To All Dearest Zomi teng,
*Ngalliam pen Pu Tun Khaw Pum a mah leh a mah a kigen na hi aa PASAL PHA cihna a hi hi.Zomi te kipum khat na ding kapanta a cihna a hi hi.
Jan.1963 kumin C.L.A .[Chin Liberation Army ] ten a nasep kipan uh a,SUGNU,LAMKA. leh SINGAT a om [ Police Camp ] kap uh a, hih khua a [ S.D.O ] office te ah [ C.L.A ] te'n Dial lap[ flag ] akhai pahpah uh hi.
Tua khit ciang in gam tuam pan huhna nget ding kisam sakna in July ,22 .1963 in Rangoon[ Myanmar ] ah [China ] leh [ East -Pakistan ] [ tu hun in Bangladesh hi ] te palai te tawh kimu khawm ding in Pu Tun Khaw Pum a kuan hi.Hihkihona tak suak in 1964 kum ciang in Pu Tun Khaw Pum kumpi phalna tawh Pakistan ah vapai in a tun zawh nithum ciang in East-Pakistan [Bangladesh ] President AYub Khan tawh a tuam in kimu uh a, hih hun in A YubKhan in Pu Tun Khaw Pum pen numei lam leh Sum leh Paii lamah a citak hiam ci in ze et in, tua khit teh muan huai mahmah sa ahih man in, muan na taktak tawh East -Paskistan Kumpi in C.L.A te Sum leh Paii, thauvui leh thautangl eh Thau tawh a phung vuh in a huh hi.
1965 kum ciang in anihvei pai na ding in Pu Tun Khaw Pum leh A lawm te'n Pakistan ah kisap tuamtuam a valakik uh hi.Hih hun ciang in C.L.A te hat in Battalion 2 pha ta uh aa Camp thupi deuh deuh te uh MUALNGAT [TENGNOUPAL] , KHAUKHUAL [Churacandpur] leh TEI-KHANG [ tu-in Mizogam] huam te a hi hi.
Hih bang hun lai in Mizogam leh Mnipur a Zomi ten kipum khat theih na om kha diam cih na tawh Lamka kiang a om Kawnpui khua ah 1965 kumin Zomite Lakna makai tuam tuam leh Mizogam pan a hong kuan Pu Lal Deng leh mituantuam a tel hi.
1966 kum in MNF te ngetna mang in Pu Tun Khaw Pum in Aizawl leh khuapi tuamtuamkapna ding in thauvui leh Thau tang [Rifle 303 te zong mal 500 apia khia hi.] van tuam tuam tampi a pia hi.C.L.A te piak galvan teng teng leh a neih sa uh galvan tawh MNF ten Febuary 28 1966 in Aizawl ,Lunglei ,Memagirim ,Champhai [Tonsim ] leh Kolosip a kap uh aa,MNF dial-lap [Flag] nai 48 sung a khai uh hi.
Hih kum in C.L.S ten East-PAKISTAN [Bangladesh ah] A THUM VEINA galvan la ding in Pu Tun Hhaw Pum tawh a kuan uh hi.Deih teng a mukhin in LUNGDAM tak in leh Lungmuang tak a Mizogaam a Aizawl mual aa a hong pai laiun a up het loh a huh det uh Mizo National Front [MNF] ten lampi ah a mau mahmah piaksa thaute galhiam te mah zangin na man uh a ,Pakiitan pan a hong puak uh van tuamtuam teng laksak in,Pu TUN TAHAW PUM bel mun tuamtuam ah sel in, a ma nung zui teng a bana ban in mul kim het lo un that ngekngek uh hi.
Hih teng bek tawh pha sak lo in C.L.A teng nuaimang ding in Teikhang Camp ah Pu TUN KHAW PUM luhpih lai un, lungmuang tak a a om HITHIAT C.L.A te a vatmai mang uh hi.Mi hing ngaih sutna a zong thuak ngamloh khop in a bawl khit ciang un, Maite Command Central [ Estern command ,H.Q leh General H.Q of M.N.F ah Kha 6 a om pih khit ciang un Pu Tun Khaw Pum nuntak na a laksak mai uh hi.
Ih ZOPAUNAK in ** Mihing luang leh sialluang mang ngeilo CI HI VEN.....**
Oct.28 [ Pu Tun Khaw Pum a pian zawh Kum 61 a ci'n na ] aa hong gelh uh lai bu min ***HUN THAK *** cih lai bu pan in kong tei khiat sawn hi.
Tu ni dong ciang in Pu Tun Khaw that Lusei te M.N.F pawl te'n Pu Tun Khaw Pum DIAL-LAP [ Flag ] mah zangh uh hi.
LX-KAII [TAHAN].
