( 1 )
( a ) Daw ki ci peuh, nuai siim lei ah,nang bang Daw lian mi a tam lo e.
( b ) Nang bang Daw lian,mi a tam lo,tung Pa Sian leh,ih gam vang in,tang bang dam aw,deih a kei tel aw.
( 2 )
( a ) Na zua nung sang,sul bang na zuih,sin lai va bang,a pil no,a pil no aw e.
( b ) Sin lai va bang,a pil no aw,tawi nam tem bang,a hiam no,a hiam no aw e.
( 3 )
( a ) Hai bang ka ngak,kum khua sawt tawh,a ni kum cing bel bang belh e,ko lun hen kol,sut aw ZO Sian mang.
( b ) Ko lun hen kol,hong sut in la,bel a zu bang,hong puah aw Sian aw,Burma hong puah aw.
( 4 )
( a ) Daw suh gual tung,va bang tuang le,nah nuai sang mang baak khiat ni bang,pah tang ah zan,zai sa nuam veng e.
( b ) Pah tang han zai,sa nuam buang veng,sim lei lawi bang,thang sak nuam veng e.
( 5 )
( a ) Pen Ne Ro leh,Gam Ba Li lah,tong ciam pel pel,Ban Kim Mon leh,ObaMa zong,ka muang lo, ka muang zo lo lai.
( b ) Ka muang lo, ka muang zo lo,liim bang kong belh,Sian Mang aw,tong kong ko ko e.
( 6 )
( a ) Ih tun nu lah,hen kol khai ven,von za tam te,sung gil kial lai, dip ih nem lua e.
( b ) Sung gil kial lai,dip ih nem vang,mim bang pian na,gam lei tuang nung,siat ding na leei e.
( 7 )
( a ) Ka lun kol khau,bang hong sut aw,zah tan ci bang,ka tel tuam hi e.
( b ) Ci bang ka tel,tem bang ka deih,kong lawh man tul,kei aw Daw San aw.
( 8 )
( a ) Ih gam nuam a,ih tun min lun,Sian siam tang bang,dam leh ken ciing e.
( b ) Sian siam tang bang,dam leh ken ciing,tong dot lun mang,cing zaw leh ciing e.
( 9 )
( a ) Ka zai tha tawh, ngo sai bang ban,bat lei bang phul thei hi leng,phai bi bang,ken zial nuam veng e.
( b ) Phai bi bang,ken zial nuam veng,sang leh lal bang,ka do aw do,vai mang ka do aw.
( 10 )
( a ) Sum bang bia a,sian mang na cih,do ta ngal khuai,hang te bang a,zah ta sum lu pal na lak aw e.
( b ) Ka vai mang aw,ngal khuai bang hang,na ki sa nam,Sian in bat phu bang ei phul na, *lemongtai*tawh, ma lo bang lel cia...
( 11 )
( a ) Indonesia,Indon aw e,Sian Mang cin thu pal bang na nan,a kha vang zu, bang na nial aw e.
( b ) A kha vang zu, bang na nial aw,puak sing bang Sian in hong loh na,*sunami tawh,nang hong hual khawm e.
( 12 )
( a ) Cin thu za tam,gual lel lai ah,do lai a tham,tun aw Sian siam,tang bang dam ve aw.
( b ) Ka tun tang bang,in dam peuh leh,U.N.O tawh na hawm cin thu,Sian aw sun hai kia bang ngak vang e.
Pa,Lang Kap Pau
Kualalumpur,Malaysia.
Ph,016,6850095.
Augutst1. 2009
