Zomi ulehnau,
Ong tungding October 5 - 9, 2009 hun sungteng in ZCLS makaih, panmun laakna tawh Zomi Hunbit Pasian nasem 600 in Kawlpi khua Leipi Tuiphum Pawlpi bulphuh in Minister Conference pii neiding cih lungdamhuai thu kong taangko nuamhi.
Thubulphuh ding, " Kum zalom 21 ading Zomi Khristian" Mark 2:21-22 hidinghi.
Kikup ding thulu leh amakaih dingte:
1. Ecumenism: Rev. Dr. Bishop Felix Lian Khen Thang
2. Life & Mission in 21st: Rev. Dr. Do Sian Thang
3. Christian Spirituality: Rev. Dr. Thuam Khan Thang
4. Transformation: Rev. Dr. Simon Pau Khan En
cihte hidinghi.
--
Leitung mun tuamtuam a om kong it Zomi te
ZCLS BM lungkimna om bangin October 5-9, 2009 sung Leipi Baptist Church ah neih ding na geel ung. Ministers pen 600 ding le kamphen kullo Zomi teng na ci ung. Hih vaihawm na bulpi in Zomi te lai lam ah ih khan toh semsem mah bang in ki pumkhat na lam ah zong khangto in Topa leh ih mite a ding ma ih pan khop ciat ding deihna bulpi a hihi.
THU BULPHUH: KUM ZALOM 21-A' DING ZOMI KHRIATIAN (Marka 2:22)
Subjects Resources Persons
ZOMI LE ECUMENISM Revd Dr Felix Lian Khen Thang
ZOMI LE LIFE & MISSION IN 21ST CENTURY Revd Dr Do Sian Thang
ZOMI LE TRANSFORMATION Revd Dr Simon Pau Khan En
ZOMI LE CHRISTIAN SPIRITUALITY Revd Dr Thuam Khan Thang
Sum omlopi-in kigeel ahih manin sum zonzia ding haksa mahmah hi. Tua a hih man in mun tuamtuam a om sanggam Zomi ten hih ZCLS min tawh ih Pasian na sep na leh ih mipi te ki pumkhat na ding geel na na lianpi sep na ah deih sakna leh lainat na tak tawh nong huh zawh zahzah uh a tawm a tam ci lo in nong panpih ciat na ding un ih biak Pasian min tawh huhna hong ngen hi ung. Huhna hong pia na om uh leh ki nak lungdam mahmah ding a nong khak na ding uh pen Lian Khen Pau NRC 4/TaTanah (N) 005478 hi.
Ih biak Topa Pasian in Zomi te ih om na ciat ah mavan daupai na hong pai in Ama thupha ki cing hong sang sak ciat ta hen.
Zomi sung ah,
Revd Lian Kehn Pau
Excutive Secretary
ZCLS, Kawlpi.
---
Zomite taangthu ah hihbang Biakna Pawlpi kim pan in hunbit Pasian nasemte kikaihkhop, kisuktuahna aomzo ngeinailo ahihman in ong Siampa in kisam sata hiding in ka lam-enhi.
Biakna vai, minam vai, mailam hun kalsuan ziading ih mipil, makaite muhna tampi kisungkhia ding aa, ihgamsung aa om Pawlpi makai hunbit Pasian' nasem khempeuh in ngaihsutna, theihna, muhna, tuahkhakna te sung khia ciatding uhhi.
Tuni dong minam vai, vaihawmna tuamtuam a om teihang hibang taangzai tak aa vaihawmna omngei nailohi.
Hihbang apiankhiatna ding ong gelsak Topa tung ah lungdamna ihko aa, avaihawm khia ZCLS makaiteng leh Thuvanpipa Rev. Lian Khen Pau tetung ah zong zahtaak, lungdamna ihko hi.
Hunkhat lai aa Biakna sung pan minam makaipite tupna, lunggulhnate damdam in ong kisem toto ta ahihi. Hihbang minambup vai innteek sem in ong dinkhiat theih nading, ZCLS ah neihsa, lungsim ngaihsutna tampi tawh pansan ala Rev. Dr. S Pau Khan En leh makai masate tung mahmah ah ihminambup lungdamna lian ihpulaak phapha hi.
Ih minam sung aa ihtuah khak thute, ihtuahkhak laitak leh ihtuahkhak laiding thute ong kikum dinguh hi. Ih minam mailam ding Topa ong deihsaknate Topa mahmah in hih minam Minister Conference ah ong lahkhiat nading Thungetna tawh pangciat ding hihang.
Adiakdiak in Zomite laineih zawh kum 100 sung aa ihluutding laitak in hihbang thumanpha, thu laigil ong kivaihawm theih lungdam huai mahmah kasa aa, Ama bawlsa leitung ah nalianpi asep nopciang gina takei leh mihingte mah azang Topa in Zomite tungtawn in Lungdamna Thu, asepnop naliante kipan nuamta hiding ci-in Topa tung lungdamna ihko kholhi.
Zomi sung ah hunbit Pasian nasem 600 bek ki omlo ahihhang sum leh paai leh vaihawmna hamsatna hang in 600 bek tawh akivaihawm zo pan ahihi.
Ong tungding mailam kum te ah, kumsim ihihzo kei zong in kum nih hal beek in zomsuak ding hang aa, tua hunteh tuipi galkai Zomi kipawlna tuamtuamte in innteek panmun ihlaak kuldinghi.
Zomite thuneu nengneng ah mibanlo ihbat phial hang, mite nungzui hihang ih kicih hang, ihsep vanglakteh abaakbaak aa kilawn ziahziah ahihi.
Makaite ong kalsuanpihna, panpih zuihsiamding kigingtek tading hihang.
Makaite gelna sunmangte mipi in taangtung sakzawhding hanciam ding hihang.
Zomite taktak tukaitak lian aa, ihtun ihbaanna leitung gamte'n ong zat nading, ongman nading kangaihsutsut hang kamu hetkei aa, himah taleh Topa gelna, Topa deihna om hiding lah kacian mahmah hi. Tua ahihman in Topa ong deihna banghiam cih, suntawh zantawh lung ngaiding hihang.
Topa in leitung mite tung aa alahnop, asepnop thuthukte, Zomite ong tawnsak in, Zomite ong zang hileh Zomite mipil hiziau lel hihang. Tua ahihman in Topa zatnuam ding in kiging sa in om tawntung ding hang aa, zatnop hunhun aa zattheih ding tatsa, kigingsa in omding kong hanthawn nuamhi.
Alui nate bei in athak apiang zohi.
Akiseelcip suangmanphate kitokhiata hi.
Zomi Innkuan (Singapore)
ZIS in tutung abei khempeuh phial siiknuam kihi-mahtaleh mihing 600 leh innteek kigawm ding ahihna tawh kizui in kitaang zolo suak hiphot ahihhang an hibang amasa pen minambup makaite kisuktuah, kalsuan na ah khatvei peuhmah ankuang umkhop buangloh in" cihtawh kihel ding kasawm uhhi.
ZCLS in Kawlpi khuasung ah telephone line khatbeek neihzawh nading hanciamna ah zong, ZISte ong sehna zah kisang photphot aa asum apaai ahihleh a om nailopi hiphothi. Tuipi galkai Zomi khempeuh kihel theih, panpih theih ahihlam zong kong taangko sakbeh nuamlaihi. Tulza 45 tawh aomsa leiding ahihi.
Thupuak,
Hang Khan lian
Hang Khan Lian
11 Mattar Road
Singapore 387720
--
Dear Mun tuamtuam a om sanggam itte;
Zan a kong mail khak maban hong zom ing. Tutung "Zomi Khristian
Pasian' Nasemte Thusinkhopna" pen ZCLS min tawh Leipi baikinnah nasia
takin kinei hi. Pasian in lawhcinna hong pia tawkpi ahih manin
thusinna lah thupi, a dangdang zong a kisam bangmah om het loin
Pasian' tate sungpanin na khempeuh hong kisik hi. Ih siate zong
kicianthei mahmah uh ahih manin i angtang mahmah hi. A thu dangte hun
ngah lamah ih kidam hop lai ding hi. Tutung pen hun awng om pha het lo
ahih manin kong tomlak pak ahi hi.
1. Rev.Go Za Nang' Sermon na-ah: Lai Siangtho sung a Zeisu' kammal
mah bulphunin; Zomite in "Ih Savun um lui nusia-in savun um thak ahi,
mawh kimaisakna tawh mailam ah Pasian' maipha zong ni. Khangnote
pahtahin lamto ni. Vision kician tak tawh kalsuan ta ni...etc...
2. Dr.Thuam Khan Thang: Subject: "Christian Spirituality" hi aa;
"Gualkhadi Theology" cih bulphuhin; i vengte huangah i hualkhadi gui a
zam leh tua cih koih ni. Vattan lehang amau bangmah angah loh bek hi
lo-in ei a zong gan nawn lo pah hi. Tapidawte kikhual siam ni, cite
pawl....Pasian' hong piaksa i gam i lei puahin zuun ni....tuhun
thusuak manlote peelin Minister te peuhmah limtakin kipuahpha dih ni.
Gam hal khampi-in kham ni. Ih pan theihna mun tek pan pang khawm
ni....Thangdunga phuitong, ngeisok te peuhmah kuaman phuk tan nawn kei
ni. Takno zong dawn deuh ni, cihte akipanin....(Christmas - X'Mas hong
pianna thu gen: Rome kumpi in Christian te a bawlsiat laitakin
Tapidawte' lungdambawl pen aman hi lo hi, a cih nopna uh tawh
"alkeng-lim" etsakna tawh X'Mas hong cihsak a na hih gigena thu uh
hong genin hi kisa mahmah hi. Mailam ah zat hetlo zawk dingin mipi
lunggulhna ahi hi.
3. Dr. Lian Khen Thang: Subject: Ecumenism" hi aa; Pasian' hong
piaksa i gam i lei puahin zuun ni. Gamhal lo ding, singphuk phuk nawn
lo ding; i sanggam Chin lamte'n amau gam puah zo ta uh hi. En bangcih
bangin mapang khawmin semin zuun to thei ding cihte lainat takin hong
gen to ngeungeu a, khasiat huai mahmah ahih lam hong phawk pha sak hi.
Bang hangin i gam keu hiam? A kua hang hi ding hiam? Tua ahih leh
bangcih danin tuate daaisak thei ding i hi hiam? Theihna ciangbek tawh
mipite om toto lai ding maw, eimau tek i vaipuak ahihna thu zong gen
hi....Zomite i pusuah ngeingai hun kici thei ding a ken thangah khin
hetlo hi ing..HIh danin hun hong paitoto leh mailamah ih Zogam pen
"Extension of Chin State" cih dong hong kul kha ding hi.....(Hihte
thusinna hun a hong piak hi a, tunitak teh aman hong sermon ta ding
hi).
4. Dr.Do Sian Thang: Subjest: "Life and Mission in 21st Century"
hi aa; Siapa thu hilhna ka zakcilna ahih manin thumu mahmah ka sa a,
telkan zo zong ka sa hi. Lungdamna busungah Zeisu a pumpi leh a
ngahsutna picing khawm a Pasian' mai leh mite mai ah maipha ngah hi,
cih thu pan panin; Pasian' nasemte kipuah phat nading tampi hong gen
hi. Zomi Pasian nasemte peuhmah in i mipih leh thu-um lo tampite maiah
limpha ihih ding a thupitnate gen....Ei zong taksa ah kha thuah a
khangcing ihih ding a kisapnate gen toto a; Tuhun teh Pasian' nasem
ding peuhmah a piangthak khinsate hi ngait ding a, tua panin Lai
Siangtho sinna kician a neite ihih ding kisam ta hi cih te hong gen
toto hi. Mailam 21st Century ah ih kipuahphat nading thu tampitak hong
gen khia hi.
Kong maan khate pen amin tawh puahman keng in; a tungnung pen Rev.Go
Za Nang hunzatna hi a; a nihna pen Rev.Dr.Thuam Khan Thang' hunzatna
hi aa; a dangte gel pen Dr.Do Sian leh Bishop Lian Khen thei tek
dingin lamen ing. Tua lo a khat pen ZCLS Lai-atpi'pa Rev.Lian Khen Pau
leh Chairmanpi'pa Rev.En Khan Hau(Haupu) ahi hi. A vaihawmnate uh
kician mahmah hi. Chairmanpi'pa Rev.En Khan Hau(Haupu) zong
Nekna dawnna tawh hong vakte leh a kisamteng damin hong zasak kik
nung. Omna ciatah Topa thupha ci ni.
Deihsakna tawh;
Peter Khampu, Kalaymyo.
--
Peter Khampu
Kalemyo; Oct. 8. 2009
