Monday, August 22, 2011

Mimal leh Mipi Aading Kiseppuakzia

ZaSang EvErEstEr samuelzamsiansang@gmail.com
zonet@yahoogroups.com,
zomi sda ,
sizang@yahoogroups.com,
tonzanglawm@yahoogroups.com,
tongsan@googlegroups.com,
zomicenter@yahoogroups.com,
blessedzomi@yahoogroups.com,
zingsol@yahoogroups.com,
zim.mly@gmail.com,
Anlangh Global ,
chinland@yahoogroups.com,
laiforums@yahogroups.com,
kukiforums@yahoogroups.com,
tedim@yahoogroups.com
Mon, Aug 22, 2011 at 2:16 PM
==>Human and Community #4(abc123... Mimal leh Mipi Aading Kiseppuakzia)



Zomi, Minam a it, Mipih te

abc123... Mimal leh Mipi Aading Kiseppuakzia


cih thulu tawh, Khattohna khat i neih zawh tuam na ding, Lungsim huam heek lai khat kong gelh hi.


Thupatna:

Mipi, leh Minam adeihsak nasepna ah, Gilpi 1 = Minambup Gilpi Xxxx??????????
tawh ama' gilpi ding leh, ama' innsung khat sung hamphat nading ngaihsutna tawh
Minambup i gilpi, leh minambup i hamphatna ding a kheek ngam ziauziau
Makai a kici min pua in, panmun letna, rank ngah na, tutphah ngah na ding bek tawh, Minam azuak ngam ziauziau, sawltak sila hoih pawl khat om thei hi.

Bang hang in hi bang thu ong gelh ka hi hiam?:

Tua bang mi pawlkhat ka mu ngei hi. Nang zongh mu ngei, thei ngei, thuak ngei ding hi teh! Hih te, gen lo in, lau in, im cip niloh le hang; Ei le tei a ki meklum, ei le ei a ki bumcip hi ding i hih man in, Deihsakna leh itna maan tawh humop in, Minam aading leh, Pawlpi , Mipi aading in hih thu ong gelh khia ka hi hi.


Amau te' kam pan in, ahoihh in (apuatham) a ki muh ding ut lai lai uh:

Kampau apau uh ciang in, Makai ka hi hi. Minam ka itna, Pawlpi sung, Minamsung, Khuasung aading deihsak in, na ka sem hi , cilai ta zen uh hi.

Bang hang in amaute lawt lo in, han lo in, pulak khia lo in, ko lo in, hilh lo in, motor hek bang in hek lo i hi hiam cih leh:

A kician in, tel kheh suk ni ci leng,

@ Ei sung vive, pawlkhat vive, u le nau sung khawng zongh na hi mai thei;

@ i it pen, i zahtak pen te zongh ki kha mai thei;

@ mi hau te mi lian te khawng, phungcing mi nuamsa te khawng hi mai thei ding;

@ mizawng daipaam a hih man zongh hi kha thei ding;

@ gen man lo khawng zong hi kha ni;

@ gen ngam lo zongh ki kha ni; gen kul a sa se lo zong om in teh;

@ gen ding lam a thei lo zongh om kha ni;

@ a thu leh tua bang dan paizia a mu kha nailo zongh om kha ni;

@ mun ngah peuh leh, cih tawh a paak ta zongh ki om thei mai ding;

@ bawng khat hihna, beh khat hihna khawng zongh hi kha thei in teh;

@ party khat hihna, club khat hih khopna, kibat na harng zongh hi kha thei in teh;

....bang bang harng tawh a hi zong in.....


Nang tawh kisai, kei tawh kisai:

Mimal khat sim, nang leh kei in, a tei tang zaw deuh a kici, mi lak kihel zawdeuh te in, hih thu te ah phamawh sa in, ngilh theih lo, pelh theih lo, Minam lian nampi ka hihna, Mi citak taktak ka hih na, Mi muanhuai taktak leh, Kumpi nam, Nampi Minam lian te a makaih ding kei mah ka hi hi ci in, ei le ei ki guan in, i lungsim leh i paizai, i panmun ah i zat ding a ki sam a hi hi.

Minam tawh kisai:

Hih bang lungsim puakzia; hi bangh lungtang leh ngimna tawh; hi bang nuntakna leh kiseppuakzia; hi dan pai dan tawh; Mimal sim in i neih ciangin Minam bup sung ah ong kidim ding ahi hi. 100% ah 100% mimal kim in a hih loh hangiin, atam zaw in, hih bang in nungta, sem in, kiseppuakzia tawh panlakna leh veina nei in om leng, adang teng zongh damdam in lawhlawh toto in, i vek in, ahuampi in, bucing to semsem ding hi, damdam in...

Hih thu ka gelh sawmsawm sawt pi pek hi khin a, vuicing tak leh, deihna bul cingtaak tak in gelh ding ci le hang, lai bu a bawl leng zongh, tampi a pha lai ding ahih manin, atelnop ding in, tomcik tawh a kicing ding in ong gelh ka hi hi.

A taktak in:

Atak tak in ci leng, Panmun letna, Za lian pipi ngah a, tutphah sang te a tu te in, zai pi tak leh, Minam ading tampi, ong gelsak theizaw mah uh hi. Amau ukna khutsung, khantohna ding leh, kiam suk nading, mailam thu amaute' khutsung ah om takpi hi cih; Mimal makai te leh Makai hon makai hon te in, 'Voice neihna ciang nei uh ahi man in; Amaute' sepding pen, amau gawl/gilpi ding hi lo a, Minam aading, pawlsung aading, gamsung aading leh Mipi aading nasem te a hih lam, kiphawk pha pha le uh, cih deih na hi.

Gentehna / Ettehna khat le nih en suk in:

a. 196?s, 197?s lai in, Zomi a pil a siam (amin XXX?) khat, a citak khat in, Minam aitang in panmunlakna khat Tedim pan in, nei in, a za(rank) khang in, Hakha ah, ki puak a, Kawl makaihna zui in, Zomi ong simmawh Kawl makaipa (kawlmakaite) nuai ah, khut kilen in, panmun ngah na khop in, minam ong zuak a, a angsung ding ngah zo hi. U Nu te, New Win te tawh maitang kimu ngei, khut kilen kha ngei te a hi hi. Pil in, panmun ngah a, ahih hangin, ama' panmun ngahna pen, I Minam (Zomi) ong zuak na hi gige hi. Tuni ciang in, hing lai a, amah leh a mah a kitel tam maw? ka ci ci a, ka dahpih mahmah hi.

b. 199?s lai in, SDA MYUM sung ah a pil a siam mi khat (a min XXX?), nasepna ong lawhcing in, pawlpi tampi tak leh, saang tampi tak (planted) phut khia zo a, .. Namdang lak ah, panmun va la in, za lianpi tung hi. Tu in, tua Zomi pa pen, Zogam, kawlgam ah om nawnlo a, Nekding zong in, Gamdang ah nasem hi.

c. 200?s khit in, UN envoy palai XXX pa khat, nih te pen, Kawlgam bup minam kilemna khantohna om nading, vai kikhuppih ding, thumaan kan ding a ki pai sak te pen, Kumpi Ulian te in sum leh, kham leh ngun tampi, a angip ah koih sak aa hih manin, a lungsim dual in, thumaan kan ding sang in, a hoih a pulak ding tawh lungkim zaw hi. Hih te in ih Minam ong laamsang pak ding hiam, na ci ngei hiam?

d. Mualtung pan in, Khuapi ukding, panmuh ngahna ding in sawlna leh ngetna te a kipan, Vantung Pasian tapa hiha, Vamtung ukna zaa taisan liang in, Vantung nopna na ngawn nusia a, Leitung nopsakna, liatna tuamtuam te hinpih ding leh hin pih ngam zaw lo in; -Amite', a tuute, khamangthang te hotkhiatna ding in, amang te zong ding in, tuma kum tulnih lai in, Zeisu Khazih in, a nuntakna na pia khia in, na si khin zo hi.

Thukhupna:

Minam aading in, Khamangthang te gupkhiatna ding in, Pawlpi aadingin, na nuntakna na pia ngam hiam? Tua te' aitang dingin na si ngam ding hiam?

ahih kei leh

Minam aading in, Khamangthang te gupkhatna ding, Pawlpi, Khua le tui te' ai tang in, nang na hing ngam zaw diam?

cih telna, a tawntung in ki dongh den ni.
Minam thupha Nang na hi hi. Minam thupha kei ka hi hi. Minam thupha Eite khat ciat i hi hi.
Eite ong nei, Vantung Pasian in Mimal kim leh, nasepna, nuntakna leh Mipi, Minam, Zomi te ong Phasiam ta hen!



---
Itna leh Deihsakna lungtang tawh
ZaSang EvErEstEr

Monday, August 15, 2011

Tedim Assoiciation - Yangon 2011

Disciple Kap Sian Hatlang posted to ZOMI TiMES

‎[TEDIM-ZOMI DIRECTORY]

Zangkong 2004 aa akiphuan,
Tedim Association te hanciamna tawh Tedim Zomi Directory (2011)
ki ngah in bu khat ciang in kyats 3000 tawh ki lei thei hi.
Zangkong ah Tedim Zomi inn 1504 om hi. Zangkong ah Biakna pawlpi 77 om hi.

Zangkong ah Childcare and Orphange Ministry 16 om hi.
Zangkong ah Bible College, Seminary and School 26 om hi.
Hih Tedim Zomi Directory pen tuma kum 2 lai in aki kai khawm hi in
hong tung thak or a kiphuan thak te hong ki hel kha lo ding hi.


Nihna ah Biakna lam pan Data aki kai khawm hi in koi mah pawlpi ah
na kihel khak kei aa leh zongh hong om lo thei mai tak ding hi.
Hi bang in laibu hoih hong vaihawm Tedim kipawlna makai te tung ah lungdam hi.
A kicing zaw in a thu pawl khat leh alaibu cover hong attach ingh.

Thu puak sawn,
Thawngmang, thawngmang77@gmail.com
Zangkong

Sunday, August 7, 2011

Global Zomi Alliance - GZA

From: Chin Kham
To: zomi@yahoogroups.com; zomiinnkuanusa@googlegroups.com; tongsan@googlegroups.com; gzageneralsecretary@gmail.com
Sent: Thu, July 7, 2011 10:36:32 PM
Subject: [ZONET] GZA Central Committee & Yangon aa Om Standing Committee Member te Kimuh Khopna Om [1 Attachment]



[Leitungbup Zomi Kipawlna]
THUSUAH:
---


[Attachment(s) from Chin Kham included below]

Zomi a Kuama Peuh,

June kha 25, 2011 ni sunnung nai 1:00-4:00pm sung GZA Central Committee Member a om thei teng (Dr. Pau Khan En, Dr. Gin Khan Khual, Dr. Do Suan Mung leh Dr. Chin Do Kham) in Committee 15 sung aa mapang ding aa a kiseh sungpan Yangon khuasung aa om thei teng tawh kimuh khopna nei uh hi. Tua sung ah mimal 28 hong kihel thei uh aa, Central Committee member 4 te tungpan Global Zomi Alliance ii ngimna leh tupna te a tom in genna a neih khit uh ciang in, local committee member te tungpan in zong ngaihsut dan pulak na nei uh hi. Holim na hun man ciang in innteek ahi Dr. Do Suan Mung te sang Faith Baptist Theological Seminary pan in an leh tui hong
vak uh hi.
---

Zomi Innkuan UK (United Kingom)
tawh, Dr. Gin Khan Kual
June 12, 2011, London

Amasa phot in ah; i lamet a ong kihih te zong, i lungdam mahmah pen. Ka lameet het loh pih in a,UK Zomi Innkuanin, vaitutna, muakna, annkuang umpihna te hihbang a,hun zahtak huai tak a, nongkhual kenkan uh, lamen ngam het lo ka hih man in, ka lungdam na, lian mahmah hi cih, UK Zomi innkuan miml teng khem peuh leh, tuni a ong pai the, member noteng khempeuh tung ahi zongh in, nasep sil bawl kong zing kigam la te, tuam tam hang te tahw, ong pai thei lo it it; lawm le gual i sanggam, a omlo te tung ah hi ta leh, na vekpi tung uah lungdamna lianpi ong ko nuam masa ing. Lungdam bek hi lo inah, zongh angtang mahmah ing. Ih Zomi na itna leh, Ih Pasian na it man un, kei zongh ong it leh ong zathtak kha hi u teh, ci in, pasian tung ah kalung dam. I Pianna i Zomi Minam zongh, pahtawi nuam ing. Tua ahih man in, kei hih lai munah Pahtawina ngah ka ka hih man in Ong piang sak pasian in, min thang na ngah hen la. Ih Zomi leh... hih ih gen ding Zomi kipawlna in tu leh a tawntungin thupha ngah ta hen.

...2010 Nov. 25-28 ih Tedim Khuapi ah, Cope Jubilee kum 100 cinna pawi bawl hangh a; Tua pawipi ah, Cope Jubilee bawlna ding a Vahawm pi,Central Committee a kici te'n lai ong pia in ah; Pawlpi tuamtuam pan a Biakna Makai tuamtuam te leh, Leitung Makai a hi thei zahzah, Nov 27, Saturday ni in ah, Tedim EBC BiakInnpi ah, ki kaihawm ngiat, Nitak nai khat pan nai nih dong- "I mailam, Ih Minam Kalsuan Dan ding Vaihawm Ni" cih lai, CCJ i cih, Cope Centenary Jubilee Celebration Secretary pa' i minthuh tawh ong ki pia in, kei zongh ka lungdam in a,...???

Atua ma' in ka zakna ah, Pawlkhat in bel,
"Ko, Central Committe in, Hih Ciang ka hihtheih tawp uh hi in, Tu- a ban, mailam Ih Minam, kua'n ong khu, Ong lem ding a, Kua'n ong Makaih ding hiam? cih, Ko aban hihzo nawnlo dingka hih uh ciang in, Minam Makai ding, li le nga tel ding hi hang"
cih pen, kam tawh za ing.

Ka Kipat taktak ding uh pen, Nai khat hi na pi in, ka kipat taktak uh teh 1:40 pm kahwng sat in; ai' zongin, nuam kisa lua mahmaha hih manin ah; Ka nawh hih mahmah uh hi na pi in, ka man uh ciangin ah, nai 5:47 sat ta in nitak kikhop leh annek ding bek a cian lai hi ta in, Nuamsa pha mahmah ung in - Tua laini sung bang ki 'kikhopna' uh a tom in kong gen ding hi.

Tua sanh tak ah: Biakna Pawl tuamtuam pan in, AG, UPC, SDA, Catholic, Tuiphum, EBC adg. cih bang, Ih Zogam sung a om, Christian Biakna tuamtuam pana, Makai Bul teng leh, Biakna Lampan Makai a hih lo hangin ah, Leitung thu ah makai nga le gukh, a kigawmin ah mi sawmguk leh nih (62) - Meeting Ong makaih pen, CCJ Secretary Reverand Thang Do Khup le, LZI President Sia DoKham (Dr. Do Kham)in ah ong makih in, anih un chairman (khuttawh lak) ong ki hici laih/khelh zel in ah, ong makaih to uh. Tua sanh tak ah: "AGENDA" omlo hiphot ai ve; 'mailam i Zomi kalsuan danding kikum ding' hi pong ai ve -

Thugen ding a kiseh peuhpeuhin, amau' vei tekong gen in, zaknop ngeiingaii zuzen, atom in ong gen leng, Bishop Felex Lian Khen kigen sak masa in: Amah ong ki limgin lua peuhmah in - Ih gam ih lei aveina, adiakdiak in ah "Ecology and Environment" cih, singkung lopa koici kep ding cihte a kipan; lokhawh singpuak, te koicing bang, Eimi Nam te pen, a citak, a kuhkal, aki-it, aki thutuak te hi a, "Tun bang ci mawk ih hiam?" cih thu limtak in ong gen; tua khit tak tak teh -


Tua khit tak teh, Dr. Enno Kigen sak in ah: Gamsung gampua ka zin kawikawina, ka phaakna tantan ah ih Minamte ka et ciangin; Ih Gamsung I Minamte' lakah, Mangpau in "Leadership Crisis" ci in ah Makai kitaangsapna, a lianmahmah na khat ahihna; anihna ah, "Identity Crisis" ci in Mangpau in, Ih Minam min, Zomi maw Chin, tua tegel kitukalh na... gawm khawm ni cih ong gen in; tua ciang in ah a gamla pan pan ni ci in -

America gamlapi pan in ah, Sia Zam King Mang gensak in: Hih Cope Jubilee ah ong pai ding a i sap; Mansalay ciangong tung khinsa, Nelson Toupa' tanu te bangh, phalna ngah lo in, Zogam ong kah thei lo uh hi. Tuan a kileh kiik ding hi tanghial a, Hih bang hun te ah; Kumpi tung ah, a gen ding, a kon ding cih pen, Makai kiguangin ah vaihawm ding; cih bang atuamtuam in ah ong gen hi.

Tua khit tak ciangin ah, tuamtuam kigen tek. Gtn. EBC Sia Nang Lian Kap in ah; 'guai aw, Zomi kisuktuah cih pen, kum za (100) a khat vei kituah a; Minam bupa kituah a; Sim leh Maal, a Inndia lam na ngawn, Manipur, Tonsim Mizogam pan na ngawn leh, i sanggam te America pan cih khawng, England pan cih khawng, Singapore pan, cih bang; Zankong, Mandalay Khamh leh Zaang pan kituah ngeiingaii pen - nuam lua mahmah in, i lungbang ong leng sakin; 'Kumnga (5) hal ta in kimuhna khat nei ni in; 2015 ciang khat vei, 2020 ciang khat vei, cih dan, kimu zelzel leng hoih ding hive aw cih, a lunggulhna ong gen -

Tua khit tak ciangin ah, ki kuam laak in ah: Lamka lam pana, CPA te' i' Exegetive Secreatary pa, Reverand Dr. En Za Sian ki gensak in; Dr. En Za Sian in bel, ong genna ah: 'Ken, tu, a Sian Nang Lian kap ong gen pen, thukim mahmah ingh. Ih kimuh zelzel ding thupi, cih khawng, atuamtuam amau' vei Lai e, bangh khawng gen -

Tua khit tak ciangin ah, Tonsim lam pan a ong pai, Sia Dal Sian Pau (Ih Zopau tawh kisai a, Doctorate a man dektak) in,i vei tek ki gen hi ding hi ve hangh, aman, "Ei Zomi te in, R a zangh lo te, Ja zangh lo te, F khawng a zangh lo te ci bang, i aw suah bang a, Lai i kep kei leh, mangthangh ding hi" cih pen, Language lam amipil te' gen hi cih, "lai le Pau" lam ong gen in; Tua teh, Tonsim pan Sia Suan Khan Thang in ah, lai lam ahong gen, laigelh ah: 'kibatsakna khat', "Uniformity" khat i neih kul ding hi: cih; gtn in, Zeisu Khazih i' min, Jesu khaziah cizel, Zeisu Khrih cizel, cih bang dan te ong gen uhhi. Tua te; Sia Ngul Za Thawng ki gensak in; Aman, 'guai aw, bang le bang leh; kum za cin ah kimu ding cih pen, kumza khat veia cin kiik teh ei teng om nawn lo telltell ding ih teh, kimuh kiik ding avai hawm nga(5) hiam, a tampenpen sawm (10) hiam, sagih (7) khawng hi lel in um ing; atam penpen sawm ciang a pha, Comittee khat phuan ni in; Tuan te'n ah, kimuh khop ding ong vai hawm le cuh, ci ngeungau kei mawk in; lung bang ong zuang phial mawk- cih bang dan. Tua tak ciang in ah CCJ a Centraol Committe Chairman a sem ahi, Lawibual hausapa Pa Hang Khan Khai ki gensak in ah: Zomi te in, Zaang ah om ta lengh, Kham ah om ta leng, Chin State ateng lah Zomi; hua Kawlgam lam a teng lah Zomi hi a; 'I omna peuh Zomi te ki thutuak thei leng, Zomite I ki thutuah thei lohna pen, No Pastor te haang zongh hi simsim in, Pastor te ong ki thutuak le uh cin, ko mipi zongh ong ki thutuak nung'
ci, zongh ong to kawmkawm maw! hi in ah - ka gen nopna ah, 'shuhdawngh' tuam tuam pan ki gen in; America pan a, Sia CiCin cih khawng, ki gen sak kawikawi inah; Lungdam huai le thangah huai peumah hi.


Tua ciang in, Kei zongh tawm genin ah: Khantohna ding/Kipawlkhopna ding kisam a hih man in, "kipawlna khat" phuan ni ci in a; Kei i' ka thusun; gtn.
Zomi National Christian Front From Churches cih bang; Zomi Christian Fellowship cih bang; aih kei leh Zomi Christian Union cih bang khat; Tua tak ciang in ah - Khalkha, Falam te'n zongh amau aa puah masa lo in ah Tedim ong puah masa khol ken teh! America a te le Germany a teng te'n zongh Zogam ong puahma sa khol ken teh! Ei Zomi te mah in, Ih Tedim Khuapi a pat, i Khuata pen dong in ah i puah kul ding hi. Sum le paai ngah theih ngah mawh na poan hanciam mah ni in, ci in; hunzatna ah ka gen ahi. PEPSI tawh gen teh ing: P-please, E-every, P-penny, S-save, I-Israel: Pepsi Company nei pa in: "Pepsi thawl khat ka khot simin, piakhat tang ka Israel gam aadingin khol ning" cih ngaihsutna, khentatna tawh a ki piak tak ciangin, Pasian in zongh thupha pia hi cih;

"Ei zongh, Zomi gamdang atung, Khanglui te' cih leh, 'tutawi heitawi thei', sum thalawh teng pen, tul thum leh tul nga kikal pha ta ding hi hangh. America, Australia, New Zealand, England, Germany, Norway, Denmark, Sweden, Japan, Singppore, Malaysia, leh Gam tuamtuam teng in; Pianna Zogam Zo leitangh puahna ding leh, Ei' nuntak na a sukha lawmlawm lo, nikhat dollar khat ta bangh khol kiukiau zo le hangh
; mi tul 3 in nikhat in dollar tul 3 ta ki khol mawk leh; ni sawm teh Dollar tul sawm thum; ni sawmthum(kha khat) dollar tul sawm kua; kha 12 a i ngah ding pen
dollar (12x90000)=1080000#, a tom in, a million khat val teng pen, administration expense in zangh in, a million khat pen, Ih Zogam puahna dingin zangh mawk leng...!!! I GAMM KI PUAH ZO DING HI.

Tua leh, hun ong sawt in, hun ong sawt pian mawk in, a tawptawp na ah khua ong zing petmah ding ahih ciang, hunte hial bawl ni ci in; bang le bang leh, 'makai tawm ahi lo, i mitkha, i lungsim sunga, "hih teng bel, i gam i lei in ah, makai a i ngaak hi ngeel veh aw, i cih, 3maw, 5maw, 7maw, 10maw, 11maw, telkhia ni in, tua teng in ah a ban sepding bawl ding, kipawlna phuat ding, bangding vai khat peuhpeuh, ong vai hawm hen' cih; Mipi teng pia. Ki lungkim. Tua leh, ami' teel dii' ci in...a tawp na ah:
1. Dr. Simon Pau Khan En (President), hi hen la,
2. Catholic Bishop Pipa, Bishop Felix Lian Khen Thang (Vice President) hi hen la,
3. Sia Do Kham zongh hi hen la,
4. Sia Do Suan Mung zongh,
5. Sia Khual zongh hi hen, ci in: Ko Mihing Nga teng;
Mang te pau leh, 'unanimous' ki thukalhna om hetlo, Mipi tua lai tak a a om teng in; ki thutuahna tawh, lungkim kipark leh, Ko ka ...muang tak in..., ong tel uh ah, ong kipsak uh a; tua hi zaw leh, cih zongh omnawn lo in ah ong kipsak uh suak.

Tua leh, hih mihing 5 teng pen, Panmun i seh dia? bang leh bang le amau le amau na ki seh hen a cih tawh, omg ngeeingaai in, tua bang teng tawh, Sia Gin Khan Khual zongh ding to in ah, "guai aw, bang le bang leh, cik a?, koih ah? kimu masa pen ding i hiam cih na ngawn! Khang lui ten, 'phulum phul na'ng leikha in petlet', acih mah bangin, athu phuang ding khat kisam hang in", cin in... Tua in Chairman hi ven, tua in secretary hi hen, cih lah kua'mah in gen thei pak lo in, "hoih na sak uh leh, ong seh ning in ka cih leh", ki thukim pahh in, 'Na ngai un la leh, Ken ong sehsuk ning in, hoih na sak vua leh, kip sak; hoih na sak kei uha leh, tua ci zaw hen!, ong ci vou"

1. Dr. Enno mah, nu a pa a i ngak tang tangh pen hin (President ci ni,
2. Bishop Felix Lian Khen Thang (Vice President) hi sak ni,
3. Dr. DoKham pen, nasep silbawl lah kizen, lawmle gual kizopna ah, ah (Secreatary) ci ni,
4. Sia Mung(Dr.Do Suan Mung)ahu, (Assistant Secretary) ci ni ah
5. Kei a Member ong hi ning, ka cih leh, Ey, hi mah ei, hi mah ei, ci tua tawh tawpna thu ki ngen in, tua tawh ki man!

Nipi ni Sun in, Hih makai pi teng (a om teng)
leh, amau a tel teng, anung thuap ah ki gual sak in a,
anung ah, Biakna tuamtuam pan hunbit pastor a omkhem peuh kigual sakin,
a nung thuap ah, mipi tual tampi ding phingpheng in, thunget sak in ki apna nei a, "Lungkim hang, Lungdam hangh, Thungetsak ni" a ci khempeuh ong ding to in, Reverand Dr. Dam Suan Mung' thungetna tawh, Pasian kiang ah, Hih Makai Thak teng Apna nei hi. (ie. Dr. Enno, Dr. DoKham)

Amasa penpen in, Yangon ah: Bishhop LianKhen om thei kei in, Dr. Enno in ong vai hawm in, Dr. Enno tawh, Dr. Do Suan Mung tawh, Sia Kai Khan Khual tawh; Tedim pan a ciahsuk, Yangon ka tunuh ciang in, 'Bandar Sardaw Set' ah; " cik ciang, koi ah, meeting nei ding i hiam ci in; Tua pen, agah khia muhcil na, Singapore ah April 26- 30 dong, ULiaLian Pa Hang Khan Lian te' inn ah, zintungin in, an hoih takong vaak in ah; tua pan in ah, Trinity Theological College, Laisingtho Sangpi ah; Singpore a om Zomite ong inntek in ah, nuamtak in meetingnei in, nithum le sunlang kikum in ah; zo thei hi ung. Pasian ong thukim pih in, ong hehpihna lianpi tak hi.

Tua kikupna thusuah ah
@ Ih Minam min pen; bang le bang leh, "Chin i cih pen, Mi' ong piak hi mawk a, I Pu i Pa i theihna leh, ei' theih tawp i zon tak ciangin,ZOMI mah hi mawk aih tak teh, "Zomi" mah kici den tawntung ni" cih; identity crisis vai, lungsim a sian na ding, cih;
@ Kipawlna khat bawl ni, ci in, amin dingin, na zaksa uh, "Leitungbup Zomi Kipawlna" cih ki phuan henla, Tua pen, 'Global Zomi Alliance' ci in, Kawlpau in, Dr. Enno in a gen cing (ka bah zo mi ta ha yah = Kabah' Zomi Tahayah) ci ni, aih hang, ngaihsun laini cih; ki phuankhia hi.

Tupna leh Ngimna pen; Namnih phasak lian in ah:
1. Ki Pumkhat, ki ThuKhual, ki Thutuah na ding thukhualna ding "UNITY"
2. Khantohna ding "DEVELOPMENT" , 'Ki pumkhatna ding leh khantohna ding, thunih hi ziau.

Tua, i tupna, ki pumkhatna ding leh khantohna ding cih, i tangtun theih nadingin, 'Eiteng pen, a siampen, a pilpente hi lo hangh a, Ih gamsung a, apil asiam te, a pilna a siamna zat sak ni'. Ih gam i nam a puah ding in ' apilte' pilna, asiamte' siamna, ahaute' hauhna, aneite' neihna zangh leh'ng'; cih ngimna tawh, committee sawm leh nga(15) ki phuan in -

Tua 15 lak ah:
1@ pan 4na dong pen "ki pumkhatna tawh kisai" a (asem khia ding) committee hi. Gentehna in ah, kum 5 a khat vei kimuhkhop ding, a vaihawm ding leh, Pawlpi huhau in, ahi zongh in, thu tuamtuam la tuamtuam hangin ah; minam sung ah, ki telkhialhna a om leh, a lemh ding, a gawm ding, a vaan ding committee khat cihbang dan;

2 @ I pau I ham, Sim ah i om a, Maal ah i om a, India gam, Kawl gam, Tuipi galkhat ah ih om zongh in ah, "I (Laipai)Laigelh kibangh henla, I Pau(Kam) ki tel leng, Namkhat hihna om ding ahih tak teh..." cihna tawh "Zomi Language Committee" cih bang kiphuan in; tua khit tak teh -

3@ Koi lai koi gam koi mun ah I om zonghin, 'I tangthu, I tuanthu, i gui i zaam a kibangh hi mawk aih ciang; "I tangthu a kan ding tawh, I Ngeina keptuak teng kep ding, theih tuak teng theih dingin a kanding tawh; Tua ciangin ah, I lai mahmah zongh koici kepding cih, "History", "Culture", leh "Literature" - Committee' cih bang dan in kiguangin; tua khit tak teh -

4@ Thu le la i kizakna, nop leh dah ahi zongh in, isep i bawl a hi zongh in, Leitungbup Zomite'n a ol thei leh, a hoih thei pen a thu i kizak theih nading in "Media and Communication Committee" Thukizakna ding commiittee cih -
hih teng pen, "UNITY" nuai ah koih in ah; tua khit ciangin, a cianlai 9 teng pen;

...-DEVELOPMENT nuai ah koih in; Genteh na in,
Community Development - Khuata Khuapi bangci khantoh sak ding;
Agriculture and Livelihood Committee - site pyuu yii leh mwe myu yii;
Public Health Care Committee - Tangpi tangta cidamna
Music Committe;
Sport Committee;
Women Committee;
Education Committe;
Pulic Relation Committe;
cih api in , Department 7 ki koih in; Hih DEPARMENT 7 teng leh UNITY I nuai a 4 teng hohtak a, a sep a bawl theih na dingin - sum le paai kisam pelmawh ding ahih manin ah -

# FUNDRAISING COMMITTEE; sum zong ding committee - cih ki gel in ah;
# TREASURY TEAM; Sum kem dimg committee - Sumkem pii, Zankong ah koih ni in, Gamdang tuamtuam Zomite' lomkhawlna khempeuh ah sumkem ding a group akoih ni;

@UNITI DEPARTMENT ah committe 4
@Sumzong ding department ah 2
@DEVELOPMENTG DEPARTMENT ah committee a cianlai teng (9) avek in kigawm 15 hi.

...tulaitak in, tua Committee Conveynor te' kiangh ah, nong sang zo tam ci in, Secretary pa in, Ko teng' taang in ah, Mimal a, a na gen lai tak hi! Ong sang zo mah nung, a cih leh, Committe Member te a banban in ki thuum ding a, tua tak teh, Ki kipsak ding a, mikhempeuh zakding in, Leitungbup ah ong ki tangko ding hi.

-CONCLUSION-
HIH, mihing nga le gukh a kitel teng' ii dinmun ding leuleu pen; tua Department sung a nasep te; 'ko-dai' hih zo khin lo ding a hih man in; i theihna, i siamna, i neihna leh, a nei lo te na ngawnin 'mu khat pe khat' i minam bup ah gawm khawm in, nasem khawm ding hangh a - hih mihing 5 teng a hih leh, 'prophetic roles' ci in, KamSang Dimmun la ding in; "Pasian leh ih mi te' kikal; Pasian leh I Gam Makai Gamthuvai makai te' kikal; Pasian leh Numei Naupang, Meigong, Tagah, Daipaam te' kikal ah Ding ni" ;

@ gentehna in: Politcal vai tawh kisai ahih leh cikmah in ah Candidate a meekuang lui ngeilo ding; a lui a om phial leh hih Dimnun pan in tuakhia dingin ah, apua pan a, suakta tak a lui ding,

@ Mi, meekuang alui, I MPP 'hlut daw ku sa hlel' te in, Pasian deihna tahw kituaklo in, thu le la ong geel, ong hawm, ong makaih uh a leh, "Topa in Tua ci Hi" ci in, Laisiangtho Bulphuh in, 'Kamsang Dinmun' la a, Hih NGA teng in - gending te gen ngam; taai ding te' taai ngam ding,

@ Political Party zongh, Khat hoih a sak phial leh zongh, mimal a POPNA (mee) piak lel ding a; Hih Central Committe NGA teng in, Party khat, tang gup tuamk, thapia tuam cih bang nei lo ding in, banghbangh party tuamtuam te ahoih te hoih uh cei, lungdam hang ei ci ding; ahoih lo a om leh, kuakua kuakua a hi zongh in ah, Mikang pau a, Kamsang te' kammal pen; 'thus saith the Lord' kici se in; Topa in tua ci hi 'kumpi pa aw, tua ci in, tua ci ken!', cih dan 'U lian pa aw tua ci in, tua ci ken!', ci ding lo in, 'Tanglai-Kamsang' din mun bangin , dinmun la ding, Mipi leh Pasian kikal ah a ding, (kizangh) ding a; I vekpi in i ziatlam khut i veilam khut kilen in, Noteng (Eiteng) khem peuh in, septheih bangin, 'IH MINAM AADING' in semkhawm ding hi hangh; cih
Makai pi NGA te' tang hi ta leh, Kei' mimal inhi ta leh, UK Zomi Innkuan te' kiang ah, Kupna leh, Cialna ong nei ing.

Pasianin I Minam Thupha ong pia henla, Khazih Zeisu' Min tawh I Minam Ading in, Pang Khawm Ni, cih ong awn phapha nuam ing. Lungdam [by- Gin Khan Khual]

excerpt from Gin Khan Khual's presentation here below link; ->: ((...http://www.youtube.com/watch?v=Plo_K8VfAhQ )))))
--------------------------------

GZA Standing and Personnels

fromChin Kham cdokham@gmail.com via yahoogroups.com
reply-tozomi@yahoogroups.com

tozomi@yahoogroups.com,
tongsan@googlegroups.com

dateSun, Aug 7, 2011 at 11:46 PM
subject[ZONET] Global Zomi Alliance (GZA) Committee 15 Member List Taangkona #1

Leitungbup aa Om Zomi Khempeuh,

ih biak Pasian in zomi te hong ompih in thupha hongpia aa, khantohna lam a manawh minam khat ih hihi. Ih khantohna dungzui in, muntuam gamtuam ah ih om ta uh hi. Mailam ah Zomi khangsawnte in ih biak Pasian mangngilh lo, ih ngeina leh pauleh hamte mangngilhlo bek thamlo in, Zomite ki it semsem ki pumkhat semsem aa a bucing khantohna ih neih nading lunggulhna tawh Tedim khuapi aa a kibawl Cope Centennial Jubilee Celebration (November 2010) pawipi sungin makai a hithei zah ki mukhawm in, Zomite hong makaih dingin makai 5 hong kiseh hi. Tua makai mi 5 teng Singapore ah April 27-29, 2011 sung kimuh khopna nei uh aa, ih kipawlna minding in Global Zomi Alliance hong phuak uh hi. Tua sungah, Rev. Dr. JM Ngul Khan Pau leh Evangelical Baptist Convention (EBC) India pan General Secretary zong a post zui (by designation) in Central Committee aa hong kihel dingin kizawn hi. Rev. JM Ngul Khan Pau in hong sang khin aa, EBC-India General Secretary kiangpan sanna om nailo a hih man in, GZA Central Committee ah mi 6 ki om hi. Tuni aa kipan makai 5 te cinawn lo in Central Committee member 6 a hih bangmah in makai 6 te ih cihtel ding hong theisak ing.

Central Committee te hong ki kum toto uh aa, Standing Committee 15 sungah member dingin hih a nuai aa mimal teng Committee tuamtuam ah mapang ding in, muanna leh lametna lianpi tawh kong seh uh hi. Zomi sungah minam it leh a muanhuai tampi ki omta aa lungdam huai mahmah hi. Hih hong kisehsa te banah guanbeh huai mimal tuamtuamte zong a hunzui in, Standing Committee tuamtuamte leh Central Committee te thukim natawh ki behlap toto thei hi. Hih kong suahsakna sung ah, min gelhdan a man/dik lo, omna khua min a man/dik lo cihte a om leh hehpih natawh nong theihsak kik nading un hong cial ing.

Zomite sungah kipumkhatna a khan semsem nading leh a bucing khantohna ih neih nading in, Central Committee bek ii sep zawhding hilo aa, a ma pangpi dingin, hih a nuai aa committee tuamtuam leh member teng hong kiseh a hihi. Ih ngimna te ih tangtun nading in ih biak Pasian ompih naleh mipi khempeuh ii mapan khopna ih kisam hi. Muanna tawh hong kiseh Committee 15 sung aa member mimal khempeuh in Zomite khantoh nading lunggulhna tawh nong san zawh ciat dinguh hong lamen ung. A zenzen in vai haksat luatna hang khat pepeuh tawh, hong kisehna a sangzo hetlo ding na om vua leh a nunung pen September 15, 2011 in General Secretary tungah nong theihsak nading un kong zasak uh hi. Tuani ma aa thuzaksak na ah om kei aa leh, hong kisehna bangin hongsang hi ci in kana ciamteh ding uh hi.

Dotnop leh ngaihsutna piakna a nei nuamte in General Secretary e-mail a hi "gzageneralsecretary@gmail.com" ah lai nong khak nading un hong theisak ing. Mipi zak aa gelhding leh, Cenral Committee te tungbek aa na theihsak nop thu te hong khensiam ding in hong lam en ing. Laitaizum (post office) pan aa hong zom nuamte in hih mailing address (Global Zomi Alliance, P.O.Box. 702133, Tulsa, OK 74170-2133, USA) ah nong zop na ding un hong zasak ing. Ih ngimna te Topan hong tangtung sak henla, Zomi te ih omna ciat ah cidamna, ki itna, ki pumkhatna leh daupai na hong pia ciat tahen.

Tuni ciang aa a kiseh Commiittee 15 Sung a member te hih a nuai aa bang a hihi...
-------------------------------

GLOBAL ZOMI ALLIANCE
Central Committee pan Committee Tuamtuamte Taangkona
August 7, 2011


I. Kipawlna Min:
Hih kipawlna min in “Global Zomi Alliance” kici ding hi.

II. Kipawlna Huam:
Hih kipawlna in leitungbup a om Zomi khempeuh a huam ahi hi.

III. Minam Min:
Tangtawng a kipan i pu i pate “Zomi” ci-in na kilo uh ahih manin, i minam min pen “Zomi” mah kiciden ding hi.

IV. Vision (Ngimna):
Hih kipawlna in Pasian bulphuhin Leitungbup Zomite kipumkhat a, a bucing khantoh nading ngimna tawh kipawlna ahi hi.

V. Our Role (Panmun Lakna):
Hih kipawlna ii ngimna ahi kipumkhatna le a bucing khantohna a tangtun theih nadingin kipawlna makaite in Pasian thu siksanin a kisapna zui-in hangsan takin mipite lamlak ding hi. Hih kipawlna in hong uk kumpite tawh kizopna hoih nei-a, apiantheihnate ah gam leh minam aa dingin sepkhop ding lunggulhna nei hi.

VI. Sepkhiatzia ding
Central Committee member-te le Standing Committee tuamtuam aa memberte in kum 5 (2011-2016) sung sem ding uh aa, tua hun sungin Central Committee in mailam kivaipuak zia ding le kalsuan zia ding (Constitution and by-law) hong gelh ding uh hi.

Central Committee

Rev. Simon Pau Khan En, Ph.D.
President
Bishop Felix Lian Khen Thang, J.C.D.
Vice President
Rev. Chin Do Kham, D.Min., Ph.D.
General Secretary
Rev. Do Suan Mung, D.D.
Assistant Secretary
Rev. Gin Khan Khual, Ph.D.
Member
Rev. JM Ngul Khan Pau, D.Miss.
Member
------------------------------------------


Global Zomi Alliance ii ngimna bulpi ahi, Pasian bulphuhin Leitungbup Zomite kipumkhat a, a bucing khantoh nading ngimna a tangtun nadingin kivaipuakzia ding Unity le Development ci-in nampi nih in kikhen hi. Standing Committee 15 kinei a, committee member dingin hih a nuaia bang in kiseh hi. Committee tuamtuamte in Central Committee thukimna tawh a kisam bangin member behlap toto thei ding uh hi.

A. UNITY: Hih Section (A) nuaia vaiteng pen leitungbup huamin kivaihawm khawm ding hi.

Unity & Fellowship Committee
(Ex. Officio: Dr. Pau Khan En & Dr. JM Ngul Khan Pau)
Ngimna: “Zomite hong kikhenkhamsak thei thu khempeuh bei-in kipumkhat theih nadingin a hunhun a kimuhkhopna le kilawmtakna neih theih nading”
1). Rev. Smith Ngulh Za Thawng (Yangon) – Convener
2). Rev. En Khan Hau (Kalay)
3). Rev. Dr. Dam Suan Mung (Yangon)
4). Rev. Ngin Khan Dong (Tedim)
5). Rev. Thawng Cin Khan Taithul (USA)
6). Father Martin Suan Khan Mung (Kalay)
7). Rev. Dr. En Za Sian (Lamka)
8). Rev. Suan Khan Thang (Champhai)
9). Rev. Neng Za Khup (Shillong)
10). Pau Lun Min Thang (Yangon)
11). Rev. Dr. Luai Chin Thang (Lamka)
12). Bo Pau Khan Lal (Tedim)
13). Rev. Dr. Khai Khan Suan (Tedim)
14). Father Andrew Go Lian (Tedim)

History, Culture & Literature Committee
(Ex. Officio: Dr. Pau Khan En)
Ngimna: “Zomite tangthu, ngeina, late le laite kanbehin, puahin, zunin kepcing nading”
1). Rev. Ngul Cin Thang (Yangon)– Convener
2). Tual Cin Neihsial (India)
3). Rev. Dr. G.K.Nang (India)
4). Zam Dong (Ph.D cand.) Yangon
6). Vial Khan Mang (Yangon)
7). Rev. Dr. Kham Khan Khai (USA)
8). Rev. Dr. Jacob Mung (Yangon)
9). ZCLS GS by designation) – Kalay
10). ZOLUS GS by designation (Yangon)
11). Rev. Dr. Cin Sian Pau (Malaysia)
12). Rev. Dr. Go Za Kham (Yangon)
13). Thang Khan Dal (Tonzang)
14). Rev. Job Nang Khaw Thawng (Kalay)
15). Rev. Dr. Gin En Cin (Yangon)

Zomi Linguistic Committee
(Ex. Officio: Dr. Gin Khan Khual)
Ngimna: “Zomite pau le ham, lai gelhdan (spelling, grammar, etc.) kanbehin a kisam bangin puah a, Zomi khempeuh in zatkim theih dingin vaihawm khia ding”
1). Rev. Khoi Lam Thang (Yangon) – Convener
2). Dal Sian Pau, (Ph.D. cand.)- Lamka
3). Lia Zam Ngaih Cing (Ph.D. cand.) - Delhi
4). Lia Nem Ngaih Lian (M.Phil. cand.) - India
5). Pau Lian Mang (Yangon)

Public Relations Committee
(Ex. Officio: Dr. Simon Pau Khan En)
Ngim Na: “Zomi bup tangin kumpi lam le kipawlna tuamtuam tawh kizom a, Global Zomi Alliance makaipite lamlahna zui-in a kisam bang vaihawm ding”
1). Gin Khan Pau (Kalay) Convener
2). Hang Lian Khup (Kalay)
3). Vum Za Nang (Kalay)
4). Gin Khen Thang (Tedim)
5). Ngo Cin Thawng (USA)
6). Hang Khan Lian (Singapore)
7). Dr. Pum Za Thang Tombing (India)
8). Hang Za Thawn (Yangon)
9). Nang Thawn Tuang (Australia)
10). Go Sawm Khup (USA)
11). Rev. Kham Za Nang (USA)
12). Rev. Nang Lian Kap (Tedim)
13). Rev. Suan Za Pau (Yangon)
14). Hang Khan Khai (Tedim)
15). Dai Cin Pau (Kalay)

B. DEVELOPMENT: Hih Section (B) nuaia teng pen a mun a gam (e.g. Kawlgam, India) zui-in kivaihawm ding hi.

Education Committee
(Ex. Officio: Dr. Do Suan Mung & Dr. Gin Khan Khual)
Ngimna: “Zomite pilna sinna ah a ciangciang le a dawldawl pan leitung tawh liangko kikim aa khantoh theih nadingin khungkholin sem ding”

1. Professor Dr. C. Thang Za Tuan (Yangon)- Convener
2. Dr. Nang Suan Kham (Bhamo)
3. Dr. Hau Za Cin (Singapore)
4. Dr. Cing Pum Nem (Tedim)
5. Dr. Lian Za Khup (Mandalay)
6. Rev. Dr. Chin Khua Khai (USA)
7. Rev. Dr. Thuam Khan Thang (Tedim)
8. Kung Za Mung (Kalay)
9. Kawlgambup Siamsin kipawlna aa pawl lutang (by designation)
10. Rev. Khen Tombing (Lamka)
11. Dr. H. Kham Khan Suan (Hindu University, India)
12. Dr. Thuam Cin Khai (USA)
13. Prof. Kam Za Mung (Kalay University)


Ecology & Environment Concern Committee
(Ex. Officio: Bishop Filex Lian Khen Thang)
Ngimna: “Pasian hong piak Zogam, Zolei le Zomite omna khempeuh ah Pasian bawlsa singkung lopa, huih le tuite a kipan nuntakna nei khempeuh a manthat loh nadingin kemcingin, puahin zun ding”
1. Rev. Dr. Do Sian Thang (Mualbem)- Convener
2. Rev. Eloi Thawng Khan Khai (Tahan)
3. Hang Cin Hau (Tedim)
4. Rev. Dr. Mang Do Thang (Yangon)
5. Khup Khan Thang (USA)
6. Dr. Neng Ngaih Lian (Guwahati)
7. Dr. Lam Khan Piang (Delhi University)
8. Langh Suan Thawn (Kalay)
9. Dr. Suan Za Dong (Australia)


Public Healthcare Committee
(Ex. Officio: Dr. Chin Do Kham)
Ngim Na: “Zomi tangpi tangta dam nadingin sianthona a kipan kikep kidon dante hilhin, a kisapna zui-in zatui-zaha tawh kibawl nading le a munmun ah zato a dawldawl a neih zawh nading”
1. Dr. Thang Deih Piang (Tedim) - Convener (thang hi lo Gin Deih Piang hi zaw)
2. Dr. Thang Khan Piang Hatzaw (Lamka)
3. Dr. Zam Go Niang (Kalay)
4. Dr. Thang Lian Kap (Kalay)
5. Dr. Pau Sian Lian (Haka)
6. Dr. Pum Hau Mang (Tedim)
7. Dr. Nang Kap Thang (Yangon)
8. Dr. Thuam Khan Suan (Kalay)
9. Dr. Cing Hau Ciin (UK)


Agriculture and Livelihood Committee
(Ex. Officio: Bishop Felix Lian Khen Thang)
Ngimna: “Zomi bup in ankhing kham a (sustainable life) a kidim nuntakna neizawh nadingin lokhawh singpuak le khawi le vulh ah hunthak sepzia le vanzatte zangin nuntak khuasak zawh nading”
1. Rev. Tuang Khan Kap (Kalay)-Convener
2. Lucas Cin That Kham (Yangon)
3. Dr. Leo Mang Cin Hau (Mandalay)
4. Pau Suan Khai (Kalay)
5. Steven Cin Za Khai (Yangon)
6. Mr. Thangzamuan Hauzel (Mumbai)
10. Dr. Judith Lun Niang (Australia)


Media & Communication Committee
(Ex. Officio: Dr. Chin Do Kham)
Ngimna: “Khangthak hun a kizang thukizakna le kizop kipehnate Zomibup phat tuampih dingin zang a leitung mun tuamtuam a om Zomite thu le la kizakimciat a mapan khop theih nading”
1. Michael Suan Lian Pau (Kalay)- Convener
2. Disciple Kap Sian-(Malaysia)
3. Tual Khan Suan-USA (Zonet)
4. Thang Sian Kham-Norway (Tongsaan)
5. Dr. Do Khan Khup-(USA)
6. Khup Khawm Mung- (Singapore)
7. Carey Pum Khan Tuang (Delhi)
8. Chinsum Naulak (Delhi)
9. ZYA-General Secretary -by designation (Kalay)


Community Development Committee

(Ex. Officio: Bishop Filex Lian Khan Thang & Dr. JM Ngul Khan Pau)
Ngimna: “Mimal khantohna pan khua le tui le minam bup a bucing a khahtoh nading”
1. Joseph Hang Khan Pau (Kalay)- Convener
2. Cin Khan Lian (Yangon)
3. Mang Khan Sum (Yangon)
4. Suan Khan Mang (Tedim)
5. Piang Suan Mung (Kalay)
6. Rev. Zam King Mang (USA)
7. Kap Khen Pau (Yangon)
8. Pau Khan Thawn (Singapore)
9. Hau Za Khen (Lamka)
10. Suan Za Lian Gualnam (Delhi)


Women Committee
(Ex. Officio: Dr. Gin Khan Khual)
Ngimna: “Zomi numeite tawh kisai i muhzia le i ngeinate enpha in, a kisam bangin puahpha ding”
1. Dr. Man Hau Cing (Tahan)- Convener
2. Huai Man Cing (UK)
3. Hau Lam Vung (Tedim)
4. Dai Khawm Ciang (Kalay)
5. Kam Khant Dame (Yangon)
6. Man Hau Niang (Yangon)
7. Mercy Man Khan Niang (Malaysia)
8. Ngai Zen (USA)
+8. Elizabeth Hatzaw (Ph.D. cand.)–Aizawl


Youth Committee
(Ex. Officio: Dr. Chin Do Kham)
Ngimna: “Zomi khangnote mipil mipha suakin, mailam ah makai muanhuai tampi i neihzawh nadingin pantah ding”

1. Chin Suan Kap (Yangon) – Convener
2. Nung Sian Tuang (TYF-Tedim)
3. ZYA president -by designation (Kalay)
4. Rev. Go Van Mung (Yangon)
5. Thang Pil Mung (USA)
6. Kam Sian Lian (USA)
7. Thomas On Sian Mung (USA)
8. Cin Sian Dal (UK)
9. Paul Khai (Australia)
10.Nang Za Lian (Japan)
11.Khen Za Muan Thang (Denmark)
12. Thangzalun Khuptong (Delhi)
13. Dal Do Langh (Singapore)


Music Committee
(Ex. Officio: Dr. Do Suan Mung)
Ngimna: “Music lam ah Zomite khangto-in leitungbup tawh tanbang a, a kim zawh nading le tua music tungtawnin Zomi bupin Pasian le minam itna thuk zaw sang zaw a neih theih nading”
1. Rev. David Go Lian Suum (Yangon)- Convener
2. Rev. Tuan Khan Mung (Kalay)
3. Rev. Suan Khan Lian (Yangon)
4. Steven Gin Lal Mang (Yangon)
5. Zen Lian Thang (USA)
6. Thang Suan Mang (USA)
7. J.K.Kam (Norway)
8. Zogam Artists Association President - by designation (Lamka)
9. Rev. Zam Lian Kham (Mandalay)
10. Rev. Cin Kim Pau (Singapore)
11. Rev. Zogam Lalpu (Yangon)

Sports Committee
(Ex. Officio: Dr. Simon Pau Khan En & Dr. Do Suan Mung)
Ngimna: “Zomite kimawlna tungtawnin pumkhat suah nading le gambup le leitung dongah a kidawk zo Zomi kimawl siam tampi hong piankhiat theih nang pantah ding”
1. Do Khan Khup (OM-Yangon) - Convener
2. ZOFA President -by designation (Kalay)
3. Thang Suan Gin (USA)
4. Thang Sian Khup (Mandalay)
5. Rev. Dr. Dam Khua Nang (Yangon)
6. Zomi Innkuan USA Sport Secretary -by designation (USA)
7. UZO Sports director -by designation (USA)
8. N. Gin Sian Lian Pau (Delhi)
9. Lallawmpuia Ngaihte (Guwahati)
10. Kam Suan Lian (Kalay)


Finance Committee
(Ex Officio – Dr. Gin Khan Khual)
Ngimna: “Zogam le Zomite khantoh nadingin Global Zomi Alliance i nasep silbawlna a kisam sum le paite zon siam, kep siam, zek siam nading”

i). Fundraising Team
1. Rev. Dr. Go Chin Zam (Yangon) – Convener
2. Rev. Pau Khan Khai (Kalay)
3. Vung Suan Pau (Tedim)
4. Thang Do Hang (USA)
5. Suan Muan Thang (Australia)
6. Anthony Lian (Germany)
7. Thang Za Sing (Tedim)
8. Nang Deih Lian (Denmark)
9. Kam Thian Dal (Denmark)
10. Pau Khan Khup (Singapore)
11. Pau Khat Suan (Singapore)
12. Rev. Dr. Pum Suan Pau (Tedim)
13. Thang Sian Mung (Delhi)

ii). Treasury Team
1. Thang Khan Tuang (Yangon) Myanmar Treasurer (1)
2. Rev. Suak Za Go (Yangon) – Myanmar Treasurer (2)
3. Vung Lian Mang (USA) –Overseas Treasurer
4. Khamkhochinthang Khuptong (Guwahati) -India Treasurer

iii). Auditor
Neng Hau (Yangon)
Nang Do Dal (Yangon)





Dr. Chin Do Kham
General Secretary

GZA, Muhdan leh Kikupna a banban in zomto ni!

zomi@yahoogroups.com
cczomicenter@yahoogroups.com,
zozum@googlegroups.com,
zomi-owner@yahoogroups.com

dateThu, Aug 4, 2011 at 7:48 AM
subjectRe: [ZONET] GZA ka muhdan pulakna; GZA Central Committee & Yangon aa Om Standing Committee Member te Kimuh Khopna Om

from khupkhanthang@yahoo.com

Leitung mun tuamtuam aom Zomi khempeuh,
GZA, GS Dr. Chin Do Kham hong thu tangkona, kuamah-in, kuppihlo, kidawnglo, ki weephanlo (Comment or criticize) ciangin, Zomite kuamah lunglutlo (Interest lo) aitam maw? ahih keileh kipawlpih sawmlo maw ka na cici hi. Tulsa khua-ah Press Conference a ki bawl lai-in, Sia Do Suan Mungin, "Zomite adingin, kimat kihen, kolbulh khaukhih, zong a thuakngam dingin, ka kipia uhhi." a ciih khit nungsang kei zong aa nung uh a zui ngam dingin ka kipia hi. Tua mah bangin, kei ngaihsutna te zong sungin, kuppih dingin ka ngaihsunsun hi. A hihhangin, makaipi pawl khat-in hong telkhial thei dinguh ahih manin, ka kipan ngam kei hi. A hizongin, GZA President pu-in Singapore pan aa, thugen, hong hopihna, July 25, nitak nai 11.00 pawl-in ka ngai kha aa, ama hong zawtna dung zui-in, a gal etet bek hilo-in, bangbang hi leh ka lungsim sung aom teng kuppih ning cih ka khensat hi. Theihlkhialh, zakkhialh, muhkhialh aom leh hong hilh kik un.

Kei muhdante anuai a bang ahihi.


1. Hih ih makaipi 5 teng pen, CCJ pan aa, kitel ahih mah bangin, ahun, amun leh khuahun pai zia zui-in, Zomi buppi tel mah bangin ka sangsiam/thei hi.

2. Hih makaipi 5 tengin, Singapore pan aa hong gualhkhiat uh, Standing Committee (Sub Committee) 15 tengpen, tuhunteh information technology hoih mahmah a, minute khat sungin Leitung bup thukiza thei lel ahi teh, leitung bup Zomi te hong kuppih/hongdot bawl le uh hoih mahmah dingin ka um hi. Tu-in, Zomite kihelna/ki thudotna (Participation, Consultation) omlo tawh kibang hi. Mi 5 khuaksang Zomibup khuak hoihzaw kha ding hi.

3. Tuni ciang dong Standing Committee 15 teng, hih teng hi cihna leitungbup Zomite theihsakna omlo ahih manin, Transparency (Kawlpau-in, Pwenlin Hmut) om kasa kei hi.

4. Hih Standing Committee member makai ding teng na SEH (Kei leptawm, phuahtawm kammal hilo a nuai-ah Sia Do Kham thupulakna pan ka lak hi. "SELECT and APPOINTED" cihna hi.) na uh nakhial khin zo uh hi. Banghang hiam na' cih uh leh, no maakaipi 5 teng zong mipi/taangpi-in, kong tel(Elect) mah bang un,Standing Committee Member teng zong ko mipi/taangpite nong telsak ding-uh ahihi. Mipi/taangpi dotna, kuppihna omlo aa, no' tengin na SEH tawm uh pen, Democracy paidan tawh kituak lo hi. Mipi thagui thatang, neisa lamsa, sum leh paai mah kimuang kisuang a hih ciangin mipi/taangpi mahin tel(Elect) ding hoih kasa hi. Mipi/tangpi thuneihna (Power/Voice) omlo, tan' hamphatna (Human right) omlo hi.
Tuni dong mi kuateng kuateng kaseh uhhi, cih pulakna omlo-in, a mau SEH mimal tengin, nong sang zo diam? cih dongsim zasak sim-in, asan' zawh ciang bekin, kithei pan hi. Amau zong khat leh khat kua teng ii hiam? cih zong ki theilo-uh hi. Kawl kumpi Military Intelligence (MIS) te miseh dan tawh kibang hi. A SEH teng beek uh hih teng hi ei, mipi/taangpi-in bang ci nasa uhhiam? cih dotna beek hong nei lehuh, a'hoih ding hi ven. Tulsa Press Conference lai-in, "Bang ding aa, Standing Committee Member ding, Zomi tangpi tangta te tel(Elect) saklo nahi uh hiam?" ci-in ka dot leh, GS pa Dr. Chin Do Kham-in, "Tua bangin mipi tangpi tangta tel sak leng kei khangin zong kizo kei-in teh" ci-in hong dawng kik hi. Tuhun, Global Village a kicih hun, Information Technology hoih/sang mahmah aa, minute khat sungin, leitung mun tuamtuam aom Zomite thu kiza thei hi hang. Zomi te' Internet group teng panin, Standing Commiittee Member ding, Zomi tangpi tangta tel sak leng kha khat ( One month) zong sawt/kaai-in ka um kei hi. Tu ma kum 50 lai (Half A Century) lai-in, Zomi mee-kuang lui ding te-in kha 3 pan kha 6 bang campaign pai-in, Zomi tangpi/tangta deih MP, meekhia/vote sakin tel zo uh hi. Tuhuh teh khangkhat a telzawh sawmlo ih hi leh, tel dan ding a theilo maw? or dictatorship zat nop man' aa theilo ki neih maw? khat zaw saangsaang hi zaw ding hi.
Atawpna ah, Standing Committee Member ding, mi hihteng hihteng SEH ung, mipi/taangpi-in bang ci na'saa uh hiam? ci'in hong dong beek le uhcin'; noteng-in candidate ding moninate aa mipi/taangpi a telsak (Vote) tawh kibangin, mipi/taangpi kihelna (Participation) zong hipah aa, rights neina zong hipah hi. Democracy tawndan tawh zong kinai zawlai hi. No sepdan pen, Revolutionary Council Chairman pa, U Ni Win in, aa Ministers ding teng a'maa thu aa, a'seh tawh kibang hi.
Naa 5 mah vua tukhawm lilia aa na' seh mah uh maw? theihnop huai ka sa hi.

5. Sia Do Suan Mung simlo Kawlgam University kah ngei omlo a, nidang Zomi University sang naupang te kuateng kuateng-in, ihgam ihlei leh ihmi-nam ading bang na' sep ngei uhhiam cih zong thei kha kei le uh kilawm hi. Tua bangaa nasem, maapang ngeite pawl khat bang tu aa standing committee sugah SEH huai mahmah hi.
Gtn: (1) Dr. James Suan Za Dong: Tulaitak aa ih Zopuan, Zonik zatpi pen, a zepdan Tedim khuakiim khua tengah en kawikawi-in, a'maan design bawl a', Yangon, Tamwe-ah gaan sak pah ngiat hi. Sum leh paai ban-ah, hun leh thatang tambei lawh lua ahih man'-in, aa sang lai bang kum khat kiat lawh zawzen hi. 1968 kum-in, Tedim khua khangno teng kaikhawm-in, Lawibual mong pan, Sakollam mong ciang Phuitong kung (Singno kung) suanpih hi. Kaptel khua Hydro-power ding a' vaihawmsak ban-ah, singkungno suan ding zong nakpitak-in vaihawm lai hi.
Gtn: (2) U Thant kivui ding vai-in, University sang naupangte leh Kawl kumpite U Thant luang kituh- in, buaina nasia tak om hi. Yangon khua bup galkap te-in, sun leh zan cingin kua mah kivakkhia, kipaikhia ngamlo hi. Tua galkapte ngongtat/gam'tat mahmah aa, mi kongzinghpial a muh khempeuh uh maan-in, alu/ asam mettol sak hi. Galkapte kimudah mahmah hi. Tua galkap te'n a uniform ban-ah Chin tit (No. 1 Chin Battalion) batch kisuangsak hi. Kawlgam mi khempeuh-in Chin/Zomi galkapte ci-in lipkhap mahmah aa, Chin/Zomi kimuhdah mahmah hi. A hih hangin tua galkap te Chin/Zomi hilo-in, Kawlte vive hi. Kawl Galkap kumpi-in, Kawl Civilian te-in, Chin/Zomite hong lipkhap/muhdah nading aa, abawl kaltang hi. Hih kisuktuahna thu hoihlo pen, Salai Kip Khaw Lian-in, Kawlmi, mi namdangte tel na dingin, luangkhaam-in, Bandolla panchan (Bandolla Square) ah mipi tungah leh RIT Assembly Hall-ah Minister te tungah phisian na nei hi. Dr. James Suan Za Dong leh Salai Kip Khaw Liante anih un, Kawlgam Federal System tawh ki-uk nading hanciamna hangin 1972/73 kum-in Sin-Phyu-Daw Operation tawh mat leh hen thuak uhhi.
Gtn: (3) Eddie Ngin Hang-in, American Embassy Zum Yangon ah, Chin (Kawl gam a hong kilawh dan a zang hing)te khempeuh hong kigawtna, hong deidanna vaitawh kisai, luangkhaam-in, Counselor pa' laikhak tawh na'phil-gawp, na'nuaaigawp aa, Chinte hong bawlsia American Embassy staff nih bang zakiat lawh hi. Tua khit a kipan Chin buppi (Ei Zomi te zong kihel) Ameican Embassy zum sungah oltak kilut thei pah aa, VISA zong oltak kingah ziahziah pah hi. Tua hang aa, VISA oltak aa ngah Sia pawl khat-in kei a' pen Pasian hong tuampiak taktak hi. Miracle hi ci-in teci pang zawlai kici hi. Tua ban-ah, Manglai mah thupi sak nuam ding ih hihteh U.S.A gam pan, "Teaching English to Speaker of other Languages" tawh M.A. Degree a ngah Eddie Ngin Hang bang zong SEH ding kilawm kasa hi

Amau teng thum bang Standing Committe Member khat nangawn ah ki SEH lo cih pen, lamdang kasa hi. Secular lam tu aa na' SEH te un, gam leh minam ading bang zah taktak luangkhaamin kipia ngei hiam? asepna te uh hong pulak un, theih huai hi.

Gtn: (4) ZRDC President pa, Pa Vum Nang bek na SEH kha uh hia?

6. GZA pen Biakna lam bek kipawlna hilo a hih man'-in, Pastor tampi SEH ding hoih kasa kei hi. Bang hang hiam cih leh; Khua khat ah Pastor nih a om leh Pawlpi nih ompah, Zomite khennih sauh pah, Pastor thum a om leh pawlpi thum ompah, Zomite khen thum kisuah pah hi. Zomi te kipumkhat nading hong haksa zaw ding hi.

7. Gam leh Minam ading a kiphuan GZA ahih mah bangin, gam leh minam adingin maa a' pangngei, a' semngei mikhat, na ettheihloh pa/nu ahizongin, or na galpa/nu ahiphial zongin, nasep khoppih ding aa, na' SEH veve ding uh kilawm hi. Makai picing naa hi. Standing Committee Member a ki SEH mimal khat ciat ii, ihgam leh ihminam ading aa, asepte uh tangpi tangta theih dingin hong pulak un. Thei nuam hang!

8. GZA tawh kisai sepna te, mipi/taangpi tungah pulak ding mikhat (Speaker of the GZA) officially in seh ding kisam hi. Gtn: Kawlpi aa, Bishop pa leh Dr. Gin Khan Khaul tawh Standing Committee member te kimuhkhopna, Rev. Pau Khan Khai-in net sungah suaksak hi. Amah a tangko dinga commmittee tengin, tavuan/mawhpuak a kipia mah maw? Ni dangteh ih thusim te control na haksa ding hi. Kipawlna paidan hilo hi.

9. Dr. Gin Khan Khual London aa, interview na-ah agen mah bangin, hih vaihawmna khempeuh Leitungbup Zomi Innkuan (LZI) maa kaai pawl khat leh Singapore Zomi Innkuan maakai pawl khat te tawsawnna, phuang khiatna leh thuneihna a hih mah bangin, Zomi dangdangte kipawlna a hi, Zomi Association te, Zomi Center te, Zozum etc.. te zong thu kikuppih, dot bawl ding kisam ka sa hi.

Kamsangpa Nathan in kumpipa Davuih akhialh nate va gen ngam kei leh kumpipa Davuih khial zelzel kha lai ding hi. Tua hileh Itazila mibuppi-in, ciamsaitna, genhtheihna thuak taktak ding uhhi.

Hih kong lai-at tawh kisai hong kuppih nuam na om uh leh U.S.A. Central Time 8.00 to 10.00 PM kikal hunin, ka residential phone (405) 321 6204 tawh nong kuppih thei hi. (GMT -6 hour hi.)

Zahtakna lianpi tawh,


Khup Khan Thang
5104 Ladbrook Street
Norman, OK 73072
U.S.A.
---
from; pumzachin2000@yahoo.com

Pu Khup Khan Thang,


Ken khat hong behlap ning maw. Hun khat lai in Chin te na muh uh leh that un cih thu hong gin ciang in thuak zolo a, Chin mi te sung pan in makaipi sem ahi Pu Nang Lian Thang Japan zong minam itmahmah hi in ki lawm sa ing. Kei bang minam vai ka vei ki patna hi . Dr Lian Hmung Sakhong pen General Secretayry sem hi. Pu nang Lian Thang pen kumpi na sem ahih man in Salai Ram Lian Hmung ( Thangpi ) hong lut hi. Na genna om bang in Biakna sia -2 a om leh pawl-2 hi pah mawk in ki Pumkhatna ding in Biakna makai te ii sepkhiatna tam mu nai keng. Politics in ki gawmna piang sak a, biakna in ki khenna piang sak hi cih bel keima ciaptehna hi. Genkhialh a om leh ki maisak ni.


Pum Za Chin
Norway
-------------------
khupkhanthang@yahoo.com

Leitung mun tuamtuam aom Zomi khempeuh,
GZA General Secretary pu' Taangkona # 1 ka sim suksuk leh ka min ka simkhak ciangin; ei hei leh ih lawm te'n naungek kapkapte naunawimuk (Kawlpau-in "Cho Hleng" Mangpau "Pacifier") a kam-ah ih guansuk ziau mah bangin, hush money hong pia ai ve maw ka ci hi. Bangbang a hizongin, Committee 15 member teng' min hong kisuaksak pah ahih ciangin, a zian kyi mawh kei ei ka cipah hi. ("A ZIAN KYI" Tedimkam kammal hi aa, Kawlpau kikawmte khat hi. Business khat pepeuh-ah, a Capital zah ih ngah kik khit teh "A ZIAN KYI" ta ei kici hi. India lam aa om Tedimkam theilo Zomite aa ding ka explain na hi.)
Kei bang hih list sungah ka min ka simkhak mateng hong ki SEH lam zong a thei vetlo hing. Tua mah bangin, Dr. James Suan Za Dong, Suan Muan Thang, cihte, pawlkhat bang zong, amin uh a sim khak mateng Standing Committee ah, a ki SEH lam a thei khalo pawl dingin ka ummawh hi. Mi pawlkhatte leuleu Singapore meeting man' khit phetin, a ki SEH lam kizasak pah hi. (Gtn: Rev. Dr. Pumzathang Tombing bang July 9, 2011 ni, Norman hong pai-in, member ding a ki SEH lam theikhin bek thamlo-in, zong na saang khin hi) Ka cihnopna-ah, Pa Do; Gen Do (Sia Do Suan Mung mintap pa) in, "Ko Tedim Township People's Council Executive Committee sungah, ko pawl bel zin zahtak (VIP) peuh a' omteh phek kawm, beel kawm, sawl tangzaang' pawl hilel ve ung aw, EC ka hih uh hang bangmah thuneihna a' neilo pawl hi ung" a cih dan-in, tu a ki SEH ih member sungah, deih taktak a SEH pawl leh naungek kapkap khemna or consolation aa SEH pawl om hiam? na ci ci ing. Liangko kikim ding mah lunggulh pen hang!.
Ka dot nop thu pawl khat leh ka su'nnop thu pawl khat.
1. Hih a min kisuaksak member te lak-ah, Zomi kipawlna khat pepeuh ahi zongin, Zomi mipi tampi-in a hi zongin, deihlo-in, hihpa/hihnu member pan hong hepkhiat sak/tawpsak-un hong ci leh a kihemkhia/ a kitawpsak thei diam?
2. Tua mah bangin hihpa/hihnu tua, so and so committee-ah hong helsak/hong behlap sak un ci'in hong ngen leh a kihel/kibehlap thei diam?
Hih thu 2 kong dotna-in, "Constitution" ding maalep aa hong dong hilo-in, "Mipi Thu Neih Na" bang ciang om cih ka theinop man' hi.
3. Convener te thuneihna bang ciang cih bel thei keng. Ahizong-in, committee khat pepeuh a convener ding pen, a member lak aa, senior pian pen lam mah hih leh kituak/etlawm saa-ing. Gtn: Public Healthcare Committee bangah Dr. Thang Deih Piang bang sang' a senior zaw Dr. Thang Khan Piang Hatzaw (In service) or a retired sa' Dr. Zam Go Niang te, Dr. Pum Hau Mangte kilawm ka sazaw hi. Mihing ngeina, ih sinna kibang ei sang' aa tampi a junior zawte' thu ih maan'/zuih ding baih kisalo hi ei!
4. Mipi tungah "Thu Pulakna" khat pepeuh ih neih ciang khialhna a omlo/tawmtheipen a tawm ding hanciam ni. Gtn: GZA GS pa "Thu Pulakna" a masa pen-ah, "Global" pen "Gobal" in hong at khial aa, tua "Thu Pulakna" tung tawn-in, ki dawngdawng aa, kipawlna min bang "Gobal Zomi Alliance" hong suak dek phial hi.
5. Ih Zopau tawh ih neihsa kammal te zangh suang pah leng. Gtn: Post Office bang Zopau-in, "Laito zum" ki ci hi. "Laitaizum" ci-in phuakthak kei zaw leng.

Muhna kibanglo, saan'theihlo a omleh avui atang kikhia pah keini ei! Kamdam in kikum zaw ni!

Lungdam

Khup Khan Thang
Norman, OK
U.S.A.
----------------------------------
fromHang Khan Lian hangkl@zomi.net
Zomi ulehnau,

Ngaihsutpiakna te, mimal tuate, tuate kihel laileh cihte ei muhna ciat i gen ngeingai nate thupi sa-ing. Deihsakna zong kilang sa-ing.
Etlawm mahmah laaiding aa kangaihsut khaak khat in, midangte tawsawn lo zaw in, ei leh ei mahmah zong kihel nuam hang icihleh kipiak zawhding thupi zaw lai in um ing.
"Hih minam nasepna, thukikupna ah kei zong ut ing, kihel nuam ing" aci kua mah om nailo hihang.

Kei bangzong, atuung lam ka min akihel lam zakhalo ban ah, ong ki-iplah lua khollo ahihlam kazaak sawn ciang, "nong hel vua nong hel kei uh zongin Kawlpi meeting bel ong kah veve ding hi-ing" kacih ngiathi. Tua nangawn min kihelsa pawl khat in, " A ut, akihel nuam lua mahmah pawl khat bel ei sung ah om mah hang..." ci-aa ong seelpho kawmkawm hilaihi. " No ciang zong kihel ngam, kei zong utngam lel mahlo ding maw, a kihel nuam himah ing" cipah lel ing. Zum ding in ngaihsun het keng. Bang ka sem thei, bang kabawl thei aci bel hihet keng. Ka kizat theih nading zong om khol ke'nteh, ahihhang, USA kumpi inzong Zomite ong zat nading omlopi mah ong nawnnawn uh hilel hiven, ci-ing.

Tua ahihman in minam ading kipia zo ing, kin, uuk, deihsak in aci peuhmah in bang hang i min pialo ihihiam? Makaipi pa'n, "Ong zawn ung..., ong thuum ing" ong cih nungsang, "tutung peuhmah, khatvei ong cih lai leh" ciding ihihiam?

Party kuanglui ding hileh i min pia ngam napi hangin hihbangteh ipiak ngam kei leh... cihzong ngaihsut huai khat hipah sa-ing.
Minam kiveisak mahmah ihihteh, ei thuneihna ding bek aa kihel nuam, ei min dawkna, ong ki siapi bawlna bek, ong kithudot bawlna bek aa kihel nuam ihihiam?

Sia Enno in a gen bang mah in, "kipawlna hilo, minam kalsuanna" ahihteh zum ding ngaihsunlo hilel ing. Gam leh minam ading cih hang, Party kuanglui ding hileh bel bang ka citam theilo.
Zomi leh Zogam ading ahihleh democracy ngah ciang, kei deihdan aa ki-ukna ong om ciang, ong kideih, ong kingaih ciang, ka min akihel ciang, Zogam akiphuh zawh ciang icihleh bel ciakciak nawndah lel lehang, Zomi, Zogam bup genloh ei innkuan sung zong ei deih banglian hingeilo ahihteh.

Hang Khan Lian
--
Hang Khan Lian
Block 640#11-59
Bedok Reservoir Rd
Singapore 410640
-----------------------------------
Thang Than Tuang thomastuang@yahoo.com to zomi
Aug 9 (3 days ago)

Guai
makai dingte muan huai thei tak ei Pastor le Dr vive hi ven maw Dr le i ZOMI Pastor te bel maw Pasia nasem hiam?or pawlpi nasem hiam? Amau pawlpi phattuam nading bek sem uh hilo maw ZOMI vei loin Pawlpi vei in mu zaw ingh Ai zongin amau Dr ngah ten ZOMI luangkham in hong vei in hongmakaih le uh pawldeidan kei le uh UNDP ten leitungah ZOMI te azawng pen in hongciam teh liangin um kei pong ingh

ZOMI mipil le Dr ngah te veipen amau bang a Dr level i cidiam Mihau teng bek vei uh ee Sial vom le Sial vom ki ngai aci dan ai tam? a hangin tuni dong ZOMI kipawl na lian tampi mipil Dr thuap tampi te mah in makaih ee donghuu sihna lam ah ma apang kipawl na a omnai hia ? Mipil makai ten ci mawh dongtuahna Sih mun te ah amai laak ngam lo maw daipih zolo maw ka thei kei a amau vei pen ZOMI sungah POPULAR nop man ai tam maw ci in khuisa zel ingh ei tua bangtawh leitung bup ZOMI te i makaih zo tam maw...

GZA kipawl na a makai a ki seh kha lo ZOMI te luangkhaam a avei ka theih tampi omlak ah Pu Zo khai thu ka phawk kha hi A luang kham in Malaysia ah ZAM phuan in muh dah le ko mai zum tampi athuak nungin tuhun teh agah pen leitung gam thum na teng ki zel khin ta a mailam ah ki zel lai ding munsa hi Hih bang a vei mite gengen kul lo a asepna atang zai zihziah khin ZOMI makai muan huai te pen GZA pan mun guan na ah ki thei kha lo ai tam ? or a Lai tan tuam lua a seh taak salo uh ai tam? a taktak in cilengh i Siapi cih teng pen pil sawm vei ta le Pawlpi in kha sum apiak man bek a Pasian nasem hi in tua na ngawn ZOMI bup huam zolo uh hi Hih sanggam pa Zkhai te pawl ZOMI vei pen pawlpi ki deidan lo ka cihnopna hi Zokhai vei dan le ama kipum piak dan in i maikai teng hong sep dinguh bel ngak lah huai hi

ZO Khai khit ciangin Lengtong Pauno zong la lam hi ta le thu lam hi tale atung i seh or i tel Dr te zah in ka muang hi Lengtong Pauno ZOMI vei dan a it dam akhual dan ih theihnop le ala mal te en lengh ki thri hi I Sia pi Dr pi ten ama la phuah bang phuak thei nai lo le phuak lo kha ding hi Mi Dr ngah te sang ama laphuah te gil in sin taak zaw le makai in in tel kei phial zong thu dot taak cing kasa mah hi Mailam ah cidam le ZOMI sung pan Dr ngah ki om toto kha ding a aihhang Lengtong Pauno te dan a Gam le Nam it na Lia le taang ki it na Zawl la ngumngek hong phuahsak ding mi haksa zaw kha ding in um ingh Thu le la ki pawl na khat peuhpeuh ah makai ding tel or seh taakcing kasak man hi.

Guai te hih teng kong at ciangin Pu Zokhai le Pu Lengtong te makai aki guan loh alung kim lo ka hi kei hi guan taak kasak man hi DR le Sia pi mipil teng aselpho ka hi kei a laitan sang kah kha lo Pu te nih in ZOMI luangkham in hong vei a agah i muh bangin i makai tel seh tengin international a om ZOMI te luangkham in hong vei POPULAR sang sep lam hong hanciam le uh lunggulh man hi

Theihsakna Pu Zo khai le pu Lengtong Pauno kum lo a kong at hin lungsim tawh ki tuak lo thu om le hong maisak un
Dot na ZOMI makai ding te pen laitansang akah te maw ? or A sin le a theih tantan tawh avei a asem te ?

tttuang
----------------------------

khai boi laizomzomi@gmail.com via yahoogroups.com to zomi
Aug 9 (3 days ago)

Dear Sia Ngaih Thang
GZA pen Tedim kampau Zomi te bek hisam kei-in mailam
ah Tedim pen i limzat luat leh Zomi ki pawlna sung leh i Zomi
pihdangte tawh kal ah i cidam kei khatam cih lunggulh na tawh.

Khaibawi
---------------------------
Pau Za Lian abpaupi@yahoo.com to zomi
show details Aug 9 (3 days ago)

Dr.Do Kham
Na vai hawm na te uh na sia sa peuh mah ingh. GZA ma kai pi teng, pan mun nei teng Pasian ci dam na, ki it ki pum khat ki thu tuak na leh vai hawm na ngim na khem peu ah, ong gual zawh pi tawn tung ta hen.

Albert Paupi
USA
-------------------------
Mung Swan Mang msmang@zomi.org via yahoogroups.com to zomi

Kheih2! Lungdam na lian pi toh GZA Makaite leh akiseh zihziah panmun
len teng2,memberte khempeuh ih mai muak na in,ih khut te sanglap in
khutbeng ziah ni.....!
--------------------
danielmung19@gmail.com

Laisim mimal khat ciat inh hih TKLianpu gen ii theih kimnak le ii kalsuan zia
dingkhempeuh ongtangcing dingin lam en ingh,

A bulpi inh hi TKLIianpu onggen hi ziau hi, Maikai piten nongsem ngam takpi uh tam?
cih tha ngahna lianpi tawh....Zomi.
-----------------------
c n CNThang2010@gmail.com via yahoogroups.com to zomi
show details Aug 8 (3 days ago)


To.
Zonet a sim khempeuh,

Tedim kampau Zomite, mailam ah i kipumkhat nading deihna tawh GZA min
hong piankhiat pen thupi mahmah hi. Kipawlna tuamtuam a omtei hangin
hih sangin a tangzai zaw (scope lianzaw) omnailo hi.
Tua a hihman in:-
1. I minam bup i vang leh lim khat hiding hi, cih um photphot ni.
2. Makai hoih i suah nadingin, tu a makaite i hong lamlahna zui photphot ni.
3. A kiseh makai tuamtuamte i hong lamlah nasepnate tha pia photphot ni.
4. I septheihna mun ciatah ma pangkhawm ciat photphot ni.
5. Na hoih a kisemkhiate zuun toto ni in, a kisem zolo a omleh tuate
tungtawn in pilna ngahsawm ni, cih kei ka ngaihsutna a hi hi. Lungdam.

Rev. Cin Ngaih Thang
ZBCM,Kalay.
-----------------------------------
lianthan.tuang@gmail.com

Kawlkumpi te'n Zosuan te pawlkhat molhtum in ong zang ngei khin aa, pawlkhat pen ong zatzat laitak hi in, i mipil i misiam pawlkhat te zong ki hel aa, Zosuan (minam leh gam) aa ding nasep na te,ki pawl na te kawlkumpi' molhtum a suak loh ding thupi mahmah ahih man in pilvang huai ta kasa ngiat hi...
Ldam :)

Jesus Loves me
--------------------------------
tklianpu@yahoo.com

Zomipihte,

Hibanga minam vai ong hanciam nop uh lungdamhuai mahmah hi. Welcome ciat ni.

Tua tawh kiton in minam politics ong sai taktak ding uh ahileh i ZNC Pu Cin Sian Thang mah thudot bawl leh uh hoih kasa hi. Amah le Pu Gin Kam Lian etc., a pawlte pen tuma kum tampi lai peka Zomi ading si ngama, luang khama, mat leh hen thuaka ana kipia khia te ahi uhi.

Tuaciangin tuma pek pana Minam ading luangkhama, sisan le nuntakna tampi ong piakhia khin, tuciang dong zong regional, international ah a sem lai ahi ZRO/ZRA te, WZC te cih khawng zong koi ah bang cih koih sawm ding uhiam cih bang zong theih nop huai mahmah sa ing.

Politics sai lo a social, culture, biakna etc. te ciangciang sai ding ihih leh bel phamawh khol kei ci ni.
Zomi Minam ading Sem ngam, sem nuam takpi i hi leh i battle ground pen koilai hi zaw ahiam cih hoihtakin telsiam ni. Zogam/Zolei (Burma/India) ah maw, UNO/UNPO/ Geneva/US Congress/ EU koi ah bangcih sep sawm ding.

Tu a makai tampi i telkhiat ten zong Zomi, Zogam ading bangzah taktakin Commitment anei uhiam cih dot tel huai mahmah kasa hi. Makai ten tu a min nong suah teng uh mimal khat ciatin hoihtakin na hopih uhiam? Na convince zo uhiam?

Popularity bek hilo a gam le nam ading taktaka piakkhiatna tawh a sem i hih ding thupi kasa mahmah hi. Tua ahih kei leh pawl kiphuan neinai pongin bangmah tan tun lo ding hi hang.

Pawlpi phuh ding pen baih lel a i ngimna banga tangtaka i paitang zawh ding leh saupi i paipih ding haksa mahmah hi. Mipi ading kum tampi Nam Sila a i pan zawh ding baih khollo ding hi.

Topan Zomi te Politics ah New Era khat ong hon sak nang kipan ta hi cin ka lamen hi. Gen val a om leh ong maisak ta un.

Zomi it,

TKLianpu.
---------------------------------
pumzachin2000@yahoo.com

Sanggam,
USA ah Sia Do Suan Mung in mat keh hen ka thuak ngam uh hi cin pulak hi. Pasian bek in thei lo ding maw.
---------------------------
khai boi laizomzomi@gmail.com via yahoogroups.com to zomi, tongsan
Aug 8 (4 days ago)

Dear GZA Makaite

Leitung bup huam-a Zomi te makai ding kici napi in bang hangin
Gam leh Minam ading a luangkham liangin haksat na tuamtuam thuakte
kiseh khalo hiam? Bang hangin atam zaw Pastor te hisese ai a?

Telnop na takpi tawh
Khaibawi
------------------------
Hang Khan Lian via yahoogroups.com to zomi, Zomi, simon.pken
show details Aug 10 (1 day ago)



Sia Chin,

Siapi te ong kalsuanpih nop dan, thei lehang kilawm napi hangin tel taklo hilehang kilawm sa-ing. Tua hang aa buai loh na ding aa buai mahmah hilehang kilawm sa kahihman aa kei sandan ong genkhia hi-ing.

Sia Enno in, prophetic role ala ding hi-ung acih nungsang, election cih kammal khawng i lawhlawh lai pen i telloh man hipahhi. Kamsang ding vote tawh kiteel cihbang om ngeilohi. Tua cikha lehang tom gen vat lua ihihman in a zatheilo kibehlap mahmah ding hilai hi. Kamsang term nei cih zong om ngeilo hi. Tua ahihman in Pasian zat takpi, minam makai ahihleh ahihloh uh agah in ong kithei ding hilelhi. Tua pen ei nasep hilo in amau kipiakkhiatna ahihi.
Hihbang kacih ciang makaipi teng ka pumgupna hilohi.

Tuaban ah Sia Enno mahmah in, GZA pen, "structural organization hilo, minam movement hi" ong cih nungsang tua sung ah gennop tampi akihel khin hipahhi. Ih mipi atamzaw in tel lehang kilawm leh tel huai napi, tel lo ihihlam, i lai gelhkikna te tungtawn in kimu theihi.
Makai aa kipiate mahmah inzong hih namnih tel hetlo, cian hetlo ihihman in, minam kipawlna tampi phuankhin ihihhang, tuni dong a kuaitung khat zong i omlohna in hih namnih i telloh man, gawm kha ihihman ahihi.
Minam kalsuanna ah, Min leh zaa tawh buaikha ihihman ahihi. (Hih vai zong akilawm khop khat genkhin zo ihihman in gen behbeh nawn dahni, atelkhin te'n na cimtaak lua ding uhhi).

Hizah ciphotni eileh,
- Show quoted text -







2011/8/10 pumza chin


Pu Hang Khan Lian,


Theology ah nong thuk paimah mah mah thupi hong sa ing. Pu aw, a thu a thei lo ki om nawn lo phial hi in a sep asep ding hi zaw lo maw. Makai te sung pan Sia Enno in thumna, reconciliation hong nei thei in ka lungdamna lianpen hi. A dang siapi te zong reconciliation bawl ding a neih uh leh hong zomtoto leh bang ci na sa. Galkap khut sung a khang ih hih mahbang in dictatorship pen nuam ki sa sim sa mawk ing. Mailam ah Selection pan in Election ah ih kalsuan ki sam hi. Cihnopna ah mipi ii telcing ih hih leh mipi in ih thu hong mang thei pan hi. Tu laitak a te pen mipi ii telcing hi nai lo in ka ciamteh hi. Nang bel mipi te in GZA te ii ThanSwe cin hong ciamteh tawh ki bang sa ing. Telloh man hi in ki sangsiamni. Nang leh na innkuanpih te Pasian in a thak in thupha hong pia ta hen.


Pum Za Chin
Stavanger Norway

---
Please use my new e-mail when replying: pumzachin@gmail.com



From: Hang Khan Lian
To: zomi ; Zomi Center ; ZIS97@yahoogroups.com
Cc: simon.pken ; Bp Felix ; Chin Do Kham ; fbtsdsmung81 ; KHUAL HUAI ; J.M. Ngul Khan Pau
Sent: Tuesday, August 9, 2011 5:02 PM
Subject: [ZONET] GZA Makaipipa hopihna - Kei sandan kamkupna - 1




Zomi ulehnau,

GZA' Makaipi hopihna sung pan kammal pawl khat kikup beh huai sa kahihman in kei ngaihsut ban ciangtawh ong kum hileng:
"Pasian hongpiak ka nasep ding mun uhah Zomibup in hong bulh khazaw na hi uhhi. Tua pen biakna kamin cilehang, Pasian nasem te kamsang nasepna (the prophetic role of the Ministers) hi zaw hi. Utleh utloh thu, hi lo in Pasian hongsawl nasep (divine mandate) linlian a hihi."

the prophetic role
Hihtawh kisai in Makaipipa mahmah in " Kumzalom 21 aa ding Christian Theology" ci aa agelhna sung ah, "Topa in hihbang in cihi - Thus said the Lord" ci-in agenna ih mukhin zo aa, Zonet sung ah zong kong suaksak ngeikhin zo hi.
Kamsang cih pen, "Pasian taangin thu pulak in tua thute akhiatna gentelna" Hebrew kam "nabi" pan ong paihi ci-in genhi.

Prophetic Role laakna, "Topa in hih bangin cihi..." cih ngam nading Pasian' sawlna taktak, Pasian aw taktak zaak ding kisam ahihna, Pasian deihna taktak om ahihding, akiciat ding kisam mahmah in, upmawh, akicianlo, deihkaih, maivil, thusuak, aisan, dawilawm nei, zolbawl, kamkhum zang cih mawkmawk dan hilo ahihna ciantak in gen aa, kamsangte hun lai mahmah inzong Pasian kammal, Pasian deihna ahihleh ahihloh naak sittel mahmah uhhi ci-in genhi. Mihingte deihna gen hilo, Pasian deihna thuman thutak genkhia ahihman in luangkhaam nasep ahihlam zong ciantak in pulaak hi.

Mihing thuneite sawlna tawh gen hilo, Pasian Thuneihna tawh gen ahihman in, mihing thuneite lungsim tuak kei leh luangkhaam nasep hitakpi hi.
Mihingte lungkim nading, maimuh nading in deihkaih aa gen hilo ahihman in mudah thuak ding, gensiat tuak ding leh pahtaak tuak hetlo zaw ding kician mahmah panmun cihna ahihi.

Tua ahihman in Prophetic Role icih in khat veivei puak giapgiap in dictatorship ong bang phial ding aa, ahihhang, amau' thuneihna tawh ong gen hilo uh hi. Thagum hatna, angsung theihna, min zonna ong gahkhialo hamtang dinghi.
Zomite'n, "thu tanggen leh sazang kap" cih paunaak nei hang aa, tua dinmun ong lading uh ahihman in, ahamsa mahmah dinmun ahihi.
Adiakdiak minam it kineih mipi makai ut tetawh ong ki talsik masa in ka umhi. Mihing hihna athupi simlo, angsung thei, zuau thu gen, a siangtho lo aa gamta tetawh ong ki talsik ngelngel ding uh aa, Biakna tau mi mai etna aa nei tetawh ong kithutuak khollo hamtang ding uhhi.
Mizawng daaipaam, meigong tagah aa kipan, thaneem, nampi, namneu lungsim pua tetawh ong kitalsik masa ding dinmun ahihi. Itna leh deihsakna, hehpihna kihello, molh tum suang, thagum suang tetawh ong kimu masa ngelngel ding uhhi.
Mipi nautang tawh kithuah nuam khollo, aituam nuamsak dingbek tawh anungta te ading ong nuammawh mahmah in ka umhi.
Angsung thei, min deih lel tetawh ong holim khol kei le-uh kilawmhi.
Ei leh ei hi akisa, thuman akisa lel, kiim leh paam a gensia, ahoih aa mulo, thusia zongden lelte'n tai ngah ngelngel in ka umhi.
Hiam leh molh tum suang nuam te'n thapiak, kamsiam ngah khollo ding uhhi.
Guta, simtat, guihtheih khamtheih zuak, sem, thapia simte'n nuam mu in ka um khol keihi.
Thadah, kampi bek amutmut te'n pahtaak ngah lua in ka um khol keihi.

Tua ahihman in hih dinmun, panmun in a uthuai hetlo, "hih hai tawh akipelh theihleh ong kipelh sak in" cihding panmun na hi gige hi.
Tua theilo taangpi taangta te inbel, "Ki thu neisak, kisai sak, kiliansak" cikha thei ding hihang. (Kituhteh huai het kei leh kilawm zaw kasa hi.)

Ahihhang, "Topa in hih bang in ci hi" cihtawh akalsuan theiding minam ihihman in minam cidam huai kasa hi.
Amau' kalsuan bek tawh ong man loding aa mipi mahmah in zong ong makaih bangun i tat kei leh, anung uh i zuih kei leh kimanna ong nei tuanlo ding ahihman in, nunnuam hithiat aa nungta thei nawnlo ding cihna zong ong hipianhi.

Tua ahihman in tuni Zomite in,
Tuhun aa piang siatna te, gamtat siatna, kihuatna, kimuhdahna, angsung theihna, thukhuallohna, kinetniamna cihte aa kipan mihing gamtat ding aa gamtatlohna khempeuh anawk ding aa kigin ding ong hidingin kigin kul sim ngelleh kilawm kasa hi.
Ih Pawlpi pulpit tung khempeuh, Topa in hih bangin cihi cih namun ong hihloh pha mawh dinghi.
Nuntak khuaska, gamvai kipuakna, ki ukna te ah thagum suanna, molhtum suanna te nawk khiat ding ong hidinghi.
Thuman thutak, itna, deihsaknate bulphuh in mizawng daaipaamte netniamna, simmawhna, puapaihna, thusimlohna, deidanna. nawlkhinna athuakloh nading vanzat ihihding ong kuul leh kilawm kasahi.
Ih Pasian pen:
Vantung leitung asiam, abawl, akemcing Pasian ahihna
Mihingte tangthu anei Pasian ahihna,
Thuman thutak akal Pasian ahihna
theikhin peuh lehang ahamsa lua ong omsamlo ding aa, ama' tha mahtawh gualzawhna ngah ding hihang.

Ong piangsak Pa tawh nasem khawmding ihihman in i nisim nuntakna, biakpiak zia nangawn ong kikhel ding aa i Pasian mahmah zong molhtum tawi Pasian, thagum suang Pasian isuahsak khak loh ding tawh ong man nai lo ding aa, Itna Pasian ahihlam kilat sak ding ong thupi zawkaan lai dinghi.
Tuadingin Zomite kiging sa in i om akuulta ahihi.

Khatguak thuneihna( dictatorship) ong zang ding uh aa, (anung uh i zuih leh azangh dingte ihi aa), ahihhang mihing khatguak thuneihna bang hilo apiangsak Pa Pasian khatguak thuneihna( dictated by God the Creator) zang ding ihihman in, lauding leh kihtaak ding bangmah omlohi.
Ih lampi zuih ding, i kalsuan zia ding ah Burmese way hilo, Zomite sialtawm lampi hilo, Zeisu Khazih sialsa lampi zuiding ihihman in Singlamteh lampi ong hi hamtang ding aa, kel-tal kisi bang aa puak giap aa kitalsik samlo ding ahihhang, a sungtawng dong a lumlet sawm ihihi.

Tuatwh kalsuan ding kisak laitak, Zomi ulehnau kuamah gelsim kei lehang hoih dinghi.

Kei sandan ahihman in kasan khialhleh ong kihilhkik theih nadingin makaipi te zong cc. ka pia hi.
--

Hang Khan Lian
Block 640#11-59
Bedok Reservoir Rd
Singapore 410640
---
fromHang Khan Lian hangkl@zomi.net via yahoogroups.com
reply-tozomi@yahoogroups.com

tozomi@yahoogroups.com,
Zomi Center

cc"simon.pken"

dateWed, Aug 10, 2011 at 11:39 PM
subjectRe: [ZONET] GZA Makaipipa hopihna
Kei sandan kamkupna - 1
Sia Chin,

Siapi te ong kalsuanpih nop dan, thei lehang kilawm napi hangin tel taklo hilehang kilawm sa-ing. Tua hang aa buai loh na ding aa buai mahmah hilehang kilawm sa kahihman aa kei sandan ong genkhia hi-ing.

Sia Enno in, prophetic role ala ding hi-ung acih nungsang, election cih kammal khawng i lawhlawh lai pen i telloh man hipahhi. Kamsang ding vote tawh kiteel cihbang om ngeilohi. Tua cikha lehang tom gen vat lua ihihman in a zatheilo kibehlap mahmah ding hilai hi. Kamsang term nei cih zong om ngeilo hi. Tua ahihman in Pasian zat takpi, minam makai ahihleh ahihloh uh agah in ong kithei ding hilelhi. Tua pen ei nasep hilo in amau kipiakkhiatna ahihi.
Hihbang kacih ciang makaipi teng ka pumgupna hilohi.

Tuaban ah Sia Enno mahmah in, GZA pen, "structural organization hilo, minam movement hi" ong cih nungsang tua sung ah gennop tampi akihel khin hipahhi. Ih mipi atamzaw in tel lehang kilawm leh tel huai napi, tel lo ihihlam, i lai gelhkikna te tungtawn in kimu theihi.
Makai aa kipiate mahmah inzong hih namnih tel hetlo, cian hetlo ihihman in, minam kipawlna tampi phuankhin ihihhang, tuni dong a kuaitung khat zong i omlohna in hih namnih i telloh man, gawm kha ihihman ahihi.
Minam kalsuanna ah, Min leh zaa tawh buaikha ihihman ahihi. (Hih vai zong akilawm khop khat genkhin zo ihihman in gen behbeh nawn dahni, atelkhin te'n na cimtaak lua ding uhhi).

Hizah ciphotni eileh
-----------------------------------------
...zom om lai kha in teh....