Tuesday, June 16, 2009

Zomi Numei Thungetna, Singapore

Zomi a kuamah peuh,

Singapore Zomi Numeite Thunget kikhopna in nikum in kum 7- sungah a lutzo ahi ta hi. Tua thunget ki khopna in, tulaitak aa, Zomite ii ih THAANG-AWKNA(Dilemma) tak panin, bangci suahtaak ding cih bekbek ngaihsut leh thunget aa aneih uh ahi hi.

Ei Zomite in tuabang haksaat na panin ih suahtak nop leh,
1. Siavuante in mici na abawl ding ciangin, a cinate ii health history atel ciang
bekin bangci bawl ding cih a teltheih pan bek bangin,
2. Ei zong, hih ih natna panin ih damnop aa ih suahtaak nop leh, a beisa aa
Zomite ii ih hii- na khempeuh ih teltheih bek ciangin, ih ki bawldan ding
ih telthei pan ding hi.
3. Siavuante in cinate taangthu a theihnop ciangin, a cina te mahmah a dot
ciangin, agen noploh, adeih huai hetloh leh a maizum huai pawlkhat agen kei l
leh, siavuan pa in abawl ciangin, muibunh tak in a bawltheih loh ding
mahbangin,
4. Ei zong, adeihhuai a deihhuai lo hilo; a mai zumhuai a maizumhuailo hilo ih
hii-na khenpeuh a vekpi in ih pulak kei leh....,
5. Tua ahih manin, Ih Article sungah thute in mikim aa dingin hoihkimlo, zaknop
huai kimlo kha ding hi.
( Thuhoih khempeuh in, zaknop huai kimlo aa; a zaaknop huailo thute
in, thusia hikim tuanlo zel hi. Pu Pau Za Mung)
6. Natna lian te pawl bang, olpak tawh aa dam cih a omthei kei hi.
Zatui neek ding ahih leh, khapet liang, mitsii liang leh naak hum liangaa neek
dingte pawl;
Neek leh dawnte tanh ding ki daam ding ahih leh, khuisa liang , taau liang aa
tanh ding,
Ki at ding ahih leh zong, lawplo pipi leh uutlo pipi mah tawh ki at ding ahi hi. Tuabanglo tawh damna a ki ngahzo kei ding hi.
7. Tua ahih mahbangin, tuni in Zomite in hih ih nat na pan in, ih dam siang na
dingin, ih deihhetloh, ih zaknop hetloh ih hii-na teng a hong ki gen ciangin, ih
damna ding bek mah lunggulh leh mitsuan aa thupi khualna tawh ih
ngaihzawhna dingin;
8. Hih article na siatmuh lai teng, a tel nailo na hiding hi.


Zomite sungah,

by; Pu Pau Za Mung