Zomism-6

by, ZamKingMang, ZoBawmkhai
---
fromking zam
reply-toblessedzomi@yahoogroups.com

tozomi@yahoogroups.com,
blessedzomi blessedzomi

cckhampeek thangsiankham ,
Pum Za Chin ,
pumkhankham ,
papau mang suan pau ,
Thang Khawm Pau ZOMI ,
zokhai AU ,
"d.k.khup newyork" ,
Gin Mang ,
gosawmkhup ,
dokham ,
Donngaihlian Lian ,
khamkhankhai ,
anderw khai anderw khai ,
khup khan thang ,
nanggk@yahoo.com,
naudalte@yahoo.com,
zocia@zocia.org,
Ningpi Gualnam ,
gualnam mack ,
guite james ,
Go Van Mung ,
Carey Suante ,
Chinkhawkhai Khai ,
cingkok cingpumneam ,
"Dr. Hau Za Cin" ,
Thawng no Thawng Khan Cin ,
"huat mang dr.molly" ,
hangkhanlian ,
Lu Lun ,
ZAM Malaysai ,
Ms Julia Man Ngaih Hau ,
thawngbawiZAM ,
mangpi VunglianMang ,
"Tual Khan Suan (Suanpi)"

dateSat, Dec 19, 2009 at 3:55 AM
subject[ ThuphaZomi ] Re: "Zomi Lainatpih mi 500 Campaign" Re: UN-DESA ah ZAUS ki sang ta.
mailing list Filter messages from this mailing list
mailed-byreturns.groups.yahoo.com
signed-byyahoogroups.com
unsubscribeUnsubscribe from this mailing-list
Images from this sender are always displayed. Don't display from now on.
hide details 3:55 AM (13 hours ago)



Dear Zomi lainatpih teng,

1. A masa phot in Kawl gam mi i hih ngak leh U.S. bang ah Burmese in ong ki ciam teh phot hi. Karen makai te bang President Bush na ngawn tawh maitang ki mu uh hi, Mrs Bush bang Thai gamgi refugee camp ah va hawh hi. I official name pen Burmese mah hi phot hi.

2. Kumpi a hi lo biakna kipawl na lian pi pi te, UN, NGO zum te ah Zomi in ong ki ciam teh theih na ding ei gen theih vai hawm theih hi.

3. Zomi kipawl na tuam tuam teng ahi ZCF, ZIUSA, ZIS, ZCLS, ZOMUS, ZOLUS, ZOFA, ZYA, ZAM, ZAA, ZAUS, ZAJ teng kipawl khawm in, ei tual sung vai bek ah buai lo in, bang cih leeng leitung level ah panmun la zo ding cih i ngah sut tek ding ki sam hi. I om na tek aa state, gambup ong uk kumpi te tung ah iphut ding kisam hi.

4. Biak na lam pan ZCF te in WCC, WBC, YMCA cih bang phungpi te ah bang ci lut zawh ding cih tup na nei hi leeng a lam pi om hi.

5. Zomi Association of USA in UN-DESA pan kal suan to in UNPO lut zawh na ding Zomi official in ciam tehna UN level ah ngah na ding leh mailam ngim na te sep zawh na ding in ong panpih ding mimal leh sum tha ki sam a hih man in hih "Zomi lainatpih mi 500 Campaign" tawh kal suan ding kigel hi.

6. Zomi a deik sak tek, avei tek hi hang, Zomi Lainatpih na tawh kum khat in $10 or kha khat in $1 ta lawp tak in pia zotek ding in ong muang ing.

7. Amasa in kha khat in $1. ta pai nuam teng in email ong thuk kik un la min sazine la phot ding hi hang. Sum piak pah kul nai lo hi. Agam agam ah taang mi ki seh ding hang aa tua pan in thu ki za kik ni.

Zomi te hanlungciam khangto diam. God bless Zomi.

King Mang
Pu Zamkingmang Zobawmkhai

Zomi le Zogam kiling Niahniah!

from MoveOnZomi@aol.com
Zomi leh Zogam ling niahniah ta. Revolution-WOTY2009
By Andrew Khai
DEC16,2009.

Leitung-ah a piancil pan kipan Power leh privilege ii Humcip Zogam leh Zomi a bawl pan' nung heisan tuanlo ahih man-in, Hunkhat lai-a ih lamet zawhloh thulamdang leh nalamdang tampi nisim-in ih mu toto ta hi.

Hunkhat lai-a a pilpen leh a haupen tebek ii tunzawhna USA,Canada, Aussie, Japan, EU leh gamlian tuamtuam ah Zomite, banghang hiam ih theihloh hang, neihman leh theihman hilo-in a ut zahzah nisim phial-in ih tungta hi. Tote lah ih ci-a Mangkangte lah ih cih, batzawh ding-a ih tuat vetloh, te hazat zawhzah dong-a khangto Zomi honkhat zong ih mu theita hi. Education bangmah a neilo dinmun-a om Zogam ah Zomi Doctorte a thuap a thuap in Medical trip paitawh Seminar paitawh ki lehsuk ki lehtote thu ih zata hi. Ih lamet ngamloh Mang Inn ih cihbek Thaih Inn lianpipi te Zogam ah a dawl a dawl-in a ki thuap a ki tungte zong, tunai Zogam lam a paikha ten, ih muding hi.

Tuamah tawh kibang in ZONET WOTY-2009 kitel na khawng ah ih theih ngeiloh thupi ih sak khaklohte khawng hong ki nominated ciang-in lamdang asa phial zahdong in ih omta hi. Lamdang mah hi Berlin Kulhpi a cimsak khut in Zomi leh Zogam hong lawngta hi. Africante sila-a a ki khawina mun-ah African suante kumpi a semsak Pa khutsiangtho in hong lawngta ahih man-in Zogam leh Zomi kilok in ling niahniah ta hi. Tua pen Mangten Revolution or revitalization a cihcih uh hi-a a khangto ding Minam peuhmah in tuahloh phamawh a ki pelhtheilo movement khat a hihi. A khangtosa leh a suaktasa gam a hi USA te bang in a suahtakna uh pen a tawmpen kum sawm ah khat vei revitalize loh phamawh hi ci-in, Khangkhat khit khang khat American ihcih in banghiam cih ih define tohtoh ding kisam hi ci lailai uh hi.

Naupangno ten a muh ngeinai lohuh ganhing a hi zong, Machine khat peuhpeuh ahi zong munuam mahmah uh hi. Ahi zong a nu leh a pan' a khut tawh lenin a kiangah ompih kei leh, a muhnopna sang a launa lianzaw ahih manin, lauin kap uh hi. Tuhun sung-in zong Zomi ten na lamdang tampi nikhat khit nikhat ih mu toto ding-a eite khuttawh honglen tawntung ih Topa ih phawk keilet Naupang lau-a a kap bang-in lungkham-in ih om theiding hi. Lauding lungkham ding hilo in Lametna leh Lungmuan-na tawh pilvang tak-a etcik ding a hihi.

ZONET pan hong kipan ahi Revolution-WOTY2009 in bangciang mainawt dinghiam cih ei mipi khatciat tungah kinga hi. Zomite ih lungsim hong hencip ahi ka behte ahih kei leh ka lang, ka khuapih ahih kei leh lehbawl ding, ka pawlpi pih a hih kei leh thusim loding cihte bangzah ihpai khia zohiam cihin thu hongkhen ding ahihi. Ih hamsiat vanglak leh tu-a nominate ih bawlna ciangtawh hongkhawl lelding hi. Ih hamphat mahmah leh bel Zomite ih lungsim, ih pumpi leh ih kha tawldamna hun khat ciangdong hongtunpih zoding makai kician khat ih ngahlawh nangzong hithei ding hi. Zomi ih hihna suakta tak-a ih ki sialhtheih leh ih cerebrate theih hun, ih pride khat hong ki nawngkaisak nawnloh hun pen ih lungsim tawldam hun in ka tuat hi. Zogam ah ih deih bawlthei, sinthei, zongthei, zangthei leh nasep silbawl, nek leh dawn lungleng lo-a ih om hun pen pumpi tawldam hun in ka tuat leuleu hi. Zogam-ah ih Pasian suakta tak leh lungmuang tak-in biathei leh gal leh sa lungkham lo aa ih om theih hun pen ih kha tawldam hun in ka tuat hi.

Kei leh hih lai simteng bek hilo Zomi khempeuh a tawm leh a tam Power leh privilege ii humcip sa ih hihi. Humcipna sungpan a suakta nuam vive ih hihi. Tua bangteng tawh pawlkhat-te laigelhte pen pawlkhat te muhna ah poisonous-pen bang-in a mukha zong ommai mahding theihsa hi. Ahi zong mihingte a hoih nuamlo kua mah omlo napi-a ih hoih theihlohna a hang ih phawk theihding ki sam hi. Ih deih suahtakna pen suahtakna bekmah tawh ki lathei hi. Tua hih ciang-in ih mite lak-ah bangbang ih mu aa ih tuak zongin muanlahna leh neuetna tawh humcip lam zanglo-in, Eite a twantung-a hong len vanglian khut muanna leh a hoihpen ding lam-etna tawh midangte eimah bang-in mu-in zahtak zawh sawmleng ih Zogam leh ih Zomi hong bawlpa deih bang in ih suakta ding a hihi.

A simkha mimal khatciat tungah lungsim suahtakna, pumpi suahtakna leh kha suahtakna thupha hong tunkim ciat tahen! Amen. Lungdam.

CNF VS THOMAS THANGNOU

Interview with Thomas Thangnou (CNF Vice President)
Source: Thuro Cazual Volume IV Issue 15

Thuro: ZORO, ZRO le CNF hi pehtlaihnak nan ngei hna maw? Zei bantuk ahdah nan ikhah i zei bantuk ahdah nan idannak ti zong theih kan duh ngai ko.
Pu Thomas Thangnou: ZORO hi Zo Re-unification Organization asi i 1988 ah an rak dirhmi asi. An chairman ah Brig. T. Sailo, Vice chairman ah Pu T. Gou Gin le Pu C. Chawng Kunga, Secretary-general ah Pu S. Thang Khan Gin Ngaihte le Pu Lalhmingthanga, Treasurer ah Pu Thangmawia hna an rak si. Atu Aizawl ah Head Quarters an ngei i an um ko. Non-violence movement tuahmi an si. Political Party an si lo. UNWGIP, Geneva zong ah kum fatin in an kai peng. Kanmah he zong kan ipehtlai ko hna. A min cu adang ko lai nain miphun pakhat kan si timi zawn ah le cu miphun pakhat cu hmunkhat te kan um duhnak zawn ahcun kan ikhat.





ZRO cu Zomi Re-unification Organization an si. An ralkap ah Zomi Revolutionary Army an iti. Violence movement an si. Paihte-Kuki buainak hrambunh in 1991 hrawng in a rak chuakmi asi. An hotu hna cu 1990 election lio i ZNC, MP-Pu Thang Lian Pau te hna an si. Manipur State chungah hram an bunh. Suang Dawh lei ah an Head Quarters a um.




ZRO le CNF direct pehtlaihnak kan ngei lo nain ZRO chung ah a tel i ZNC zong an rak simi Burma leimi ZNC dirhmun in cun pehtlaihnak kan ngei. Cucaah 2006 kum Chin National Conference kha anmah General Head Quarters ah kan rak tuah kha asi. Chin National Council chung ah ZNC cu CNF he hmunkhat ah rian kan ttuan ti.





ZRO hi India ramchung hriamnam tlai in kan theih ning asi. Burma ram lei ah an cawlcanghnak (movement) kan thei lo. Burma ram chung ah Indepentdence (or) Federal hei tibantuk zeihmanh fiang in an khelmi kan thei lo. An ral biapi (common enemy) hi Kawl maw India maw asi kan thei lo. India phungtlai (cozah) ralkap he zong an ikapmi kan thei lo. Internatonal boundary cung ah an policy fiang tein kan thei lo. Manipur State chung ah communal politic (or) tribal politic ah an ihnamhnuaih (an itel) ngaingai tiah kan theih.




Kan idannak cu CNF cu Burma ram chung dohthlennak (revolution) a tuahmi kan si. Burma ram chung Federal, Self-determination le Democracy ngah duhmi kan si. International boundary cung ah atuning in theihhngalhpimi kan si i Burma ram lei politics a khelmi kan si. National level ah Chin hi a duhmi kan si lio ah ZRO cu Zomi a duhmi an si.





Kan ikhahnak cu miphun phunkhat kan si tihi kan pom. Hriamnam tlai violence movement kan si. Kan miphun hmunkhat te i um hi kan duh.

CHIN NATIONAL COUNCIL

CNA, CNC

iNDIA mYANMAR Border ah; a kibawl CNC

BRU or TUIKUK

fromGin Khan Nang
reply-tozomi@yahoogroups.com

tozomi@yahoogroups.com

dateTue, Nov 17, 2009 at 2:11 AM
subjectRe: [ZONET] Aizawl Khua Hun
mailing list Filter messages from this mailing list
mailed-byreturns.groups.yahoo.com
signed-byyahoogroups.com
unsubscribeUnsubscribe from this mailing-list

hide details 2:11 AM (0 minutes ago)

Images are not displayed.
Display images below - Always display images from nanggk@yahoo.com
Dear Zomi, na cih bangin a thu kicing zaw deuhin hih lai-ah hong gelh ing.
Bru kicite pen Tripura ah Riang (Reang) minamte hi a, Mizogamah Tuikuk zong kici hi. Amau pen Tripura minam hi a, Mamit District sung Tripura gamgi dung Mizogamah tam khop mah om uh hi. Amau pen Mizogam mi diktak hi. Ahi zongin minam kikal kitel khialhna hangin kum 1997 (Manipur eimite buai kum) kumin minam kikalah buaina piang a, tampi Tripura lamah gal tai hi. Galtaite pen Refugee Camp bawlin Camp 6 ah mi 35,000 pawl tu dongin Tripura lamah om uh hi. Hih galtaite in India kumpi tungah thu puak uh a, galtaite pen tu-in India kumpi in antang leh sum huhna pia hi. Kiteel (election) ciangin zong refugee camp a omte in vote khia sak uh hi. India kumpi in kumthak March, 2010 ma-in hih refugee camp a om teng Mizogam ah laklut ding ci-in geelna nei hi. Mizogam a ciah kik zia ding tawh kisai Nov. 4 ni-in Bru makaite, India kumpi palaite leh Mizogam kumpi palaite in Aizwlah kihona nei uh a, Nov. 16 akipanin Mizogamah ciah kik ding ci-in thukimna bawl uh hi. Tua thukimna-ah Bru galtaite pen khua khat leh munkhatah (compact area) ah koih loin, khua tuamtuam ah kihawm zak ding, Mizo khua-ah tawm tekin kihawm ding cih Mizogam kumpi deih dan hi. Bru minamte in khua khat, mun khat (compact area) a om ut uh hi. Tua bang thu a om laitakin Nov. 13 ni-in Brute omna Buangthuam khua-ah Bru gamnuai mi (Bru Revolutionary Army-BRA) kici min tawh Mizo tangval Zarzokima (21) thau tawh kikap lum hi. A kap lumte in Mizogam kumpi in Brute deihna bangin a sep kei leh a tawp dongin ka pang ding uh hi ci lai nusia uh kici hi. Hih kithahna hangin tu-in Inn 300 val kihal hi. Inn kihalte pen Mizote hal hi dingin um mawh uh a, ahi zongin kim khat in Brute mahmah in Mizote minsiatsak nopna tawh a hal uh hi ding a ci pawl zong om hi. Hih thupiang hangin Bru galtaite Mizogamah a ciahkik ding uh pen piang thei nawn lo ding hi ci uh hi.
Tawm hong behlap leng, Brute in Mizote in hong deih lo hi, kivaihawmna tuam hong pia un ci-in India kumpi tungah tun ngei uh hi. Tua pen Mizote in deih lo hi. Mizote in Bru minamte a ciahkik ding uh deih khol lo hi. Amau ut thu a Tripura a tai hi ci nuam uh hi. Bru galtai ciahkik dingte zong khua khat, munkhatah koih ding a deih lohna uh zong mai lamah hong tam ding uh a, MLA tuam nei thei ding uh a, district tuam bang hong deih ding uh cih muhna ciang nei uh ahih manin khua tuamtuam ah khenthang ding ci uh hi.
Lungdam. GK
--- On Mon, 11/16/09, neored zomi wrote:


From: neored zomi
Subject: Re: [ZONET] Aizawl Khua Hun
To: zomi@yahoogroups.com
Date: Monday, November 16, 2009, 2:41 PM




Guai Bru cih kua teai hia.
tang thu tomno dan in hong hawm sawm dih ve siapa aw


Neoredzoson


On Sun, Nov 15, 2009 at 11:32 PM, Gin Khan Nang wrote:



Mizo leh Bru kikal a buaina nasia semsem. Khua 7 ah inn 300 val kihalsak ta. Hih inn kihalte Bru te inn Mizote halsak hi. Hih buaina nasia semsem ding tawh kibang ahih manin Tripura gama Mizo omte a bit theihna dingin Mizogam kumpi in Tripura kumpi tungah huhna ngen hi. Tua mah bangin Mizogama om Bru minamte a bit theihna dingin Mizogam kumpi in Police leh IR galkap tampi sawl cih thukiza. Hih pen Nov. 13 ni-a Mizo tangval kum 21 mi Buangthuam khua-ah Bawng an at dinga gamsunga pai pen Bru gam nuai mi kicite in kap lum hi. Hih a sipa luang man dingin Mizogam kumpi in Rs.100,000/ - pia hi.

ZOFA 2009

ZOFA (Zomi Football (soccer) Association)
----

Vial Khan Do
President
Kam Suan Mung
General Secretary
ZOFA Committee 2009
November 15, 2009


Dear A Zahtak Huai ZOFA Committee 2009:


ZOFA 2009 Kimawlna pen tha kipia in, kilawp kim tek sa mahmah ingh. Kum 2009 pen Zomite mun tuamtuam, gam
tuamtuam ah i kikhen pen kum zong hi ding in ka lamen hi. Kawlpi kim a om Zomiteng bek hi-lo in, mun tuamtuam,gam
tuamtuam a om Zomiten hih ZOFA 2009 Kimawlna pen tha ki ngah thei mahmah kasa a, ZOFA Match Result hong
suah kal ding ki ngaklah thei mahmah ka sa hi.

Hih banga Zomi sungah thalawpna, tha kipiakna a om pen ZOFA te Giimna leh Tuupna ( ZOFA Aims and Objectives) a
a hoih hang hi dingin ka lamen hi. Tu hun pen Zomi sungah kipum khat ding, i Zomi nam, i Zogam puah phat ding lungsim
i thahat hun, a ki lunggulh mahmah hun hi ding in ka ngaihsun hi. Hih banga a hun leh i lungsim puak zia tawh kituaka, Zomi sungah kipumkhatna, kilemna, cihtakna te a khang semsem nang Giimna leh Tuupna a nei kipawlna ZOFA pen tha a ki piak loh pel mawh ka sa hi.

" To promote the physical health of the people, to promote unity, harmony, honesty, broad mindness , mutual understanding...
To eradicate dishonesty, egosentricity , conflicts, jealousy,and grudge which are still life among manay Zomis today...ZOFA strongly believes that ‘Sport’ will end amity and bring about amity and unity among the Zomis of today and of the posterity. In short to build up a healthier community."
ZOFA Aims and Objectives, Tonson Googlegroups - Tue, Nov 10, 2009


Hih banga Giimna leh Tuupna kician a nei ZOFA Kipawlna in, Laws of the Game ZOFA 2009 kician nei ding in kong lamen hi.
Football pen Zomite Kimawlna lak ah a ultung ( popular) pen a hih na zui-in, Zomi kim phial in i theih sa a hi, Football kimawl na
khat peuhpeuh ah kitawtna, kilem lopna zong a om thei zel a hih na i thei kim ciat hi. Hih banga thu nawngkai a om theih na pen Laws of the Game kician a om loh na hang leh Laws of the Game zui-a gamtat lohna hang a hih theih pen i theih kim ciat a hihi. Hih banga thu nawngkai a om ciangin, kilem semsem, ki-it semsem na ding a kibawl Kimawlna in khat leh khat ki lem lohna, ki muhdah na hong piang sak thei zaw sawp hi.


ZOFA 2009 Kimawna in Zomite kilem semsem, ki-it semsemna Kimawlna a hih ding Zomi kim ciat in i lunggulh ciat ding ka lamen hi. A hi zong in, November 10, 2009 ( Tuesday) ni-a Quarter Final kimawlna ( Kalay Baptist Church vs Pyidawtha Roman Catholic Church ) a thu piang thu a nuai-a bangin Pyidawtha Khua Football lam a makai khat i hong at na ka muh ciangin ka lungsim hong nawngkai sak mahmah a, thu tampi hong ngaihsun sak hi. ZOFA 2009 Kimawlna in Laws of the Game 2009 nei lo a hi hiam? Procedures of Kicks from the Penalty Mark ( Penalty Suihteh Zuihding te) cih bang nei lo a hi hiam? Laws of the Game 2009 om-a, a om hangin kician tak in teams khempeuh theih kim dingin ki zaksakna om lo hi ding hiam? A nuai-a Pyidawtha Football makaipa muh danin, ZOFA makai ten Zomite kawmkal ah gup tuam, paih tuam deuh nei hi ding hiam? Kimawlna hun sung ah Referee thu khenna, thu neihna lian mahmah a, referee in thuman in thu khen lo hi ding hiam?

" DEAR KHUAPIH TENG,aw ZOFA bawlung sui ki dem na ah tu kum in ei khua zogn i ki hel hi , tu dogn ciang in i lung sim sung ah i heh suak suak thei lai hi,tu nung ni nih ni 10\11\09 ni in ei khua pen quarter final kalay baptist (kbc) twh ki sui in goal 1 tuak ki si kim in,penalti mi nga le nga ki sui in a mau lam mi nga in asuih khit ciangin goal li tuak ki si kim in ei suih dign khat a cian lai ciang in a mau lam kun gpang pa ong ki laih sak mawk hi,ih ma kai ten zong lei tung bawlungki sui naah zogn pennalti pan kung pang ki laih cih thei gei kei ung ci in nial a nial zo lo hi khua zing ta a ZOFA ma kai lah a maulam vi ve ahihman in kungpan pen ki laih thei ci ziau in tua pan ei lam ten sui a ki si kim hi, khat le khat nih vei tuak ki sui lai in tua pan in ei khua ten goal 1 in a ki lelh hong suak mawk hi,mi 90 percent bang in ei khua pen khem tuak ci in hong lai nat mahamh uh hi...ih mi pih ten pen mi tam na khua ci in hong gen gen hang un on ghaibawl sa mahamh mawk ing,ih om na tek ah ih khua a dign hang tak in i din gam ding pen thu pi mahmah hi, a thu pi lo khat ah khem i tuah zel pen na sa mahamh ing, mai lam aah ei khua pan in mi namsung ah a madawk mi tam pi i om ding hoih sa mahmah ing, KHANG THAK TEN IH OM NA PEUH AH THU SAU PI NGAIH SUNNI, LUNG DAM EI TAMPI KONG GELH NOP HANG IN A KI LA KIK THEI NAWN LAH HILO AHIH CIANG IN TUA ZAH CI PHOT NI."
Sat, Nov 14, 2009 Pyidawtha Yahoogroups

Ka theihna ciangciang ah, mun tuamtuam, gam tuamtuam Football kimawlna tuamtuam te ah FIFA te rules zui-in kimawlna thukhun ki koih sa ingh. FIFA (The International Federation of Association Football) (Fédération Internationale de Football Association), ( http://en.wikipedia.org/wiki/FIFA) zui hih leh goalkeeper pen penalty kisuih hun ah kimawlna a zom zo nawn lo a hih kei nak leh kilaih thei lo hi. "A goalkeeper who is injured while kicks are being taken from the penalty mark and is unable to continue as goalkeeper may be replaced by a named substitute provided his team has not used the maximum number of substitutes permitted under the competition rules" http://www.fifa.com/mm/document/affederation/federation/81/42/36/lawsofthegameen.pdf
Page - 50 - Kicks from the Penalty Mark,
Laws of the Game 2009/2010, FIFA
ZOFA 2009 in FIFA Laws of the Game 2009/2010 zui hamtang ding a ci zong ka hi tuan kei-a, ZOFA in a deih dan in Laws of the Game a neih theih luat a hihi.
Hih banga, kitel khiahna a om ciangin thu langkhat i zak bek tawh ki cing thei lo leh ngaihsutna, khensatna nei ziau ding thuman lampi tawn lo thei a hih man in, ZOFA Commitee 2009 te tungah hih November 10, 2009 ( Tuesday) ni-a Quarter Final kimawlna ( Kalay Baptist Church vs Pyidawtha Roman Catholic Church ) tawh ki sai buainate ZOFA Committee
2009 te muhna, khensatna dan te mipi theih dingin nong zaksak kik ding un zahtakna lianpi tawh kong thum hi. Bang thukhun zui-in thu kikhena, kua thukhun zui-in thu ki khen a hi hiam? Tua mun-a ki zang thukhun in bawl tawm pak thukhun maw, a hih kei leh a kimawl teams teng theih ding in a ki gen khin, a ki zasak khin sa thukhun maw?

ZOFA khansawt in, Zomite sungah kilem semsemna, ki-it semsemna a piangsak Kimawlna a hih ding deihsak na tawh,

Do Khan Khup ( Khup)
New York City
Pianna: Pyidawtha
dkkhup@pyidawtha.com

On Sat, Nov 14, 2009 at 10:54 PM, Thangpu wrote:


Dear Sanggam Zomi,

ZOFA Makaite zong Kawl Kumpi(Uital te) mah bangin,
Thukhun(law/rule) aom teii hang, autut un laih ziauziau
cih thu(Quarter Final) Match pan-in, ki mukhia hi.Zomite
zong Kawlte ginaatloh teng mah zuihpih thapai ding ii hi hiam?
Vaphual aa ki ciamteh Zomite,Va-ak suak khinta ii hi hiam?
ZOFA Makai te'n Gamdang khawngte Bawlung suih beek en ngeilo uh hiam
(or) a gupnopte ahih manin aki theihmawhbawl hi zaw hiam?
Quarter Final Match, KLBC vs PYIDAWTHA RC te ki mawlna na lungngai kik
dih un.Kei theih ngei sung ah natna(injured) omlopi aa,Penalty suih laitak
Kungpang(Goal Keeper) ki laih cih bang om ngeilo hi.Kei zong aphual aa
om hilo ka hih manin,ZOFA Makai lam pan ahi zongin..khat pepeuh in
Mipi theih dingin,hong genkik thei le uh cin ki za nuam mahmah hi.

Thangpu
Sian Vontawi
USA

Zomi World View

by, Tung Thang (gualnam)
--

From: tungg thang
Subject: [Zomi Center] Zomi leh Worldview
To: zomi@yahoogroups.com, zomicenter@yahoogroups.com, blessedzomi@yahoogroups.com, teklwinet@yahoogroups.com
Date: Monday, March 16, 2009, 7:51 AM


Zomi leh Worldview


Hih tawh kisai in a beisa hun sawt pek a kipan ka lungkim zawh loh thu khat ahihi. Mi pawl khat in Zomi ci in a gen ciangin a tawmzaw bek en ahih manin a muhna uh maan thei mahmah lo hi. Zomi ci in i gen ciangin (as a whole) zomi vekpi a huam dingin a kigen ahih manin mi khat bek thu tawh kigenteh thei lo hi. Zomite i cih ciangin a tawm pen in 51 % a huam dingin i gen zawh kei leh i thu gen pen maan zo nailo ding hi. Zomite ci pong in 49% bek a huam in i gen leh zong a maan zo nailo thu khat hong suak hi.

Zomi aw Na Worldview Laih Hunta
A beisa kum nih lai in article ka gelh Zonet ah ka suaksak a, “Zomite hailua sa ing, Zomi ka hi” cih laphuak siam Lengtong Pauno’ la ka quote leh pawl khat in ke’n Zomite pil sa ing, hong ci ziau khat om hi. A ma worldview ka etsak teh amah bek a na ki-en ahih lam ka mu a, Zomi 51% te en in a gen ahih loh lam ka mu hi. Tua hi in tua bang muhna pen thu a hel ngam huai ka sa kei hi. Ei bek ki-en ni ci lehang zong pil khin kisa kha mah ding hihang. Tua pen 1% zong hizo lo hi. Ei bek ki-en loding hi hang. Zomi 10% bek a huam in i etleh zong maan zo nailo lai hi. Zomi mipil 51% gen kei ni, mipil a mimal in 51 zong a ngah ham lai phial ding hi pan lai zen hi. Zomite mipil 51% a om ciangin Zomite mipil ci in hang takin kigen khia ngam ta ding hi. Tua hi in Zomi aw na worldview laih hun mahmah ta hi. Na leitung mit bek hak kei inla, na kha mit zong hak in en ta in. Tua hi leh na mu siam ta ding hi. Na mitte hong ngawh inla khua dak pha dih in. Na ngaihsut dan maan zo nailo hi. Zomite cih na gen ciangin Zomibup 100% a huam ciangin Zomite na cih thu pen kicing zo pan ding hi.

Secular Worldview vs. Theological Worldview
Thu um mi khat leh Thu umlo mi khat ii muhna kibang thei ngeilo ding hi. Kilamdang den ding hi. Tua mah bangin Secular graduate leh Theological graduate te ii muhna zong hong kilamdang ding hi. Tua hi in PhD ngah tektek ahih hangin zong a kahna University in sai lai ding hi. Secular education in Finite world sunga Natural thute a sin ahi a, Theological education in Infinite God ii Supernatural thute a sin ahihi. Secular thu ah pen supernatural cih bang om theilo in, theological thu bekah tua thu a kisang ahihi. Banghang hiam cihleh secular i cih ah a omsa thu a kikan khia, mu khia hi in, Theological i cih ah a kisel cip thusimte nangawn a kiphuang khia ahihi. Tua ahih manin hih tegel ii muhna leh ngaihsutna pen hong kibang thei khin khollo kha ding hi. Secular thu ah muhna tungtawn in a kiding hi a, Theology ah pen upna tungtawn in a kiding ahihi. Secular thu ah na upna bek na gen leh hong haivai mahmah ding hi.

Tua hi in hih secular view leh Theological view pen kidosak lozaw in ton khawmsak thei h nading lampi zong lehang a bucing muhna kinei thei dinga tua ciangin i thupen hong hoih suah mahmah tading hi. Zomi sungah kilang dona lamsang phiat sawm in kalsuan khop theih ding lampi geel lehang khantohna hong nasia to mahmah ding ahihi. Tua ciangin “kei” cih pen hong kiam tading hi, kei secular/theological cih tepawl. Mi pawl khat in a muhna tungtawn bek in nungta a, mi pawl khat ahih leh amuh nailoh tungah mukhol in ding uh hi.

Mitkhua mulo mipil Helen Keller in, “Mittaw a vision neihna sangin mit khua mu a vision neihlohna in dah huai zaw hi” ci hi. A mah pen khua mu lo ahih hangin vision a nei mi khat ahihi.

US, US, US..
Leitungah gam hau pen en lehang USA hi in mi tampi US tun ding lunggulh in sidek mangdek in om uh hi. A ut huai mawhlo gam khat himah hi. A hi zong in hunte hong kilaih toto in a beisa hun a mipil, misiam, leh mihau te bek a tunna gam pen tu ni in Zomite bangmah theilo nangawn tungta hi. Hun pen kihei hei in, kilaih mahmah ta hi. Ni dang tawh kibang nawnlo hi. Nang ni dang bang na sa lai mah hiam?
Tu ni dongin US thupitsak luatna Zomi sungah omlai hi. US te a pilpen, a haupen, a siampen den dingin pawl khat in ngaihsun uh hi. Tua hi a Zogam pan in tua bang a pil, leh hau, a siam a piangzo lodingin ngaihsun uh a Zogam Zomite neu et lai mahmah uh hi. Hih bang muhzia pen tu ma kum 100 hun lai a muhzia hi in tu hun adingin hong maan khin nawnlo hi. Tua hi in Zomi aw na muhzia laih hun mahmah ta hi. Na muh zia pen tu hun tawh kituak nawnlo hi. Hih pen Martin Luther King Jr in “I have a dream” a cih tawh kituak hetlo hi. Ama dream pen tu in US President Obama tungah kimu thei in kilangh mahmah ta hi.

Zomi tampi in a ngaihsutna ah US tung leh a hau pah ding, a pil pah ding in kilamen uh hi. Tua bang na hi peuhmah lo hi. Zogam ah om in a hau zong om lel hi. Malay ah om in a hau zong om hi. Hauhna i cihte pen a mun in a sai masa hilo in a mi mahmah tawh zong a kisai ahihi. Ke’n um ing, Pasian in hong piakna i pianna gam pan in mihau zong hong piangsak veve thei ding hi. Sehnel gam a niimsak, bawngnawi leh khuaizu a piangsak Topa in Zogam zong tua bang dingin piangsak lah loding hi. Amite kisam masa hihang. I upna mahmah a neu lua hi. Pasian i upna zong kisit pha lehang a cih thamlo hi kha ding in ka um hi. Christian min pua kitam in a taktak kitawm hi cih kimu hi. Tua manin nungkha in article ka gelh na ah “Pasian um vs. Pasian thu um” a ci ka hihi. Tua bek tham loh in ei angsung ding bek kingaihsun lua ahih manin kikhangto theilo hi. Kikhualna cih peuhmah omlo hi. Pasian nasemte sung ahi zongin, sum bawl mi haute sungah ahi zongin kikhualna pen tawm mahmah hi.

Kahla Lai Siangtho sungah a gen mah bangin “I gamtatna sate enkik in, Topa kiangah kihei ni” ci-in a kizawn nuam ihihi. Tua bang i hih kei leh i nuntakna ah ahi mah kisasa kha thei hi hang. Topa kiangah kihei lehang Topa in a thak muhna hong guan taktak ding ahihi.

Apicing dingin kitat
Tu laitak Kawlgam dinmun pen a picing dinga a kitat hun laitak ahihi. Hih galkap khut nuai thuakzo in pilna sin toto in hi lehang mailam ah a kipicing toto ding ahihi. Mi tampite suahtakna bek ut in hih Pasian hong koihna Galkap khutnuai panin tai simsim uhhi. Tua bangin a taisim tampi pen hong picing zolo kha ding uh hi. Tua hi in tu laitak a kawlgam sunga haksa taka, a om pawl khat pen mailam hun ah hong picing mahmah kha ding uhhi. Temta pen a hiam nadingin kitat phot hi. Mihingte zong a picin nadingin a kitatteh baih kisa hetlo hi. Thuak hak mahmah kisa hi. Tua dinmun ah zong tu laitak Zomite a om ihihi.

Tua ahih manin Christian picing a kisa mahmah gamdang mite Kawlgam ah kum 10 hong thuakzo ding hiam ci-in na to le uh teh kitel pah ding hi. Gamdangte kamkhat pau leh a kumpi in hihsak pahpah, a deih uh pia pahpah ahih manin hih bang haksatna kum 10 aa sim a thuak ding uh baihlo kha ding hi. Tua ahih manin Kawlgam pen Christian picing ding pattah na khat a Pasian in hong hicisak phot hi ding in ka ummawh phial hi. Kawlgam sungah hih bang haksatna i thuak pen ei ut thu, ei’ teel hilo hi, Pasian in hong sehsak khat hi ci-in a telsiamte leh a laksiamte pen Singlamteh tunga tuang a bang ding ahihi. Tua lo pawl khat ahih leh Singlamteh pua a bang thapai ding uha, phun den in thuum in tautau ding uhhi. Zomite i khua muh kum 100 apha ding hipan ahih manin sawtnai hetlo sam hi. Israelte Egypt gam ah kum 400 vaal sal in a om thapai ahihi. Tua khitteh suakta pan uhhi. Egypt gam pen Pasian in Israel mite adingin a piak gam hilo in haksat huna a buk pakna bek ahihi. Tua mahbangin Zomite zong i haksat hun in gamdang a pai hi in, Israel mite pianzia tawh kibang pian hi. Ei Zomite pen kum 100 haksatna thuak nailo a a suakta thei ding ihih man in a manlang mahmah hong suak kik bilbel ding hi.
Leitung taangthu pen a hunzuia a kual pai (circle) ahi hi. Tua hi in hih bang a Israelte suahtak bang mah in ei adingin zong suahtakna hong pai ding hun ahihi. Tua dan pian mahin leitung hong kihei toto ding hi.

Muhzia Thupi
Tu a kipan in Zomite in i ngaihsutziate leh i muhzia te Pasian deihna tawh hong kinai takteh i picinna tungtawn in Topa in a kammal om mah bangin i nuntak khuasak zia zong hong khelsak in hong khantoh pih ding ahihi. Tua hi in muhna maan, ngaihsutna maan, lungsim puak maan pen a bulpi hong suak ding hi. Hihte pen Zomite ii kilamna bulkip ding ahihi (Foundation) . Tua te a maan masak loh in a bulpi kipan theilo ding hi. Tuate a maan masak loh in Pasian nasep hong kipan lo ding hi. Tuate pen Suangtungah inn lam ci-a Topa Zeisu in a gen thu ahihi. Zomite hihte tungah kibulphuh in kilam taktak leh a nasiat dan ding pen kigen theilo hi. Lai Siangtho lui sungah Jericho khua a sim ma un thu kan ding mi sawl hi. Joshua leh Caleb te in ahih leh bang ci muh hiding hiam “Zo ding hihang” ci a, a dang thukan mi 10 te in “Zo zo kei ni” ci uh a, a tawpna ah a tawm zaw mi 2 bek ii muh bangin zo mawk uh hi.
Tu ni in Zomi aw, Zogam koi ci muh na hiam? Zogam kipuah zo ken teh na ci kha hiam? Nang na mangngilh phial zong in Zogam in nang hong mangngilh ngeilo ding hi. I Zogam in nang hong ngak hi gige ai maw. Hong nusia ken hong ci hi. Nang, “Zogam aw, ken hong taisan kei ning na cingam taktak diam?” Lasiam Thawn Kham sak bangin sa bek na hiam? Na ci takpi hiam? Zogam pen Pasian in a bawlsa gam khat mah hi. Tua bek tham lo in Zomi a na lamkiatna na pupa gam na tenna ding a Pasian in hong sehsak hi. Tu a na omna pen a zin pak bek na hihi. Pasian in na gam dinga hong piak gam hilo hi. Israel mite kum 40 sung sehnel gamah a pai kawikawi mahbangin tu laitak in zong Zomite sehnel gam pai bangin i vak kawikawi laitak hi. Joseph pen kumpi zah phial ahih hangin a sih ciangin a luang Egypt gam ah phum lo in a gam ah kiciah pih hi. Zogam in nang hong ngaklah lua ta hi. Zing in nitak in hong ciah dek tammaw? ci in hong gal et den hi. Nang gamdang ah thau kingkeng in na om hang na pianna Zogam keu thilthial in lungzuan khua ngaihhuai a om na en ngam ding hiam? Ka pianna gam ci ngam ding na hiam? Maan hi. A hizongin banglehbangleh Zogam pen nang hong ki-eu khiatna suang hi. Mangngilh kei in Topa in Isaiah Lai Siangtho sungah na ci hi. Zomi aw, nang puah kei leteh Zogam kua in puah tuan mawk ding ahi hiam?

Thu Khupna
Zomite hau ngei, thupha saang ngei, pil ngei ci-in kigen hi. A hih hangin tua tepen kho lo hi kici hi. Khang khat kan manglo hi kici lai hi. Bang hang hi ding a hiam? Tua pen thupha takpi mah hiam ci-in i ngaihsut teh a kep a siam nailo ihih lam, a zeek a siam nailo ahih lam kimu hi. Pasian in hong piak thupha pen ei bek ading in ngaihsun kha, midangte khualna neilo cihte hangin sawt kimang zolo hong suak hi. A kho lohna pen picinna icih i minam sungah hong bulkip zo nailoh man ahihi. Tu in i gen nuntakna thak a nei ding Zomite tungtawn in thupha ahi, hauhna, pilna, siamna te hong kigui zuih ta ding ahihi. Tua te a bulkip ding suang tungah i lam masak loh in a khangkhang a kip ding thupha a omlo ahihi. Tu in dam tak in a thak nuntakna, muhna, ngaihsutna, lungsim puak thak cihtetawh i manawtna tungtawn in Lai Siangtho in a gen na thupha a khangkhang in kizom ding hi, acih kimu in kingah thei pan ding hi.
Zomi aw, a thak nuntakna ah kalsuan ta ni, tua hi leh nopna, daihna gam (Peaceful State) i sat zo taktak ding hi. Na muhna bek masak kenla, na muh nailoh te zong galet khol in.

Topa’ thupha,

Tungg Thang
UB Fellow
Silliman University
Dumaguete City
Philippines

USA Na tun ciangin

by, ThangSiangh
--
LEITUNG THUMNA PAN USA.

Leitung THUMNA panin US itun ciangin, atawm-atamin haksaatna omtekin ka-um hi. Haksatna igen ciangin pawlkhatte bangmah sukhalo bangin mehnuih pianse uh hi. Tua haksaatnate pen khat leh khat kibang kimlo ding hi. Pau siamlo, dot ding omlo, mawtaw omlo, phone omlo cihte pen haksaatna bulpi hikha ding hi. Eite buaipih ding thupoimawh pen INS zumpi tawh kizopna theihhuai masa-in ka-um hi.

Tuhun a hong tungte gamgi-kaante simloh, Agent in makaih uh ahihmanin olno takin a kisam bangbang ngah uh hi. Inn saapsak hi. Foodstampt ngetsak hi. Foodbank panin neektheih an-olsa donsak uh hi. Driver Licence bawlsak hi. Social Security ngetsak hi. I-94 nei khin le-u manlaangtakin hiteng kingah pah hi. Work-authorization Card ngetsak hi. Nasep zonsak uh hi. Tua nangawn genthei kisa-in a phun zong om hi. Mi masate hun tawh tehna-in, amau pen naungeek kep a kikeem ahi hi. Kap peuhleh adeihdeih kivaihawm sak hi.

Gam leh minam i-it ta zongin, sumsam khempeuh kipiazo lo hi. Gilkial khempeuh kivaakzo lo hi. Ei khomciat tawh kihanciamin haksapipi ciatin kinungta hi. Sum pen zatvaal omthei lo hi. Sumtang tawh kihuh pen lampi hoihpen hilo hi. Kisul zuih a, motor tawh kikhak kawikawi zong huhna lampi hoihpen hilo hi. Kawlte paunak khat om hi. " Nga hong nget leh ngaciang(ngasiahna ciang) pia in," ci hi. Nga pia lecin a gaih ciangin hong ngen zelzel ding hi, ci hi.

Mikaangten mi ahuh ciangin, ama masuan taangsam saklo uh hi. Khuasung zumleh Shopping Center a paitheih nadingin, Transit Information Map lei-in pia hi.Bus tuangin a ututna a paitheih nangin pantah hi. Pausinna saang kahsak uh hi. Bicycle zonsakin amathu tawh pai thei dingin lamlak hi. Nasep zonsakin naseem sak hi. Nuntak hunsung zattheih ding-a hong pantah pah ahi hi.

Theihlohmanin sum beihuailo namun pipi-ah tulnih-tulthum dongin bei thei hi. Attorney tampipi tawh kiguai kha thei hi. Munkhatkhat ah ahuh bangkekin, [ Form fill-up] ziau pen tulthum pan tulnga ciang nangawn a pia ommawk hi. Hih a nuai a, Application Forms te sim inla, nangtawh kisai a omleh, Phone tawh hopih in. A nuai a kong piak phone hopihinla hoihtak ngai in. Na hopih ciangin innphone zang in. Hong puak pah ding hi. Fill-upin khia lecin $5/- kan beilo ding hi. Sum tul tampi supna pan suahtakna nokhat ahi hi.

U. S.Citizenship and Immigration Services(USCIS).
National Customer Service Center. 1-800-375-5283. www.uscis.gov,

Form Number.
I-90...........Application to Replace Permanent Resident Card. [ Fee. $ 290.00]
I-102.........App for Replacement/ Initial Nonimmigration Arrival-Department Document.[ fee.$320]
I-129.........Petition for Nonimmigrant Worker. [Fee-$320.00]
I-129F.......Petition for Alien Fiance(e). [Fee-$455.00].
I-130.........Petion for Alien Relative. [fee-$355.00].
I-131........ Application for Travel Document. [Fee-305.00].
I-140........ Immigrant Petition for Alien Worker.[ Fee-$475.00].
I-192.........Application for Advance Permission to Enter as aNonimmigrant.[fee-545.00].
I-193........ Application for Waiver of Passport and Visa. [Fee-$545.00]
I-212........ App for Permission to Reapply for Admission into US after Deportation or Removal.[f-545.00]
I-290B..... Notice of Appeal or Motion..[ 585.00]
I-360........ Petition for Amerasian, Widower or Special Immigrant. [Fee-$375.00]
I-485.........Appliction to Register Permanent Residence or Adjust Status. [Fee-$930.00]
I-485A......Supplement A to I-485, Adjustment of Status.[Fee-$1000.00]
I-526.........Immigrant Petition by Alien Entrepeneur. [Fee-$1435.00]
I-539.........Application to extend/ change Nonimmigrant Status. [Fee-$300.00]
I-589.........Application for Asylum and for withholding of Removal. [Fee-$no fee]
I-600A.......Application for Advance Processing of Orphan Petition.[Fee-$670.00]
I-600.........Petition to Claasify Orphan as an Immediat Relative. [Fee-$670.00]
I-601.........Application for Waiver of Grounds of Inadmissibility. [Fee-$545.00]
I-612.........Application for Waiver of Foreign Resident Requirement. [Fee-$545.00]
I-687.........Application for Status as a Temporary Resident. [Fee-$710.00]
I-690.........App for Waiver of Grounds of Inadmissibility. [Fee-$185.00]
I-694.........Notice of Appeal of DecisionUnder Section 210 or 245A. [Fee-$545.00]
I-695.........Application for Replacement of Form I-688A...[Fee-130.00]
I-698.........Application to Adjust Status from Temporary to Permanent Resident. [Fee-$1370-$1410]
I-730.........Refugee/Asylee Relative Petition. [No Fee]
I-751.........Petition to Remove Condition on Residence. [Fee-$$465.00]
I-765.........Application for Employment Authorization.[Fee-$340.00]
1-817........Application for Family Unity Benefits. [Fee-$440.00]
I-824.........Application for Action on an Approved App/Petition. [Fee-$340.00]
I-829.........Petition by Entrepeneur to Remove Conditions. [Fee-$2850.00]
I-881.........App for Suspension of Deportation. [Fee-$285.00, 570, 165]
I-905.........App for Authorization to Issue Certifiation for Health-Care Worker.[Fee-$230.00]
I-907.........Requet for Premium Proccessing Service. [Fee-$1000.00]
N-300........Application for File Declaration of Intention. [Fee-$235.00]
N-336........Request for Hearing on a Decision in Naturalization Proceedings. [Fee-$605.00]
N-400........Application for Naturalization. [Fee-$595.00]
N-600........Appliction for Certificate of Citizenship. [Fee-$420, 460.00]
*Biometries---[$80.00]

US itun ciangin mipil mitei i kineih kul hi. Innsung nuntakdan, siantho dan, veeng leh pam tawh kizopdan khuadak siam kul hi. e.g. Piangthak lua kisa ku-au-au-in thungenin lasa kei in. Aklui khuang leh ui haam nangawn zum kitun uh hi. Inn kikhop zong deihlo uh hi. Ei theihloh kaalin, security te a dimin hong om thei hi.
Biakinn a tuam mah neih kul hi. Eipen ganno zah a hong khoi hong pantah ahihmanin hong maisaksak ahi hi.

US ah numei leh pasal naseem ciat uh hi. A niamzaw omlo hi. Buaina omleh Zongeina tawh thukhenlo ding hi. Nasep nai kikim kiseem hi. Innah numei pasal cih omlo-in inn nasep a kibangin kihuh ding ahi hi. LEITUNG THUMNA omlai bangin nazi or numei or pasalzote in napasal uh gawt nawn kei un. Buai kha leng, record hoihlo ahihmanin, Status Process ding sukha hi. Khantawn nuntak sukha mah ahi hi.

Pasal saat thei, zivel thei a omleh 911 sam thei hi. US pen kisaat kivelhna mun hilo hi. Zite cidamlopi khawng utlopipi luppih ding hanciam kei in. Zawt hianghiang inla amahmah hong kipiak ngak in. US ah Sex Abuse ci-a, nupa zum kitun kum-10 thongkia tawmlo hi.

Ih gam kilaih, ih ngeina kilaih, ei zong kikhel kul ei.

Thang Siangh

Ngaihsun Masa in

by, Vuanang (VunghLianNang)
--
vuanang@gmail.com
1-->Mi khat tungah, aw tol, hehpih na kihel lo kam-mal khat napau ma in, mi pau theilo te nun taak dan na mit kha in na en khol pak dih ve !!

2-->Nek leh dawn tawh ki sai in lim tuak kei tua ci na cih na phun phun ma in, nek ding dawn ding nei lo te mun ah tawm vei sungbek nang dingin naki ngaih sun pak dihve !!

3-->Na zii na pasal tawh ki tawng ki phun san san ma deuh in,, Pasian aw nang kiang ong tung nuam ingh ci aa thu ngen ngen te na ngaih sun kik pak dihve !!

4-->Heh suak lua in na ta te han ding tai dingin na ki thawi thawi lai tak in,, ta deih mahmah napi anei kha lo te na ngaih sun lecin na heh na teng man lang tak in ong bei pah lel dinghi!!

5-->Inn sung na ngawn hah lo siangsak lo ci-in khat pe peuh na hat sawm lai tak in,, lam gei aa inn nei lo te nun tak dan na mit kha in na bawl kik pak dihve !!

6-->Khual gam la napai ding teh vanleng,mawtaw tawh sau vei pi pai ding ci-in na mit si si nak pau lo zu zen sang, gam la pi tak khe tawh a pai ngeu ngeu te pai na ding ngaih sun in la tha lak na in nei in !!

7-->Tu aa ka na sep na bel kigim lua mah mah na cih cih ma in, na sem nuam mah mah napi angah zo lo leh khut leh khe kim lo te nun taak dan ngaih sun in tawl dam na tha lak sawm zaw in !!

8-->Mi khat amawh na gen nuam lua kisa na khut mekawk tawh na kawk sawm veva lai tak in, na nu sung pan na suah cil in mawh nei sa aa suak na hih lam na kik phawk kik dihve !!

9-->Lung kiat nading thu khat pepeuh, neih leh lam, pil na ki cin loh na thu tuamtuam te tam mahmah tase leh ka mai lam nuntaak nading mah kangaih sut ka sep kul inteh cih ngaih sut theih na lung sim tawh mai tai tak in ma nawt in!!

10-->Nop sak na, lung nop na acih te sin nuam sam ingh ei ci-in, thuum thuum taau taau ken, nang mahmah na ki pat khiat khit teh tua te sin kha pan ding hiteh !!

11-->Khat leh khat ki tot ding bel [minutes] khat sung khawng bek ki sam hi !!
12-->Lung kiim, et theih pian nading bel nai khat sung khawng hi thei hi !!
13-->Mi khat na it na ngaih theih ding bel ni tawm vei sung zong sawt thei kha in teh !!
14-->Mi khat na mang ngilh zawh nading bel na nun taak na abei ma dong mah hun ong bei ding hi !!
15-->Mit tawh ki mu aa hoih na sak mawk mawk te atak pi in ngaih sun kha ken, ong khem thei mawk hi !!
16-->Khang no nu mei te neih leh lam mah ci lua ken, tua te ni khat ni teh bei thei veve hi !!
17-->Nang ongnui ong lungkim sak theite thu pibawl in !!


Na nu sungpan nasuah cil in akap sa in nasuak aa, na gei aa om teng bel na nui hiu hiau dinguh hi !!
Na nun taak sungin hih bangh in nakiim napaam aa om teng a nuih zawh nading hanciam in !!
Na sih ding ciangin na kiim na paam aa teng akap ngeingai dinguh hangin, nangna lungsim sungah nui
hiuhiau zo lel dinghi teh !!

1-->Kam ciam tawm piak in !!
2-->Thu man thu tak mah gen den zaw in !!
3-->Lawmhoih lawm kician nei hamtang in !!
4-->Mi hoihloh na gensawm vet ken !!
5-->Na sumlut na sumngah dantawh ki tuakin sumzat siam in !!
6-->Na nasep na khat peuhpeuh ah siamsawm hamtang in !!
7-->Guih theih kham theih tezangh ken, azangh sa khat nahih leh midang te na hawmsawn kha mahmah ken !!
8-->Ip cip huai thu pawlkhat te genkhia kha mahmah ken !!
9-->Gam tat hoih na in na nun taak na ong hoih sak zo dinghi !!
10-->Ahih thei nakleh lei tawi, kawm cihte zangh keizaw in !!
11-->Mi khat tawh naki hoding ciangin tua mi pa mai tang mah en hamtang in !! [phone sung aa te bel hi lo]
12-->Nu mei khat vakzo ning nacih teh zii nei pan in !!
13-->Na teek ciangin na zat ding sum pen, na khang no lai in khol in !!
14-->Mi khat na huh lai tak in, mi dang pawl khat te gen siat na om thei te thu sim se ken !!
15-->Nang gam tat na sim loh nang ong su sia ding om lo !!
16-->Aang sung thei lua te tawh ki lawm ta se ken !!
17-->Mi gam tat, mi gi lo pha deuh te tawh om khawm ken !!

Nang sangaa pil zaw, hau zaw, tei zaw, thu mu zaw, mel hoih zaw, thu khat peuh peuh ah na phak zawh loh na liangko kikim zawh loh pihkhat te tungah lang bawl, lang pang, lung sim hoih lotawh gensia cih te zangh kha mahmah kei-in !! [van ai zong, nu ngak tang vaal ahi zongin ih ngah zawh loh khat pen gensia nuamthei sese hi hang] Suang tum tungah ak tuui khia suk lecin ak tuui kitam dingaa, ak tuui tungah suangtum khiasuk lecin ak tuui mah kitam veve dinghi !!

ZOGAM, INDIA

fromM L Thang
reply-tozomi@yahoogroups.com

tozomi@yahoogroups.com,
tonzang@googlegroups.com

dateMon, Oct 19, 2009 at 4:53 PM
subject[ZONET] Zangkong Khuahun ! [1 Attachment]
mailing list Filter messages from this mailing list
mailed-byreturns.groups.yahoo.com
signed-byyahoogroups.com
unsubscribeUnsubscribe from this mailing-list
Images from this sender are always displayed. Don't display from now on.
hide details 4:53 PM (17 hours ago)
----

Gam Thak Khat Kingah Tading

Mizo National Front (MNF) te' manifesto ah aomsa ahi Mizoram State sialkal mualdung teng Paite District piakding cih thu tulaitak aa ruling party ahi Congress te'n zomto zeel uh hi. Tukha 14 ni in Mizoram Chief minister Pu Lalthanghawla, ZRO President Pu Thang Lian Pau, Manipur Power minister Pu Phungzathang leh khuahausate in Aizawl khuapi sung aa sai minthang khat ahi Tourist Lodge ah thukikupna lianpi khat nei uh cihthu muanhuai munpan kiza hi. Hih thu hong lemtangin Mizogam sungah District khat ih ngah ngeeingeei leh Malaysia sangin taitak zawlai khading hi. India ngeina tawh kizui in District in budget atuam in nei hi. Amau' district khat budget pen Chin state budget sangin tamzaw laiding baan ah mipi in azeek ngiat ahi hi. Bekthamlo in sangte ah Zolai hong sinthei ding uh aa TV te Radio te ah Zokam in thu hong kigenta ding suak hi. Hong lem mengmeng nadingin thungetna ah phawkciat ni. Ih ngah ngeeingeei leh leitungbup ah ih aih phial kul ding hi.
---


BES Union Thokikta

1988 buailai aa nakpi takin apang Basic Education Students Union pen uital te hong khan uh teh phiat maimang uh himah tase leh tukha 18 ni in asimthamin phuankikta uh hi. 1960 kum 5th Conference ii phuhkhiat guideline tengmah kazui ding uh ci hi. Athu akicing in attachment ah ettheih hi.

Tonzang Ah Internet

Zogam Khuapi khat mah ahi Tonzang khuapi ah UNDP te'n internet bulhta uh ahih manin nuamtak in ki zanghthei ta hi. Zomite lei kiuli ah ih kithehthaangna tawh kizui in Zomi sungah IT nakpi takin hong khangto hi. Tedim khuasung ah Internet sai (Cyber Cafe) mun 4 ah om in mi adimden phial mah suak hi. Kawlpi ah zong Cyber Cafe mun 8 ah om aa avek in Zomita vive ahi hi. Tedim ah a etman nai khat ks. 1,000/- man in kawlpi ah 800/- man hi. Tonzang a pen Cyber Cafe ahih loh hang NGO ngeina tawh kizui in UNDP Staff te khuasung mite vive ahih manin ki noptuampih veve ding hi. Bangbang ahi zongin IT in akinengniam Zomite' mit hong honsak ding hita hi. Roosevelt in "No one can oppress you without your consent" acih hongtung peetpeet tading hi.

Siamsin Directory Thak

Zangkong aa om Zomi Siamsinte' (Zomi University Students) hanciamna tawh Siamsin Directory 2009 bawl uh hi. Abu lah etlawm in zong kimanh mahmah hi. Bu khat 500 bek mansak uh hi. Siamsin member te a passport photo suangngiat uh ahih manin etlawm mahmah hi. Anung lam ah siamsin thukhun leh pawllutzia tawh kisaite zong suaksak lai uh hi. Mailam makai ding Siamsinte Minam vai ah hong khanlawh ding uh ih lunggulh mahmah khat ahi hi.


----------------------------

Thangboi
Zangkong

Kut, the Highlanders in Himalai

fromKukiforum News
reply-tochinland@yahoogroups.com

tokukiforum@egroups.com

dateSun, Oct 18, 2009 at 9:25 AM
subject[chinland] The origin of Kut and its cultural heritage
mailing list Filter messages from this mailing list
mailed-byreturns.groups.yahoo.com
signed-byyahoogroups.com
unsubscribeUnsubscribe from this mailing-list

hide details 9:25 AM (1 hour ago)

Images are not displayed.
Display images below - Always display images from kukiforumnews@yahoo.com
The origin of Kut and its cultural heritage

By George T. Haokip

Sunday, 18 October 2009 06:30

Kut popularly known as ‘Chavang Kut’ is one of the largest and most popular festivals of the Kuki-Chin-Mizo, the community who were once subjugated and divided by the British in the Anglo-Kuki War of 1917-1919 to different political divisions. Although they are one and the same by blood, by history and by custom, this people are today divided and known by different names in different countries.

They are known as Kuki in Manipur, Chin in Myanmar (Burma), Mizo in Mizoram, and Kuki or Ralong in Tripura, etc. Kut is a cultural heritage which has been enjoyed once in a year by the young and old, rich and poor forgetting all their worries. There are different kinds of Kuts - Mim Kut (job’s ear), Pawl Kut (Guava harvest) and Chang Kut (Paddy Kut) Chapchar Kut or Chapphou Kut.

Read full article at: http://www.kukiforum.com/kuki-people/culture/1928-the-origin-of-kut-and-its-cultural-heritage-.html

Zomism Plan-5

fromDaniel Mung
reply-tozomi@yahoogroups.com

toZomi@yahoogroups.com

dateFri, Oct 16, 2009 at 8:47 PM
subject[ZONET] Ih din mun ki-en kik zel ni..
mailing list Filter messages from this mailing list
mailed-byreturns.groups.yahoo.com
signed-byyahoogroups.com
unsubscribeUnsubscribe from this mailing-list

hide details Oct 16 (1 day ago)

Images are not displayed.
Display images below - Always display images from danielmung1905@gmail.com
Ih zi lungkim sak in ih minam it ni...

Ka zakngei khat ah Japan te inh leitung galpi nihna a gal lelh na uh inh numei hanghi pipen
hi ci-in zangei ingh. LST sungah Judah minam khempeuh a kithat mang dingkimlai a phel khia
aa a that ding te a leh thah kik a hi numei Esther hang mah hici-in thei hangh. Tulai tak ih buai
pih zel a hi ih Kawlgam zongh numei hangmah hi cileng khiallo kha thei ding hi hangh..

Tua a hih leh ih Zogam en dih ni''' Zogam it ingh ngai ingh ci-a mun tuamtuam om te,nam dang
zi nei te,Kawlgam sungom napi-in zopau zolai theilo te''' hite inh kua hang hi-in a bulpi bang a
hi hiam???

Inn kuan sungkhat ah a thupi pen inh inn nupi-nu hi ci-in kimu thei hi. Na zi a hoih leh na inn kuan
sung nuam dinga na gam bup zongh kilem ding cih hih a tunga thu te hangin muthei hi hangh.

Ka gam it ingh ka minam it ingh ka zongei-na khah suah kei ningci-in namuk nakam tawh nagen
suasua pongmawk hangin minam dang zi/pasal nei-in na om leh nazuau pipi a hihi.Bang mah gense
lo-in namipih tui pih te zi/pasal in nalak na-inh naminam leh na Zogam itna kilang sak mahmah khin
ta hi. Nam dang zi nei pawl khat inh onggen le-uh Zomi numei/pasal ten ongngai lopi/ki zangthei melkei
veh aw/ ih minam adingin phat tuamna a om khak leh ka cihna hi veh aw ci-in gen kha ding uh hi..
Hi te inh a zua pipi uh hi-in a it a deih sak tatak uh hi leh Zomi khat mah ten pih ding uh-a tua hangin
zongh Zomi khat mah inn suang lo suang suak pah a hih manin minam itpa/nu hipan hi. Zomi khat pepeuh
ten pih lel le cin na khuak inh a zawh nak leh nasep nop khat pepeuh sem thei lel ding na hih manin bang
mah patauh nading omtuanlo hi.

Tua a hih manin mun tuamtuam aa om Zomi te adingin tu mahmah in na tu! na tate hilh inh la pat tah inh...
Nam dang zinei pasal nei mikhat gam makai dingin ongtai kawikawi hangin up huailo in et teh taak cingzo
tatak loding hi. Bang hang hiam cih leh itna inh gam tatna lak-a gam tat na inh itna lakkhia hi.

Zomi leh Zogam a-it Zomi khat a dingin na zi leh na pasal Zomi mah a hih kul hi.Tua a hih manin Zomi makai
dingzongh tuihel loh acil mah a hih kul veve hi.

Na mipih te lungkim sak inh, Na minam it inh hih inh na nuntak sunga ding leh na khanggui kizop na-a dingin
a thu pi penpen a hihi.

Ih zi-it in Ih minam lungkim sak ni...
,
Thang Hau Mung(Tg,Danielmung).

Kawlpi Zomus 20009

ZCLS tawh kikop in Zomi Ministers' Conference bawlkawm ding leh Kawlpi ZOMUS a form phading aa kuanto Zangkong ZOMUS Secretary Sia Lianpi ( Leh Sia TS Khai) in hong zaksakna banglian in hong forward ing.

Lungdam
Thangboi
Zangkong

---------- Forwarded message ----------
From: suan lianpi
Date: Tue, Oct 13, 2009 at 5:46 PM
Subject:
To: ZOMUS Thangboi


Dear Sia Thangbawi,

ZOMUS panmun kiteelna,

President - Rev Tuan Khan Mung
Vice - Sya Thawn Za Tuang
Vice 2 - Sya Thang Sian Khai


Secretary - Sya Lian Za Pau ( Pauvom)

Joint- U Mangno ( Tahan Tuiphum lasiapipa)

Treasurer - Sya Langh Suan Thawn ( Kathawn )
Assist. - Pa Nangsi


Accountant - Ko Piang ( Hosanna )


Advisors- Bishop Rev Dr Felix Lian Khen Thang
- Rev Sian Za Mung
- Rev Go Za Nang
- Rev Tuan Suan Thang
- Pa Pum Za Dal
- Pa Hang Lian Khup
- Pa Ngul Do Tuang
- Pa Hang Do Pau
-

Hong zasak kikn ing ei ka manggilh pawlkhat om advisor te min.



Lungdam.

Lianpi

Amasapen Zomi World Cup USA 2009

edailyziv@gmail.com


USA, Michigan State a Battlecreek Zomi Innkuante zindosiamna le makaihsiamna tawh
A MASA PEN ZOMI NORTH AMERICA CUP
OCTOBER 10-11
sung teng nuamtak kizang thei hi.

OCTOBER 10 ni:
~ Nitak nai 5 Grand Rapids, Chicago le Columbus pan zinte tung ta
~ Nitak nai 8 pan nai 11, ZOMI CONCERT tumging nam tuamtuam tawh na sia tak in kizai a, la dawng 25 ki-awi ziahziah hi.

OCTOBER 11 Ni;
~ Zing nai nai 10:00 pawi honnapi nasiak tak in kinei ziahziah
~ Tukpeng Kidem teng:
Group A Group B
Columbus Zomi Battlecreek Zomi
Grand Rapids Zomi Chicago Zomi

Final :: Columbus Zomi Vs. Battlecreek Zomi
1 : 1
Penalty 3:5

A KHATNA:: BATTLECREEK ZOMI
Goal tamkhum pen :: Tg.Tunmang No.7 (BattleCreek)
Kimawlsiam pen :: Tg.Tuangpi No.14(Columbus)

LUNGDAMKOHNA :
1. Cup hong pia khia Dr. Tung Za Paute innkuan
2. Zintunna le nek le dawn khempeuh kisam omlo hong vai hawm Sia David Thang Za Pau le inntek Zomi Innkuan a kuama ciat
3. Aksa, Voksa, Kelsa a lim mahmah hong huan Battlecreek Zomi nupite
4. Hong kihel mimal kim khat ciat
5. Lungdam koh ding tamlua in.. AKUAMA CIAT TUNG.. KILUNGDAM cih tawh man sak mai ni ei guaiii...

Tu laitak Zomi North America Cup Committe-te

President : Michael Lian Khaw Za Tuang (Chicago)
Member : Pa Thang Cin Pau ( Columbus)
Member : Pa Zam Khan Lal ( Battlecreek)
Member : Pa Khawi Thawh Thang ( Grand Rapids)

Mai Kum ciang zong tu-a sang a nasia zaw in kibawl lai dinga, state tuamtuam pan a lunglutte itna tawh kongsam uh hi.


Sawl tangzang,

Thang Pil Mung

Mizoram Zomi Census 2009 October

nanggk@yahoo.com


1. Central YMA deihna bangin Mizogam sunga Chin/Burmese omte simna (census) June kha pan a kinei pen kim khat in zo ta. Branch 772 om lak pan Branch 172 in report puak ta uh a, tua report kipuakna tawh kituakin Kawlgam mi 6,375 om kici. A puak nai lo branch 559 om lai a, tua teng in puak leh bangzah a pha tam kithei pan ding hi. Champhai sub-hqr sungah tam pen dingin ki-um mawh a, 25,000-30,000 bang om ding ci uh. Bang ngimna tawh kisimna bawl uh hiam cih bel kigen lo hi.

2. Lamka DC (Deputy Commissioner) thak Ms Jacintha Lazarus IAS in Oct. 12 ni-in Nghathal Sporting Club saina tawh "Veteran Open Foolball 2009" kimawlna a honna hunah chief guest in va pang a, tualpi puahna ding leh kimawlte thaman hoih tak piak ding ngaihsut sak sawm cih kiza. Oct.2, ni-in zong Lamka khua sungah sianthona ding ngaihsunin khua sungah vakin bazar a nin kikhol khawmte paisakin, khua sung siangtho tuamtuam mahmah kici. Lia Jacintha pen nungak ahih mah bangin kizen tuak mahmah a, tu ciangciang Lamka mite in paktak mahmah uh cih kiza. Ahi zongin Zomi tangval a heel ngam a om tam cih dotna om.

Humpi leh Ui Tangthu

by, Vuanang (Vungh Lian Nang Gualnam)
--

vuanang@gmail.com


Ka sim khak ngei taang thu tom no khat ong hawmsawn nuam ingh !!
A thei khin zongh om kha ni-in,, a thei nai lo ta ding ci ni mate !!
mang lai sung pan,, aki let khia hin ah athu lu pen “ How To Solve The Problem ” cih khat hi se hi !!

pil na nei leh pil na nei lo bangh ki lam dang !! Ami in hih ci et pak leng bel ki lam dang peuh mah lo hi !!
khut nei khe nei tek vive hi lel hi !! Ahih hangin hak sat na khat ih tuah teh pil na nei leh pil na nei lo pen
ong ki lam dang mah mah mawk hi !!

Khat vei lai in ah,, sa beng pa khat in a tapa pil na nam khat hilh nuam ahih man in,, gam sung ah asa ben na-ah aki zui sak hi !!
Mual neu no tung khat a tun uh ciangin,, UI khat in ni lum awi in na ih mu hit hiat hi !! Sa beng pan zong a tapa kiang ah hia ui hoih tak in na en in maw ci-in atapa aen cik sak hi !! Tua ciangin sa beng pa zong suang tum neu khat tawm in tua ui akha lo deuh dingin ong deng se leh ui zong lau lah lau si,, heh lah heh si,, a ui akhak suk pah loh sam hangaa na lung sa[lung so] lua mah mah ahih cianga tua suang neu no pen atheih pipi mah in ong pet suk ta mai hi !! Hih ui gam tat na teng pen pata ten a et khit uh ciangin inn ah aciah kik uh hi !!

Tua khit zawh ni pi khat khit ciangin,, sa beng pa in atapa gam sungah aki zui sak leu leu hi !! Gam mang tu lak mun khat atun uh ciangin,, sa beng pa in atapa tawh sing kung muan huai tung khat ah ong kah to uh hi !! Tua sing kung ii amai lam[agal lam] mun khat ah suang kua hawm khat om in,, tua suang kua hawm vang mai tek tek ah HUMPI khat in ni sa na awi leu leu hi !! Sa beng pa zongh atapa kiangah pau mah mah ken la hia humpi na en gige in maw ci-in agen khian khian hi !! Sa beng pa zongh athal tawh humpi ong ngim ngim in humpi lum lai akhut eh agawl kikaal teng tek tek ong kap se se hi !! Humpi zong agawl gei ah thal tang ki phut ong muh vat ciangin tua thal tang ong en gega hi !! Ahih hang tua thal tang bang mah cih lo in tawm vei ong dai phot zuzen hi !! Tawm vei sung khit ciangin humpi zong tua thal tang ong en pha pha in,, thal tang ngat dan en zel thal tang ong pai na lam pi en zel in,, asawt lo in hih thal tang koi pan ong pai cih ong thei ta mawk hi !!


Amah aheh sak,, amah alau sak, aki lat sak,, suang tum no khat apet UI !!
Ama gawl gei aa aki phut veva thal tang thu sim lo aa ,, thal tang ngat na leh
thal tang pai nading angaih sun thei HUMPI !!
Hih gan hing tedan in,, hak sat na ih tuah ciang,, ih khen sat dan,, ih nawk tan dan,, nam nih in ki mu thei hi

Hak satna na tuah ciangin nang leh nang ki dongh pha pha in !!
Kei ui tawh ki bangh ka hiam ???
Kei humpi tawh ki bangh ka hiam ???
A HOIH PEN DING THU MU PAH DING HI TEH !!!

Myself_2009.07.20_00.54.17.jpg
***** Kei zongh ka heh asuah mahmah teh hih thu ka ngaih sun thei zel hi *****
lung dam --- vuanang

Kawlpi Tuicin, Kalay Myo Flood 2009

2009, Oct first weeks\
---

Flood over Kawlpi [Kalay Myo OR Kalemyo] in 2009 October


It's greatly and horribly overflooding the River of Mitha (Mytha Chaung) or Myitha River; Which began from the Manipur River and flows to Chindwin River. This is the second time I heard and see river Myitha awfullly flooding over Kawlpi (Kalay Myo) the Home Land of Zomi (Chin) since 1996.

In the second week of October 2009, the Myitha River overflowed its banks and inundated streets and roads detestfully. According to the report of Zen Thawn Mung; vehicles could not use the roads to Kale via Kalewo, Kale-Tamu and Kale-Mandalay, for the severe of this un-dated overflowing river; and caused people could not go to their destinations.


The floods' already two days and two nights in the town of Kawlpi (kalay) and is not stopping, said a Kalay Myo settler Pa Kam Khan Mung(Gualnam Anlangh) to Zam Sian Sang. It could clearly count that more than Twenty villages located on the river bank were ;nase-takin' affected.
About 3,000 people in Kalemyo monastery and Kaley-Theatre lost.
The authorities are collecting food from the local people for the flood victims.

It is estimated that more than 25000 people and thousands of homes in more than fity towns and villages are devasted by this inhospitable river overflooding; and destroyed rice and other plantations over an area of over 1250,000 acres.
This detesful river overflooding swept away the Seikyi-bridge (Greatport)on the road to Tahan-Letpanchaung.

the news and affecting is continuing in this day...

ZCNC, ZEC, Zomi Children in Malysia

Minam A Tawisang Zomi Naupangte

Malaysia gam ah, Zomi mimal ih tam semsem mah bangin, numei-naupang zong kitam mahmah ta aa, a tawmpen in a kisim ciang Zomi naupang kum (18) nuai bekbek (1500) bang phading in ki lamen hi.
Malaysia aa Zomi-te dinmun ih theihtek mah bangin, naupang khat ii lungsim pumpi suahtakna leh naupang khat ii lungsim thalawp pen ahi lawm leh gual tawh gualnuam theithei aa kithuah theihna ding pen, ih dinmun in hong pia hetlo gige hi. A makai ding sia, sianute leh nu leh pate-in zong, tuabang hunnuam tuamtuam ih vaihawm sak ding pen haksa mahmah hi.
Galtai-gambel leh cimawh dongtuak aa om naupang tampi pattahna lamah a minthang leh a picing Harvest Training Centre (HTC) te ii vaihawmna tawh, tukum naupangte Tukpeng leh Netball kidemna pawipi-ah, a beisa kum bang mahin Zomi naupangte aa ding zong lampi hong hon’ sak leuleu uh hi.
Faisal Cup ci-in hih pawipi pen, a kum lina aki bawlna hita aa, 2008 sungin zong Zomi naupangte-in gualtung tuan’na va lakthei uh hi.
Faisal Cup 2009 pen October 3, 2009 ni-in Pusat Kecermanglangan Sukan Cochrane (Pudu) ah nopci takin kibawl thei hi;
- A kimawl Team vekpi (46)
- A kimawl Mimal vekpi (426)
- Volunteer nasem vekpi (240)
- A thapia mimal vekpi (700)
Tukpeng (Pasal) lam ah, U-18, U-16, U-14, U-12, U-10 ci-in kum phazah tawh khen in, nam (5) bang omsak uh aa, Netball (Numei) lam ah, U-18, U-15, U-12 ci-in kimawl kidemna nampi nih pha hi. (‘U’ cihpen mangkam ‘under’ cih a tomlawhna hi aa, kum tuazah nuaisiah cihna hi.)
A vaihawm HTC te sapna om mah bangin, Zomi Education Council (ZEC) min tawh Zomi naupang (37) in Team (4) ah kidemna va ki neithei hi; Tukpeng (U-16, U-12, U-10) leh Netball (U-12)
Hih pawipi-ah kidem dingin sapna aki ngah aa kipan anuai aa makaite veina leh vaihawmna tawh kisin hun kha khat val sung hanciam takin ki neithei hi;
Tg. Thawng Sian Kham, Tg. Cin Sian Mung, Tg. Pau Mung, Tg. Tuan Go Pau, Tg. Thang Suan Piang
Vaihawm haksatna tampi sung pan Zomi naupangte va kihel zawhna dingin, ZAM sum bulpi pan leh palaite-in, a kisam sum leh paite hihzawh zahzah tawh ma pangkhawm uh hi.
Hih Faisal Cup 2009 pen, Zomi naupangte-in anuai aa minam tampi, kipawlna tuamtuamte mai-ah ih minam min a tawisan’ theihna dingin, Malaysia aa om kipawlna kim a kihelna pawi khat ahi hi; HTC (Harvest Training Centre), Hilla (Afghan Students), BRO (Burmese Refugee Organization), MEC (Myanmar Education Center), KRC (Kachin Refugee Community), Abim (Rohingja Students), CSO (Chin Students Organization), R-Kids (Roma Shelter)
Faisal Cup 2009 Tukpeng & Netball kidemna-ah, Zomi Naupangte Team (4) kiding thei aa;
U-12 Netball: Champion
U-12 Tukpeng: Champion
U-16 Tukpeng: 2nd Runner Up (A thumna)cih bangin gualzawhna Cup te leh a kimawl khempeuh in Medal khatta tawh lungtai takin innlam ki zuanthei hi.
U-12 Tukpeng Champion pahtawi piakna-ah Cup leh Medal te hong piaksak UNHCR Ulian pa tung ah zong ih lungdam deuhdeuh hi. (Hih pawi vai-ah, UNHCR panin RM5,000 tawh ma pang uh cih zong kiza hi.)
Pawi hun sungin, FIFA (Leitungbup Tukpeng Kipawlna) ii Malaysia palai pa leh USA Embassy Uliante in zong thapiakna neithei uh hi.
Kimawlna pawi sungah, Kampu (Laizom Media) in hoihtak in video hong laksak aa, VCD (45 minutes) zong ki puahpha khin hi. Bek thamlo-in, leitung mun tuamtuam pan ettheih dingin internet/youtube ah ki khahkhin hi. (Anuai aa link te-ah na etsak un.)
Hih bangin, ih minam min, ih hihna leh ki-itna, na sepkhoptheihna, hanciam khop theihna, thuakkhop theihna, lungdam khop theihna, khat leh khat ki thapiak theihnate, thungetna ngiattawh ma a pang tangtang thei a etlawm Zomi naupang khempeuh tung Pahtawina Lianpi ih pia hi.

iNFO


Zomi Children & Faisal Cup 2009 (Part 1 of 7)
http://www.youtube.com/watch?v=W9G6bag8AIQ

LAKAM pawlkhat

kha bang ciah..
khau bang sau..
siamsil nel zun...
siambang sin..
ling bangdoo..
len thel nah..
len lummeei..
luankhi bang siak hilo in...
luankhi bang nul hi zaw hi..
lo bangtul...
lo bang vil...
gal bang don..
thaangbang veh..
thangbang ko..
pat puan bang sia..
lawkta bang khuang hilo in..
lawkta bangtau...
mimva bang thum...
buh ar bang khuang..
va bang pil..
naang bang diah/duai..
gulbang vial...
khuai bang hang..
sa bang taa..
sa bang nolh..
zu bang leh..
ning bang khum...
nun bang khum..
buan bang siak...
phuh bang kho..
singbang gil...

LUNGDAM THUPUAK [MISSIONARIES]

LEITUNG MINAM KHEMPEUH UTNA GAM.

US pen Missionaries a tampen hong kipatkhiatna gam hi a, eikiang hong tun ciangin, "Topa, Mangpa" kici hi. Genthei takin Pasian tung ki-aapsa-in hong pai uh hi. Hong kithawi a kipan a haksa pen munah omzawh nangin gentheih kisin uh hi. Leitung gammong mipi batsap mihaipente teenna munah, thupha puaknuam leh pilna pianuam uh ahi hi. Tua bang munte pen a pautheiciang hibek a, ganhing tawh kim a nungtate ahi hi. Tuate lakah hong teng dingin kiging uh hi.

Sihna natna omlo hileh USA pen vantunggam naih hikhinzo hi. Hibang gamnuam pan a kipiakhia mite pen thupi simloh hithei lo hi. Pasian nawl phialmah bang-a zahtak cing ahi hi. Ganhingnote bangin hong pantah ding-a hong kuankhia uh ahi hi.

USA leh Europe gampan-a hong pai Pasian naseemte kangaihsut ciangin thupilua sa-in ngaihsut bei-in ka-om dedu thei hi. Kawl kumpi in, Missionary-te ciahkik dingin a sawl ciangin, a diakin RC Phongyi Father Topate bang in, ko kaluang uh phum ding-a hong kithawi hi ung, ci-in thum tangtang laimawk uh hi. Hih a tunga kagente pen USA leh gamthumna-a teengte nuntak kikhaihzia hong gennuam kahi hi.

USA i pai ciangin
Gamthumna panin US a tungmasate pen, mi-navaak pilnasaang Degree neizawdeuhte leh Biaknalam siapi gampua pialzo teng ahi hi. Tua bangmite pen eigam panin a laulo tengmah hipah hi. US visa hong ngah sawnsawn uh ciangin, kithupiseh lua ahihmanin, kibawm liailiai bek hi. US paihun hong tung petmah hi. Ih neihsunsun puan hoihpen kisilh hi. Gamthumna i gamciat pan kileengkhia petmah hi. Nai-24 sungin Los Angelis kitung hi. International Airport pen Kawlgam lobuang Thai bang nanopci lua khin hi. Ei genloh mikang khualzinte zong buaimahma hi. Transit counter contact dan haksa pen hi. Tualo amau buaise lo hi.

Pusuah phetin kuamahpeuh daileeng nuamin vakpah phangphang uh hi. Eipen mi zunbuuk eekbuukte pen muhngeite tawh kibanglo ahihmanin, mitkhak lela sa-in kizong hi. Ih pammah a ompen ekbuuk kisalo hi.

Gamthumna mite pen hong kithei phamahmah hi. Guahtui khamlo ankung bangin milakah hithilthel khatin ki-om hi. Mi 100 lakah Kawlgam panin khat bangbek kihelzo hi. Daileenbuk omna nangawn muthei paklo uh hi. Limlang ngentang tawh ki-um ahihmanin, a pangkhat "Toilet" ci- a lai ki-at pen maankawmsung panin amuh ciangin, painuamin maankawm peuh phudapdap uh hi. Khutsilna, dinsa-a zunthakna, ekthakna khempeuh eletronic system ngentang tawh ki control ahi hi.

Zunthakna pen dinsa-a kitha hi a, i gei-a ten amuhloh nangin kuak kiukiau-in kidaal a, neek tinten a thak ahi hi. Pasalte a man ciangin ama na adawn pei-in a khi kikangsak thei hamtang hi. Tua pen camera in nong zaihkhin a, kihei lianleh zuntuibuakna tui ging henhanin hong khah hi. Tua pen lau a thaltuk zong kitawmlo hi. Gam thumna cih ciangin Kawlgam pan-a paite sangin a nanghzaw tam mahmahlai hi. Ciangkanglo tawh a siak theilo om hi. A kuanggong a taat bang omlai zen sap hiveh aw. Tua pen gamthumna mipil aa kiciamteh officer ngentang ahi uh hi. Tuiduhte aadingin, siktawh kibawl peeng kiphut tuitau omkawikawi hi. Munkhat meek lehang tui hong leengviauviau hi. Tua kidawn hi. Kambal cih bang omlo ding a kibawl ahi hi. Pawlkhat ten a peengmuk muannuamin lingtantanin kithawi uh hi. Amekna mun theilo-in a khuampeuh beelvel thapai uh hi.

US itun ciangin azawng-ahau kilamdanglo-in Aircondition sungah ki-om hi. Alum-avot deih bangin kizang hi. Tua ciangin letmat khat a sah carpet tungah ki-om hi. Tuilum-tuivot deih bangbang kizang hi. Ekbuk pen kahkam kuang taw-ngakna kibawlin nuamtakin kitu hi. Pawlkhatte Shower kisilna sungah kisil dingin pai hi. A tuihong theilo-in naikhat phial sawt hi. Hipa sawt si e, icihleh a tui hong theilo nahi khong hi. Tui ahon ciangin tuisa hong kha-a, tuamah dingsa-in sampulh liangin kisil zong om uh hi. Tuivotlam hongkhate pen sawtzong kisil zolo-in liingtantanin hong pusuak uh hi. Mikangte pen tuibuk shower a kisil ciangin nuamsa-in lasa kawmin kisil uh hi. Gamthumna pan aate pen ngalbu sun bangin cimawh mahmah uh hi.

Bangzahin kicingin nuammah leh zong, American-inn a nuampen nangawm gamthumnate omna khempeuh pen buhtulak aa teng kibang hi. Pawlkhat ten a khaksawh la-in zuakpang deng ek hi. Pawlkhat ten a dinsa-in zuntha uh hi. Akiim a pam zunniingnamin om hi. Naupangte diaper teenglopi-in khahkhia uh hi. Carpet tungah a zun thasuk lel hi. Ektha hi. Laidal khat la-in siakmaih suk hi. Ek bang dingdengin carpet keu hi. Carpet sawpdan, inn puahdan kitheilo hi. Zato nurse te hong pai ciangin lutzo peuhmahlo-in hawkbeba in tai uh hi.

Nasep zongin applicationform vapialei sap hi. Nasephoih lamen in ngak phiauphuau uh hi. Khatvei beek kisamkik lo hi. Kisam sunsun ama lamet bang nahi lo hi. Ekbuuk ah kaipah lenglengin, silsak uh hi. Tua nangawn siltheilo lai hizen. Thumanglo, a kitawpsak khatpen mundang nasep ngahkik ding haksa mahmah hi. Ama paikhiatna Company te phone tawh dong uh hi. Apil mahmah pauban bei pawlkhat nasep mulo tamlua mahmah hi. Innlam aaten hong lamen beklo-in ih gambuppi in hong mitsuan ahi hi, hanciam ni.

Pawlkhatte kiniamkhiatin a kipia bangbang sem kenken uh-a, kumkhat sungin innlam aa sanggamte nangawn thau lihliah uh hi. Inviromental Service innpuah innphiat nasep pen zaneu mahmah ahi hangin neuseh ding hilo hi.Tua tawh mikhempeuh kipanin siamtek leh hoih ding hi. Sianthona leh Living Standard hong tawisang ding pilna bulpi higige hi. USA pen mihoihte leh thanuamte aadingin hoih hi. Kum tampipi omkhin a, innsaap zolo tampi om hi. Mipang beel a om tampi om hi. Eimi a tamzaw company setzung cih khawngah qualify lo ihihmanin Sushi seem kitamzaw hi. Sianthona, vansendan, hunmanna aa kipan a tuamtuamah cinlgo ihihmanin, tua zong Company in a lakkik tam mahmahlai hi. Tua khempeuh zong hanciam huai mahmah hi.

Refugees tawh hong tungte diakdiak Benefit tawh lungkim uh hi. Kokiangah Zomi namkim om hi. Foodstamps tawh zune nuam zong om hi. Counter aaten report napia pah hi. Zune-in apartment khawngah kitawng uh hi. 911 bang sammun sim zawzen uh hi. Tua bang case neite pen citizen ngahlo thei hi.

Hong lutcil pawlkhat pen ama status zong ngaihsunlo-in kiteisak kuamah zahlo a kokziahziah pawlkhat om hi. Tuate bang kidop huai mahmah hi. Chinese Store ah manager kasep laitakin, Korea numei khat leh Sente khat hong kitawng uh hi. Citizen khat in right tampi nei hi. Citizen ngahnailo khat in, mikhat thubawl theilo hi. Korea nu pen citizen a ngahzawh kum tampi hikhin hi. Senpa pen bangmah hinailo hi. Korea nu in, " Kei kua cih nong thei hiam? " ci hi. Senpa in," Nangpen piggy woman" cikikin gualzo kisa mahmah hi. USA citizen khat in a gamsung mihoihlo a omleh report piaktheihna nei hi. INS hopih hi. Tuapa a zanzanin hong kituahkhia hi. Ei dinmun theihsiam leng suahtakna nokhat zong ahi hi. Mi i thusimloh khat pen, zumthu nainganzi thu a nathuklut mahmah khat zong nahi thei hi. Kua cih natheihkim keileh kidawm zaw mai in.

Innkuansung nupa omzia pen Gamthumnate leh US kikhai mahmah hi. US pen " Land of the Laws" kici hi. Nupa kikaal, tate leh Nu leh Pate kikaal omzia kithuhilhzia pen Domestic Laws tawh ki control hi. Domestic Laws pen US in khauhlet mahmah hi. Eigam ngeina khahsuah lo-a a zite simmawhin ahihphaiphai vial khawngte thong sungah zankhatkhat kikhum dengdang tammahmah hi. Tuate Gamthumna pan ngentang ahi hi. USA ah zi leh ta kisaat theilo hi. I hilhzawh keileh, 911 sam a hilhsak ahi hi. Ei neihsa hitah ci-in kitomin naneihsa susia lecin, hong kiman ding ahi hi. Taangthu kiciamteh a tua tungtawnin i nget khatpeuhpeuh hong ngaihsun ahi hi.

Kidawm ciat ni. Ei khangpen lutang tawh kiphul ahihmanin haksaatna tampi om hi. Ih tute hun ciangin gammi mah bangin hong khuasa ding uh hi. Anduh gilkial a gambeel ihi hi. Kiniamkhiat ni.



Thang Siangh. zogampalpi@yahoo.com

Pa Langh Sawm Mang

ZOLAI SIAM, LAI AT SIAM MAHMAH, ZOLAI TAMPI TAK A GELH; PA LANGH SAWM MANG GUALNAM
===
Zomi a kua maciat:

SDA Pawlpi makai khat Pr. Langh Sawm Mang Gualnam in September 27, 2009, ni tak nai 3:30 (MST) pawl aa a tenna Yangon khua pan a hong nusiatna hang in ki dah mahmah hi. Sia Mang peen Kapteel khua aa Pu Tual Thawng Gualnam ii tapa khat ahi hi. Khangno mahmah pawl khat leh SDA pawlpi sung aa a lut thak pawl khat cih loh buang Pr. Langh Sawm Mang or Sia Mang a thei lo Zomi SDA pawlpi mi om lophial ding in ka um hi.

Sia Mang in a hong nusiat peen SDA Pawlpi mite bek hi lo, Zomi a kua maciat ading in supna khat ahihmanin Zomi a kua maciat ii sim theih ding in net tuamtuam sung ah ka theih khak sun ama thu tomno khat iin hong theh khia ingh. Gelh khialh leh a kicing lo a om leh nong telsiam nang un hong thuum masa ingh.

Sia Mang in Cikha, Tedim, Tonzang, Singunau, Maymyo, Moulemein leh Yangon khua te ah SDA pawlpi khantoh nading in a sep theih zah iin hanciam aa a mapang khat ahi hi. Sia Mang te innkuan tawh ka kithuah masakna peen Tedim khua aa Assistant Pastor aa a hong om akipan a kithuah khawm toto ka hi uh hi. Pr. Kip Za Nang peen Senior Pastor aa a hong om laai tak aa Sia Mang peen Assistant Pastor aa a hong om ahi hi. Sia Mang in Cikha ah evangelist ding iin a na sep kipan hi. Tua pan Tedim ah Assistant Pastor, Tonzang ah church pastor, Singunau sang ah Principal, Maymyo Section (Mission) office aa Department tuamtuam te ah a hunhun iin Director pan mun len zel, Yangon ah Voice Of Prophecy School Principal, Southeast Mission, Moulmein ah Mission President, cih bang iin SDA Pawlpi sung ah makai lutang iin mapang kawikawi hi. Sia Mang' thu ka ngaihsut khak sim iin Sia Mang leh a nuai aa thu thum teng ka gawm khawm kha den hi.

1. Khangno te ading a deihsak mahmah Sia Mang
Kei mimal ii phutkhakna tawh kituak iin pawlpi sia ka kithuahpih khak khempeuh lak ah khangno te a ding a deihsak mahmah phadiak khat hi ci in ka ciamteh hi. Ka tel lian nawn loh hang iin 1970-1977 kikaal sung pawl iin Tedim ah a hong om uh hi. Kaal sim iin MV (Missionary Volunteer) tu hun iin AY (Adventist Youth) a kici khangno kikhop hun hong neih pih tawntung aa tua kikhop sung ah MV honors ci aa club tuamtuam Friends, Companion, Adventurer, Guide, Master Guide, ih cih te a banban iin hong matutpih iin tua hun aa Tedim pan aa a khangto SDA khangno te iin ih pawlpi thu leh Pasian thu kithei tuam mahmah hi. Ama hanciamna hang iin SDA pawlpi leh khangno te khangto khanghlo tuam mahmah uh hi.

2. Aw hoih iin la a siam mahmah Sia Mang
Sia Mang peen la siam mawkmawk bek hi lo iin a aw ngaih, aw lian leh awpi nei iin amah tawh la sa khawm leng ei zongh la siam khat a kisa thei phial khat iin hong om sak thei hi. Sia Mang peen la kin leh la siam khat ahih zah khat iin a khut tawh a gelh ngiatngiat, tonic solfa leh a tah khempeuh hoih tak aa a cing aa a tei la bu tampi nei hi. Tua hun laai te iin solfa tawh a kibawl tu laai aa ih ZBC la bu te zongh om nai lo iin Tedim la bu neu kiukeu, solfa kithuah lo te bek Zo mi te in ih neih ih zat hun laai ahi hi. Hih ZBC la bawlna leh puah phatna te ah zongh Pr. Langh Sawm Mang mapang mahmah hi. Kei zongh solfa siam nuam leh la ka siam loh hang in la sak a uuk khat kahihmanin Sia Mang kiang pan a la bu te kawm iin solfa leh a tah tawh Christian la tuamtuam te ka khut tawh tei ngelhngelh iin sin zelzel kahihmanin tonic solfa tawh la hoih tak ka sak theih peen Sia Mang kiang pan ka ngah pilna khat ahi hi. Hih thu hang in Sia Mang tung ah ka lungdam mahmah hi. Sia Mang te innkuan Tedim ah a hong om sung iin Church choir hong neih pih den iin pulpit gei ah Church Choir seat ci iin tutphah sau nih or thum kikoih den ahi hi. Sia Mang hong makaihna nuai aa Lawibual (Tedim ) SDA Church ah kum 10 khawng ka phak laai akipan church choir ah kihel den iin tenor a sa den ka hi hi. Kei bek hi lo, khangno numei pasal tampi tak iin Sia Mang pattahna hang iin siamna a ngah om ding in ka lamen hi.

3. Laisiam iin lai tei siam mahmah Sia Mang
Sia Mang in leitung aa lai tan saang pi pi nei lo hi ci lengg khial iin ka ki um kei hi. Taungo, Kyauktaing, pan tan 10 a zawh khit ciang in Myaungmya SDA Bible Seminary pan kum 2 course tawh sia a sem khat a hi hi. Ahizongh'n Sia Mang zah iin lai tei siam SDA pawlpi sung ah om nai lo kha ding hi. A siam a om zong in Sia Mang bang iin a siamna a zangh khat zongh om nai lo hi ci lengg kikhial lo ding hi. Sia Mang in kha 3 hal sim aa a ki bawl Sabbath School lesson khempeuh, a nuntakna a bei ni dong mah a tei ngelhngelh ahi hi. Tua bek hi lo iin Christo Kiang Zuatna (Steps To Christ) akipan lai bu tuamtuam te leh Adventist La Bu cih te khawng tampi bawl khia hi.

Hi bang aa a pawlpi a khantoh nading a kin, a hanciam, Zomi khangno te a ding a deih sak, Zomi Literature ah contribution tampi a nei Sia Mang (Langh Sawm Mang) in a hong nusiat na hangin Zomi SDA pawlpi mi te hi ta leh Zomi bup adingin supna lian pi khat ahihmanin ih dah mahmah hi.

Lai gelh,


Mungno (Gin Sian Mung Gualnam)
Riverside, California

Tedimmi

by; Suang Khen Pau; 2009 Sept 15.
--
Dear Laisimte,

I pu i pate hun lai-a kipanin ei mite pen min deih phadiak minamte khat ihi hi. Tu sung khawng teng lai-at pawlkhatte' thului ka sim ciangin Chin deihlohna, Tedim muhdahna tampi om ka sa hi. Hih thute i khinkhai ciangin i lungsim picing nailo ahihna hong kipholaklak tawh kibang ka sa hi. Pawlkhatte bangin Chin deihlo cih thadah Tedim ci-a kilo khempeuh hong mudah sawm mawk ahih manin ngaihsuthuai ding hi.Hitler in a minamte a it manin Jews-te muhdah cih pen a hoihloh zia leitung tangthu in hong hilh ka sa hi. Tua hi a, hih thu tawh kisai-in ka lung hihmawhna lian ahih manin tawm khat ka hong kum nuam hi. Mihing pen i lungsim a tuamtek hi aa, i gial a kibat kei leh zong kitelsiam leng ut ing.

1)Tedim Mi: Pawlkhatte in Tedim mi omlo, Tedimte om bek hi, cih bangin hong suuttek uh hi. Yangon mi omlo, Yangon-te om cih bangin gentehna zang aa, telnop simtham hi. Ahi zongin ei mite' lai-at pawlkhat siksanin ka hong kum ding hi. Nidangin i pu i pate ukpi hunin a kiuk lai tak-in Sihzang, Kam Hau, Sukte-in na kikhen uh a, uk 3 kisuah hi hang.Tua ki-ukna zui-in Sihzang, Kam Hau, Sukte, ci-in kiminvawh hi. Mangkang kumpi in Kawlgam sung khempeuh(Zogam kihel) hong lak uh 1885 kum-a kipan tua uk 3 teng khat hong suahin Tedim ah vuandok zum phutin tua panin hong uk a, Tedim- gam sunga tengte khempeuh "Tedim mi" kici hi ci-in, kigelh hi(Rev Gho Khan Dal, Tedim Sangpi Jubilee Magazine). Tedim mi omlo a cite in Tedim pau om cikil bilbel hi hang. Tedim mi om kei leh Tedim pau om thei ding ahiam? Mihing leh kampau koi piang masa zaw ding? Ngaihsut huai simtham ding hi.

2) Tedim Pau: Cope Topa pen Tedim khuapi hong tun taktak pen 1910 kum November kha sung hi. Tua laitak-in Tedim gama kizang pau pen tu-a Tedim pau i cih lian pen hihtuak nailo hi. Cope Topa in Tedim kim aa, khua pawlkhat(Khua nga kici) panin mite samin pausak aa, ahi zongin a awsuah uh kilamdang tek hih tuak hi. Tua a kibanglote laka a kivalak, a kibang zawdeuh teng la-in, Tedim pau hong piang hi ci-in Khanglui thutheihte'n gen uh hi.

3) Tedim Lai : Cope Topa Tedim hong tun ciangin lai hong bawlsak aa, Roman alphabet bulphuh-in , tu ni dongin "Zolai" ci-in min a vawh ihi hi. Tua a bawl lai pen baihlua kisa ahih manin 'nisagih lai 'zong kici hi. Tua a bawl tu-a i Zolai tawh Tedim gamah thu a kitheih nadingin lai hawm khat hong nei a, a min " Tedim Thukizakna" ci hi. Tua hi a, a taktak-in Zolai i cih sangin Tedim lai cileng Cope Topa hong bawlsak tawh kituak zaw mai ding a, tu-a Zolai i cihcih pen Tedim lai cileng kilawmzaw mai ding aa, zong Zolai sangin upa zaw kha ding hi.Zomi i cih ciangin Khamtung gam leh India gama i sanggam pawlkhatte dong huam a, amaute in zong lai na neitek uh ahih manin Zolai cih sangin Tedim Lai cileng a kilawmzaw ding khat hi.

4) Tedim Gam: Tedim ih cih ciangin pawlkhat in tu laitak-a Tedim khuapi-aa teng tengbek dingin kingaisun hi. Khamtung gam i tuncilna Ciimnuai hi a, tua-ah khang giat kiteng hi. Tua sung-a i tenna-ah Gamsai lak-a tengte Saizang, Tei laka tengte Teizang cih bangin kiminlawh hi, kici hi( Dr C Thang Za Tuan). 1965 kuma Revolutionary Council in Tedim gam hong phelkhap a, Tonzang Tsp hong pia hi. Tu-ma deuh a sawt nailo diak-in Cikha zong Sub-township pia hi. Tua hi a, Tedim gam i cih ciangin tu laitak-a Tedim, Tonzang, leh Cikha kihel hi cih ih phawk tawntung ding hong thupi ding hi.

5)Tedim Mi= Zomi: Zomi tangthu kante' lai pawlkhat ka sim ciangin Zomi cih hong pianna pen Sengam-a Zou /Yo Dynasty cih na om ngei-a, tua hun sung panin a pusuakte pen Zou/Zo/Yo kici hi cih pen, kilang mahmah hi(ZCLS bawl Zomi leh ngeina Laibu sung).Tua bang hi mawk leh Zomi i kicihcih zong bulkip tuan ding a hiam? Pagan dynasty om ngei a, Pagan mi cih omlo zel hi. Tedim zong mum min hi ngei a, Tedim mi omlo i cih leh Zomi zong om theituan ding hiam? Tua bang dan hi mawk leh Tedim mi is equal to Zomi a cinuam ka hi hi.Zomite sungah anthropologist, historian om nailo i hih manin Zomi thu zong i atat tei hangin muantak ding om nai tuanlo hi.

6) Tedim i Thupitna: Zomite pen biakna vai-in philbang zangbangin kikhenin, unau-pata kitelkhial hanga i Jerusalem kulhpi a kicip laitak hi cileng kikhial khollo kha dingin ngaihsun ing. Tua manin Tedim cih min pen kingai khollo hi leh kilawm hi. Tedim pen ei mite khuapi hi a, Tedim kam-a kigeilh Lai Siangtho, Labute, Tedim Lai Siangtho, Labu kici ngiat hi. Zomite' khuapi khat ahi Lamka ah Tedim Road na om mawk hi. Ei Zomi kici-in ih pak liulau lai tak-in Kawlgam sung-a mite leh leitung-a om mun dangdang panaa hong pai mite in Tedim- Chin cih bang peuhin hong theizawsop hi.Tua bang kawmkal ah i gam sungah a om lai-un i minam vei ngeilo na pi, mundang gamdang khawng i tun ciangin tawmlua ihih manin i identity bulphuh luat nop main minam kiveisak hon khatte in Tedim cih peuhmah muhdah sawm zenzen uh hi. Tua bang mite' thu na kan taktak leh cin Zomi a kiveisak uh hangin, a u leh a nau, a beh a phung, a khua a tui hong phawkkhollo lai ding uh hi. Tedim pen khat leh nih thu tawh kiphiat zo lo kha ding hi. Mailam ah mite in Tedim-Chin in hong theizaw hamtang ding hi, na ngaihsun gige lecin. Tua ahih manin hihte zong a thu paizia zui-in i kan ciuciau ding kisam ve ding hi. Ei Tedim lamte min deihte hi hang i cihsa mah bangin ZBC ah( a diakin Tuiphum) i kipawl lai-in Zomi leh Chin cih min vai-in ZBC buai mahmah ngei hi. Zo deih teng in paikhiat san hang a, Lamka-a om i sanggamte bang bilbel in Chin deihzaw ahih manin( a thu dangdang zong om kha ding) a biakna kipawlna uh Chin Baptist Association( CBA) na ci lehbung zel uh.ZBC hunlai in, Tedim leh a dangte Zomi le Chin vai-in a buai hi hang a, tu-in Tedim ciatciat i buaita hi(Zonet sunga laite sim in). Dahhuai mahmah sang.

7) Zomi leh Tedim Khentel huai: Zomi i cih ciangin Khamtung gama om mi khempeuh a huam aa kigen hi ci-in' theihna hi. Bek tham lo-in India a om i sanggamte ahi Mizo, Thahdo, Vaiphei etc cih dong ah a huam hi. A hi zongin tu lamlam ciangin Zomi pen Tedim gama om teng bek a suah ding dan khatin thu gingging ka sa hi. I bukmun khat ding hi zaw aa, neusak huai lo zaw hi. Zomi i kicih manin tu ni dongin bang hamphatna ngah i hiam?Tedim i kicih manin zong bang sup pukpuk nading om ahia? Miten Chin hong cih manin bang suplawh i hia?Chin i kicih noploh manin bang hamphat lawh pukpulk i hia?Zogam lasiam JK Kam in 'Mehthuk leh Bokbawn 'na cingei hi. Zomi leh Tedim i khen theih kei leh ih supna tam zaw ding a, tua bang hun hong tunsimin mite lungdam in a khut uh sialki bangin na tum lel ding hi.

8) Minam it Manin Mite Mudah kei ni: Leitungah gallesa a piangna thu a kikankan ciang in minam vai leh biakna vai hangin a piang tampen hi kici hi. Zomi ahihkeileh Tedim mi i vei manin mite muhdah ding hilo hi. Tua pen politics hilo hi. I minam i vei taktak leh i minam khangtoh nadingin sep ding hi lel hi. Ih hamsat ciangin kipanpih ding hi lel hi. Ulenaute phawk ding hi zaw hi. Behlephung khuituah aa, i van ding ahi hi. Ih khua i tui phawk ding ahi hi. Zogam leh Tedim gamah a kisap penpen khantohna hi zaw hi.I gam tulta hi. I gam kitaisansa hi. Pu Hau Za
Cin, la na phuak a, (a) Ih gam tulta, setang cing nawnlo, louphok pak leh tuamtai po ta (b) Louphawk paak leh tuamtai pota, i ngaihtente'n lah Thangmual khuam ciaiciai, na ci hi.

I lungsim a kibat kei leh ih sanziate suakta tak-a kikup lai ding hi a, ahi zongin kiko gawpgawnate pelhhuai ding hi.