Tuesday, January 17, 2012

Award of the Insignia Commandeur - Aungsan Su Kyi

Pu Chin Sian Thang le Frence Ambassador ki mu a
NLD makai, Nu Aung San Su Kyi tawh zongh ki ho lim kkhawm uh hi.


15-1-2012 ni nitak lam mah in lungdamkoh biakpiakna ki nei a, ( thong tuak te muakna)
tua kikhop man cian gin aman khit ciang nitak 6:00 PM hun'n French (Piantit) kumpi gamdang vuanzi
pa Mr. ALain Juppe in French gam in ASSK pahtawina apiak uh French gam ading in a sang penpen
pahtawina ahi A Ward of the Insignia Commandeur in the Legion of Honor pahtawina
amau gam tangin Zangkong French (Piantit) Embassy ah piakna hong nei thei hi.

Hih hun ah, Mipi leh Zomi mimal 150 val kah in kihel thei hi. Zomite tangin ZNC President Pu Chin Sian Thang zong hong kisapna tawh kizui in kihel thei hi, ASSK in lengla French Foreign Minister pu tawh President Pu ki meltheihna hong bawlsak in tawl khat, amau hong ki holim thei uhi. Kiho sung in thu tampi kigenna sung ah, ko Zomi te 1917 kum kim pawlin Galpi masa hunlai, no gam ah force labor in ong pai ngei ung cih gen hi. Kimuhna tawh kisai in ASSK in lungdam thupulakna Piantit pau tawh gen kik hi.
---

Kam Lian
Secy, ZNC

Info Team
Zomi National Congress
16 January 2012

==============================


Pu Chin Sian Thang La Phuahte



1. *Lel dih aw Kap lel dih lai zang aw, pian gam lei leh ka Zo damtui aw,
keizong, keizong lel nuam lai veng ee;*
2. *Keizong, keizong leel nuam lai ing, Panlong apat Taungyi ah, UNO dong
leel to laivang ee.*


1. *Tang kahenkol thangta zawm aw, Zolun Alsi thang zawm aw;*
2. *Zolun Alsi tu bang asuan thangvan phesak kei hing ee.*


1. *Sin thu a pha ngai ing aw e, tong dam a nem a ngai ing ee;*
2. *Sin thupha leh I Zogam kuam ka ngaih man a tul hi’ing ee.*

Mipi in Pu Cin Sian Thang Aki phuah Zola Awkaih.

( a ) Guallel cinthu,thangtam lai ah Zogam zuapa sitni Cin Sian, Thang mah thang zaw e..

( b ) Sitni Cin Sian,Thang mah thangzaw zang kamkei sa'ng hang zaw e hang, zaw e gial zaw e..



(a) Z N C leh, N L D lung lai nahual na,pian gamlei ziin bangling e,gual in gen lua e..

( b ) Ziin bangling e,gual in genlua gam ading inzong zatam ten muang,zawng e muang zawng e...



( a ) Sesumthang leh,langlamlibang cingdinglai ah cinthupha tem,bang deih na lian e.

( b ) Kawlciang tawilo,dolaima ciang na suan suan a gam a ding in ban zal henkol,khai tam zua aw e...



( a ) A kum a sim,sawmnih cing ta zuatawh ma lo bang pang khawm leng tungsianmang in,awi ding muang veng e..

( b ) Tungsianmangin,awi ding muang veng lai zom tung mu van lai te tawh lung lai khau bang,hual khawm lai leng e..



( a ) Ka gam lung tup,tui bang tung aw U.N.O aw Daw Suh Kyi leh Sitni Cin Sian,Thang aw tuang ve aw.

( b ) Sian aw bat lei,bangphul nuam veng dota ngal khuai hang te bang a,mi lai sum lu pal a lak na hen luang za tam a tham na hi e.



( a ) Mar gam kuam a,ciin thang ki lel zua tawi Thang Lian Pau aw dam ve aw.

( b ) Zogam lei a,dota sangbang nang na not a tu in tui liim,nga bang siang pan e.



( a ) Zotavontawi,lungmuan na ding tungmu van lai ka phungpi lun Sian aw dai phui,gua bang hong hah aw.

( b ) Sian in gua bang,hong hah hen la zua thang leh tun,min lun tawh lung lai khuam bang,nang hong gel gel aw.



( a ) Gual in va bang,ka pil ci a pil ka hih leh nang bang pil,nang bang ciim lengh e.

( b ) Nang bang pil,nang bang ciim lengh a hang ka hih leh zong nang mah bang,kei zong hang lengh e..