Akua mapeuh,
Zomite ading lungdam huai thu khat August 29, 2009 in Yangon Sanchaung Myone sung ah Topa in ong piahi.
TBC-Y ( Tedim Baptist Church - Yqangon) Pawlpi akiphuh cil in Yangon Khuapi sung ah aituam Biakinn pii khat neihzawh nading lunggulhpi ahihna tawh kizui in Pawlpi makaite in ong hanciam takpi uh aa, Yangon khuapi, Sanchaung, Mi-ni-gone aa Karen Biakna han mun ah Biakinn mun khat kinei zo takpihi.
Biakinn munding neih zawh khit ciang, Kawlgam thukhun zia zui in Biakinn lam nading kumpi lam pan phalna kisam lai aa, hamsa sak mahmah uh kawmkal ah kingahkhia leuleu hi.
Kumpi vaiteng siangkhin ahihman in Aug30, 2009 ni-in Biakinn khuambul suang phuhna Rev. Dr. Pau Khan En, Senior Pastor, TBC-Y mah in nei-in Zomite Biakinnpi ding Topa tung apna neikhin zo ahihman in, Kawlgam khuapi, Kumpi khuapi lui Yangon khua ah Zomite belh theihding Biakinnpi khat Topa'n ong vai hawmsak zo tahi cih ong tangko nuam kahihi.
Hih innpi akizawh khitciang, Biak kikhopna, Tedim Christian College, hall lianpi, Mission Centre, Training Centre, Christian vantuamtuam zuakna, cihte aa kipan minam vai, Biakna vai, Pawlpi vai, mimal vai khempeuh vaihawmna phualpi ong hiding aa, Zomite kizopna phualpi ding ngimna om ahihi. Dawltampi in kilam dinghi.
Tuabek thamloh in nopna dahna ah kisuktuahna phualpi, Community Centre pi ong hiding ahihman in, hihbang ong vaihawmsak Topa tung leh akhangkhang aa makaite tung lungdamna ih pulaak hi.
Tutak Biakna lam tawh kisai in Yangon khuapi laizang ah Sihzang Tuiphum Pawlpi, Faith Bible College leh tu aa TBC-Y cihteng thum petmah in aituam leitangh tawh anei zo hipan aa, mailam hun ah Topa lungsim ihmuh nakleh ong piak behbeh laiding muanna ihneihi.
Hang Khan Lian
--
Hang Khan Lian
11 Mattar Road
Singapore 387720
