang belhcing Tun-Nu'  angliim.

Limbelh phungcing Tun-Nu' angliim,

Lailung muanna lambang pakna,

Zaitha tawldam, nunin nuam sa'ng,

Haibang ngak la'ng Tun-Nu' angliim.

Tun-Nu' angliim lailung damna,

Kilbang khanna sencil panin,

Sinthu khing hoih kimuapna mun,

Saumang nuam pen Tun-Nu' angliim.

Gelh: Tg. Kap Do Thang

Date: Wed. April 25, 2012.

TUN-NU' ITNA

Tun-Nu'   itna bang ahi-hiam?

Tehpih ding bei, sim leitungah,

Tangbang damsung sutzawh loh ding,

Tun-Nu' itna, Annbang itna.

Itna  bukim Tun-Nu' sungah,

Selung mawl hang'n, hong maisak den,

Nunna na ngawn hong kipia ngam,

Ngilh zawh loh ding Tun-Nu' itna.

Hong kem  khiallo hongit manin,

Omlai vei in, sung gilkial  ciang,

Doctor te' sang’  kepna kicing,

Thuh zawhngeiloh  Tun-Nu' itna.

Gelh : Tg. Kap Do Thang

Date: Wed. April 25, 2012.

TUN-NU' SAKMEL

Singdang lun tawh tanbang teh kim,

Tun-Nu' duangsuah sakmel etlawm,

Lambang paakna gual anglai pa'n,

Tun-Nu' duang suah,Tun-Nu' sakmel.

Zoheisa bang paalhoih Tun-Nu,

Etlawm zunsiam Star hoih pen,

Zatam lak pan ahoih pen ci’ng,

Tun-Nu' sakmel, Tun-Nu' sakmel.

Tun-Nu’ awhkhi  sakmel lawm sak

Tungsun-ni bang'n tang silsial e,

Lel zawhloh ding Tun-Nu' hoihna,

Etlawm hoihpen Tun-Nu' sakmel.

Gelh : Tg. Kap Do Thang

Date: Wed. April 25, 2012.

TUN-NU' AWNEM

Vondeih  ngaihmin,  theibang lawh sim’n,

Tongdam awnem tawh, hong samden,

Bawi aw, tawng aw, theibang minlo,

Tun-Nu' awnem, ngilhni om diam?

Kil bang khanna’ maimit siing nang’n

Hong khim  diaidiai tuunnu aw neem

Zalna luai tung nau bang kah ciang’n

Hong khem tongdam tuunnu aw neem…

Gual tawh tanbang kim zawh nang’n,

Sinthu khing-annbang hong muanden,

Vabang pilin kilbang khan nang’n,

Zaitha hong guan Tun-Nu' awnem.

Gelh: Tg. Kap Do Thang

Date: Wed. April 25, 2012.

TUN-NU' ZAITHA

Zaitha patbang anem zong’n,

Vondeih itman giautau ngeilo,

Tang nisa nuai, tuzong khawllo,

Hongit hongkem Tun-Nu' zaitha.

Khakua sungbang, hongkem laigil,

Pheiphung suanna zaitha nem zong’n,

Annbang itman, lobang khual ma'n,

Phelbang khauhsak Tun-Nu'n zaitha.

Sialbang lianlua Tun-Nu' itna,

Sitlo zaitha, vondeih ading'n,

Omlai vei zong, hong thuakpih den,

Tun-Nu' zaitha ka zaitha hi.

Gelh: Tg. Kap Do Thang

Date: Wed. April 25, 2012.

Hih atunga Laigelh pen, Tg. Kap Do Thang hi-in, Zampi Khua, Tonzang Township, Chin State, Myanmar ah suak hi. Nu leh Pa zahtak in, naute pattah siam Uzaw khangno khat hi-a, Khua leh tui it-in, Minam thupisak a etteh huai khangno khat ahihi. Spicer Memorial College pan, 2013, March Khasungin, Bachelor of Theology ( B.Th ) Qualify takin ongzo khia hi.

Ama' nuntakna sungah aphutkhak haksatna leh thuaknate La in phuak-a, "Sakmelhoih" cih New Albums abawl laitak ahihi. Asawtlo in, ong kihawm khia zihziah ding hi.

Posted by,

Tg. Dal Sian Hung

Owner/Director

Zomi Foundation Home Mission

Kuala Lumpur, Malaysia.

Mob: 011-1573-1275/016-355-4469.