Thursday, September 1, 2011

Thualzen Gal

Thual Zen gal(Lusei gal) laia makai Col. Son Kho Pau leh Pu Son Cin Lian, te tawh nuamtakin thucin thutang sutin ki hopih kha ingh. Tua banah Mizo tapong MNF founder President Pu Laldeng leh CNF founder Pu Tial Khal zong tawh nuam takin ki holim pih ngei kha ingh. Semkhawm dinga ki thutuahna a neih thu uh leh ma a pankhop ngei thu uh hong hilh tuak uh hi. ZRO founder President Pu Khai Za Song zong ama tenna Diphu ah leh 1987 kum Ngur khua Zo Minam Ni bawlna ah ki mu in ki holim kha ngei hi ungh. Amah tawh zong minam malaakna thu teng mah ka theih tan tan un na genkhawm ungh.

Col. Son Kho Pau hong ki mat ciangin galvan leh galvai tawh kisai bangci malaak ding cih a kiciamna uh lai teng Pu Tun Kho Pum tungah a ap thu leh tua laite a deih manun MNF ten a na thah thu uh zong amah Col. SKPau kam tek tek panin za kha ingh. Hih thu MNF te hong ki surrendered kum 1986 ciangin Pu Laldenga tawh ki mu-in ama kiangah zong ka dong kha ngei a, Kawlgam pan Pu Thual Zen te tawh sepkhop ding ki thukimna a neih thu uh zong hong hilh hi.
Pu Thual Zen pen amau kipawlna panin galvai hawmna a len hi a, army chief commander cih dinmun hi dingin ka um hi. Ama tangthu kicing zaw in na theih nop leh a tapa Delhi ah om na contact lecin hong hilh theih ding ka um a, Zomi Church Delhi-ZCD makai te tawh na ki hopih thei lecin hong vaihawm pih thei dingin ka um hi.

Na theihnop thu ah na maazan zawkna khat a om khak leh cih deihsakna tawh,
tktsuante@yahoo.com

===
Thualzengal, Lusuanggal a hi lo, lusei te in Tedim a laksim sawm uh hun khat.
Hihbangin thu ka genciangin keima kudai aa ka muh leh ka theih a hi kei aa, ahih hang in hih kagen Pa, keima kudai kamit tawh mu in leh a ma kampan hong gen khialian ka bil tawh kazat thu a hong gensawn ka hihi.

1968 june 1 ni-in "Lusei Tapong" te in Tedim khua hongsim uh hi.Tua hun laitak in Tedim kuan Leilum ateng Pu Kam Za Pau(Songput) in Tedim panin Kawlpi(Kalay) aom No.42 Armay Galkap mang pipa kiang ah thupuak ding in thauvui thautang kawmkal ah Ih Gam leh Ih Lei a itna hang in, Tedim leh Kawlpi (Kalay) Mawtaw nai ( 1:40 hrs) sung bek hawlsuk leh thu ana puakna hangin Khamtung gam Zogam khuapi a vek in tha khat in alak sawmna panun lazo lo uh hi....( Kawlpi leh Tedim mawtaw nai 1:40 hrs bek hawl cih pen tu ni ciangdong mi tam nai loin ka um hi).

Pu Kam Za Pau (Songput)in hibangin Gam leh lei ading thauvui thautang kawmkal ah a nu'ntakna itsit lo in, na hong sepkhia na hang in (President of State security and Administration council)pan in pahtawina laipi zong kipia ban ah, kumpi lam panin pumpi kiven/kidal na'ngin thautom (pistol) 32-3368 kipia hi.

1985 January 4 ni-in zong Kawl kumpi U San Yuh in pahtawina laipi Chairman of the State peace and Development Council pan pia hi.

Aki ciang zawin na theihnop khak zenzen leh,

Pu Kam Za Pau
Lah /121 Leilum Veng
Teddim , North Chin State
Myanmar

Tel 95- 7050 162
---
THANGLAM TUNGPAU to zomi Sep2.2011
tawinupa@yahoo.com

Zomi ulehnau,


Ih lai at te ka sim khak ciangin,Zomi/Zogam khantoh na ding deih na,thu hoih vive hi ci-in, kei mimal in ka mu hi. Lungdan huai leh angtan huai thu vive in ka mu hi.


Pu Thual Zen hun lai,1972-1974-hun lai te in,
khatlehkhat thu ki zak, munkhat leh munkhat thu ki zakna te pen tu hun bang in man lang lo ding in ka um hi. Mihing khat ii sep na te zong tu hun bang in,zing a na sep nitak ki thei cih hun hi kha lo ding hi. Tampi tak ih theih ban loh om kha in ka um mawh hi. Pu Thual Zen hun lai bang in ci leng, tu hun bang in taangpi in khua ki mu nai lua lo dingin ka um mawh hi.Sumlehpaai zong tu hun bang in mipite tung kaikhawm ding cih zong hi lo kha ding hi. Banghang hiam cih leh mipipen tu hun bang in khualzin leh gamvak ki om lua nai lo kha ding hi.

Tua hun lai in a gamtang thei ding, minthang pen
Pu Kham Za Kam,
Pu Gin Do Lian,
Pu Khual Kham leh a dang kei theih ban loh om lai in cin cih te pawl hi kha mai ding in ka um mawh hi. A mau te koi ci ciang gamtang hiam cih pen tuhun dan in, thu te, a ni,a nai a, ki thei lo a hih man in, a thei kha lo ih hi tam maw ka ci hi.


1972-74 hun leuleu ciangin ah kei kapil,kei kasiam cih na om het lo pi-in,Kawl kumpi in hih te in Zogam makai leh khangto in ei ong dep kha ding hi cih lau uh a hih man in, a kih tak uh mipil, misiam te pawl khat a hi,

Pu Cin Sian Thang,
Pu Son Cin Lian,
Pu Lian Khan Mang(sia Lianbawi) a dang tampi om ding---te
man in ah Mandalay Nandawin thongpi sung ah ong koih sak uh hi.
Pu Son Khaw Neng (Lawibual, Tedim phone line sem pa) pen tua hun lai in ah Calcatta, Bomby leh Kawlgam sum bawl in a ki lehleh lai tak a hi hi.Mandalay thongpi sung ah Pu te thum ong vehpih hi. Sauvei zong kiho man lo in ong ki sawlkhia zel hi. Ka pusuah uh ciangin, khitui muallam sa in thutampitak ong gen hi.

Hih te kong at tak ciangin ah ka pai uh hi cih gen nuam ka hi kei zaw a,tua hun lai in a gim a tawl zong om kha ding hi a ci nuam ka hi zaw hi. Tuhun bangin ni sial thu ki za thei lo a hih man in a vekpi in a ki thei kim kha khol lo zaw a hi kei tam maw a ci nuam ka hi zaw hi.


Kei mimal khat ngaihsut nabek kong pulak a hih manin,minlehpuam at tuak lo,lawh tuak lo leh lawh khak loh te ong na tel siam un.



Thang Lam
Orlando, Florida