2013 ZOMI CUP, MALAYSIA

Zomi Cup Malaysia 2013

Zomi World Cup ci ni ahangin Zomi hizah ki kaihkhop ding baihlo Leitung pianzawh kampau kibang, minam ki bang teng bek Tekpeng ki mawl Team tampen kha ding hi( ei kanzawhna ciang ah). Zomi Cup Malaysia 2013 kumin Bawl lung suiding Team 42, khua 41 aiteh, ni dang cing ading Zomi World Cup amalap khol suak hang ci uhleh zong ki ngah kasa lel hi. Kum 4 ciang khat vei World Cup pen Team 32 bek phazen hiven. Zomi World Cup ci se lo uh aa Zomi Cup Malaysia a cih uh pen ZAM makai te leh a gel avaihawm khempeuh thumuh vai, thukhual vai kasa mahmah hi.  Mailam ah Zomi Cup Kalaymyo, Zomi Cup USA, Zomi Cup India, Zomi Cup Zogam.....cih bangin amun mun panin min thupi ih neitoh thei ding min hoih khat hi.

Zomi te thu khat peuhpeuh a ki gen ciangin Piancit paina, Galkap lutna cihte ban-ah Malaysia, India, Thailand.. cihte a ki helloh theiloh dinmun hita hi. Tua sungah sepna mapanna ih genloh hong phamawh dinga Zomi Cup Malaysia thupi ka sakna leh a mang ngeilo ding Zomi Cup Malaysia ki mawl mi khempeuh leh a khatna, a nihna, a thumna, a lina ban-ah asiam pente pahtawina a ngahte lungdampihna leh angtan pihna kong pulak hi.

Kum 2009-2011 May kha ciang Malaysia ah ka om na sungah Zomiten minam veina  itna khang mahmah cih ka mu hi. Ih gam ih lei ah om leng minam veina lungsim tu-a ih puak zah lungtang ki pua in ka um kei hi. Gam leh lei minam itna veina pen Zomi te lungsim ah khang henla, a gam leh minam uh a thupitna thei uh hen ci-in ih minam amang thang loh ding hong khualna in Pasian in gam tuamtuam ah hong thehthang photphot hi dingin ka lam-en hi. Gam tuamtuam ih tunteh Zomi min mah tawh ki pawlna mapanna ih neih zawh pen Zomi minsel ban-ah minam veina khat na hi gige hi. Thupi ka sa hi.

Zomi Cup Malaysia kum 2013 thupi tak leh picing tak in hunnuam tak ih zawh theipen lungdam mahmah hang. Tukpeng Team Group  khendan  pen:

Group (A) Voklaak, Mualpi, Tungtuang, Vangteh, Buanman

Group (B) Suangzang, Sing Unau, Tuipi, Valvum, Saizang

Group (C)Taakkhawl,Khuadam,Suanghoih,Phaiza-A, Tuimui

Group (D) Laibung, Kaptel, Thangnuai, Dimlo, Tuimang

Group (E) Nguasing, Tungzang, Pimpih, Zozang, Lezang

Group (F) Haupi, Limkhai, Heilei, Suangpi, Pyidawtha

Group (G) Dampi, Phunom, Tuithang, Mualbem, Pangsak

Group (H) Anlangh,Phaiza-B, Muizawl,Laaitui,Cikha, Buanli
Tua bek hilo Numei ki mawlna tuamtuam zong neito lai uh hi.
Pu Cin Sian Thang (ZCD President) in Zomi Cup Malaysia February 11, 2013 ni in honna neihsak hi.
Feb 16, 2013 in Final ki mawlna  leh zawhna neih uh hi.

Suanghoih vs Tuipi 3:1

Nguasing vs Anlangh 5:0

Third Place

Tuipi vs Anlangh 0:5

Final Result

Nguasing vs Suanghoih 2:1

A ki mawl khempeuh results: http://www.zomidaily.com/news/sport-news/15198-zomi-cup-day-6-result-photo-video ah ki cinhin ki mu thei hi.

PAH TAWI PIAKNA

A lina:  TUIPI

A thumna:  ANLANGH (ANLANGH in ZOMI CUP ah a thumna a thum veina a ngahna hita)

A nihna:  SUANGHOIH

A khatna:  NGUASING (NGUASING in ZOMI CUP ah a khatna nih vei a ngahna hita. Nung kum a khatna Champion amau mah ahihi)

A lina pahtawi piakna : Medal khatta leh sumtang RM.500/-

A thumna pahtawi piakna: Medal khatta leh sumtang RM.1000/-

A nihna pahtawi piakna : Medal khatta leh sumtang RM.2000/-

A khatna pahtawi piakna: Medal khatta leh sumtang RM.3000/-

·         Goal tam khumpen (Top Scorer) : Kap Thawn Lian (ANLANGH)

·         Kungpang (Goalkeeper) : Zen Za Suan (NGUASING)

·         Nungdal (Denfender) : Thang Lian Hau (SUANGHOIH)

·         A lai (Midfielder) : Sut Kim Khai (ANLANGH)

·         A maikah (Striker) : Thang Dongh (NGUASING)

·         Player of Zomi Cup 2013 : Hau Muan Sang (NGUASING)

Tulaitak leitung ah Numei leh Pasal liangko kikimna "Gender Equality" ki thupisak mahmah a, tuamah bangin Zomi numeite zong Sport lamah neih uh aa Zomi Cup & Women's Sport cih Banner akisuang demdam ci hi.

Numei Taikidemna panin anuai atengin pahtawina hong ngahthei uhhi.

·         First: Niang Hoih Cing - Mualpi

·         Second: Dim Lam Vung - Tuimang

·         Third: Hau Sian Huai – Kaptel

Numei Taikidemna pahtawina pen:

Khatna RM500,

Nihna RM300

Thumna RM200 ahihi.

Zomi Malaysia aom te bek hilo mun citeng aom Zomibup in hih ciang Zomi min ngiat tawh na mapanna uh leh na sepna lianpi te uh kong lungdampih uh aa, angtang kisa mahmah ung. Zomi ka hih  no te hangin hampha kisa beh ing.

Lengtong Kam Khen tawh holimna

(Nb: Hih kihona pen Lengtong Kam Khen thukimna tawh ka phawk pak teng hong khah khia hi ingh.)
LK - Lengtong Kam Khen
ZQ - Zomi Quavadis ( Francis Lamthang)
  Pu Lengtong Kam Khen pen eimi ansai minthang Awngnandaw ah a hawhnop hun leh kei hunawng neih kituak kha ahihman in ka kizui pah uh hi. A tunna ZAM office( Malaysia)  pan China Town lam tawnin ka khepai pih phei kawm a ka kihona uh hi. Amah pen ZCD President Pu Chin Sian Thang tawh Malaysia ah Zomi Namni mang dinga hong ton uh a hihi. Mite'n Lengtong Kam Khen pen Zomi mipilte laka  khat hi ci uh a, kenzong amah tawh ka kikholh ni akipan  thuthang khempeuh up loh gaih ding ahih lohlam ka tel hi. Pu Lengtong pen a kithawidan leh a kammal thu thukte hangin Zomi leh Zogam a it khat hi cih kilang a, Pu Chin Sian Thang nung a zuih lengleng ka muh ciangin Lengtong Kam Khen pen mipil hi ciin ka kipsak hi. Kihona kipan ta ni.
ZQ: Pu Lengtong aw nang pen tutung in a hehsa in Malaysia leitang hong sik danin na za ing. A himah maw?
LK: A heh lua bel hisam keng. Vanlengtual a hong vaidawnte lakah T.S Khai mu lo ka hihmanin a nuam lo hi ingh. Amah pen Malaysia ah kei hong dawn dinga kei maiah ka paisak hi.
ZQ:  Zangkong a Zozum tawh kisai tawm hong gen dih ve.
LK: A minthang mahmah Zangkong a Zozum pen eimi gamdang pai dingte vai aki hawmsakna mun hi. Kala niangtui sai sunga om ahih hangin asai neipa in tuni ciang dong ama sai sungah Zozum a om lam thei nai lo hi. Hih Zozum ah hong maingal lote a tamzaw pen Pastorte hi. Zum hong kahte lakah thu tam agen penin niangtui man teng apiak gaih kul hi. Tuapen Zozum bylaw khat a hihi. Vum Nang zum hong kah simin kam tam pau pen den ahihman in kisuang sim hiding hiven niangtui man teng pia pahpah hi. Tua kipan bylaw khatin kizang suak hi. Zozum ah sum anei lote kam tam pau thei lo cihna hipian pah hi. A lungdam huai khatah Zozum pana khang khiate peuhmah mi nuaiah om lo uh a, khalam leh leitung pilna lamah khanglo zo lian uh hi.
ZQ: Amen. Tua leh tukum ko innkuan ading in kumpha hi nacih pen bang hang hiding ahia Pu Lengtong, hong gen dih ve?
LK: (nui phot zawzen hi) A khatna ah kei pen ka omna pawlpiten President mun hong luahsak uh hi. Topa'n muan ding midang mu zo nawn mahmah lo hi'n teh maw ciin ka sang pah lel hi. A nihna ah ka tapa Singpi in tukum sungin M. Div. hong ngah hi. A thumna ah ka tanu pen ko veng sungah makai khatin kikoih hi. Hiteng hangin tukum pen ko innkuan adingin ka zakhan kum uh hi a ci hi'ng e.
ZQ: A lungdam huai himawk mah ei mete. Na tapa in M. Div ngah mawk cileng inn tung lecin lopsak ngel ding na hih teh Zozum makai teng samkim buang niteh maw Pu Lengtong?"
LK: Sap kul buang mah lodia, sam kei leng hong bum nuam ding uh hiven!
ZQ: Hehehe hong bum nuam khong mah incia mete. Tua leh na "Khuasiam" khui sunga " Heh hong nem aw " pen nang phuah hin teh maw Pu Lengtong? Laphuah siam hong sa ingh. Asa nu na tanu zong hoihsa mawk ingh.
LK: Amu kha khempeuh in citek mah uh e. Lungdam huaisa mahmah ingh. Ahizong tua la bel a lungleng khat peuh phuah hilel incia! (a la phuakpa min gen nuam lo se).
ZQ: Zogam Labupi a kici MINPHA pen bang hangin Lengtong Pauno ngahsak mawk na hiam? Nang zong lasak leh laphuah a siam mahmah hive cin Pu Lengtong.
LK: Ka piak loh mawk a, aman Zola bek sa thei, Zola bek phuak thei hiven. Ken bel Kawlla lah sa thei, Mangla zong sa thei...
ZQ: Zomi pastor gamdang paipaite vai na ngaihsutna hong gen dih ve.
LK: Gamdang tungsa Zomite pen manglai mangpau theite hi uh hi. Pasian thu a theihnop uleh manglai tawh kigelh Pasian thu pen laibu sung leh Online ah tampi tak om hi, tuate na sim lel uh hen. Zomi pastor ten online a kitam zat theih lohna Zogam leh lai asim thei nai lo ei Zomite lakah Pasian thu ong gen lel le uh hoihsa zaw ingh. Mangkang ten lah amau laka Pasian thugen dingin ei hong sam in um keng.
ZQ: "Inngua hah lo gamgua hah" cih tawh kibang sa sim pian na hive maw!  "Hell om lo himai in teh..." cih tawh kisai na gen ngei khat za veng aw, kician takin nong genkik thei tam.
LK: Aw tuabel hidan hi e. Tulai taka Pasian nasemte khuasakzia ka muh tak teh hihten eite theihloh thusim thei hiin ummawh ingh. Tua thusim pen Hell omloh vai leh Pasian hong pai pak loh ding thu hiding hi aci hing e.
ZQ: Ih paupau leh Awngnandaw a tung ih hi mawk ve Pu Lengtong. Na gim lua hia?
LK: Ko Zangkong ah khualak vak le ung Bus ahih kei leh Taxi vive tawh vak ungh. Khe pai cih pen kilim zat lo hi (hong ciziau se! Haha).
Awngnandaw ka tun uteh Ulun in anne lo a ka kilehkik ding uh hong phal ngiat lo hi. Ak zohuan tawh nitaak an hong vaak phitphet hi. Lungdam ei Ulun.
ZQ: (annek kawmin) Lengtongte  tawh kithuah bel kitai mawk ei!
LK: Lengtong kici khempeuh tawh tuaci sam ken cia.
ZQ: Tulai taka ei Zomite sunga degree minthang mahmah "Doctrate or Doktha boih" a kici pen nang ngaihsutna ah thupi na sa hia leh Pu Lengtong?
LK: Doktha boih bel a thupi himah e. Hih doktha boih ngahte pen hong pil takpi uh henla, thulela aki dong thei miciim ong hi le uh thupi semsem ding hi. Ih Zogam zong hiciang bek dinmun tungin um keng. Doktha ih tam zahin ki khangto sa kei mawk ingh. (Awngnandaw pan ka ciahkik uh hi. Ulun in ko maiah ka taxi sapman uh na pia khin hi. Mipilte bel thusiam mawk ei)
ZQ:  Nang tawh ka kikholh khak pen hampha kisa ingh Pu Kam Khen aw. Na ciamnuih thu thukte Topa'n thupha pia henla Zomi tampi tak khanlawhna hong hi ta hen.....( ka cih kawmkawmin ka taxi uh na paipai a, a zinbuk ka tunkik uteh 8pm na sat phial ta hi. "kimu kik ni" zong kici se lo in "ZANPHA" cih tawh ka kikhen ziau uh hi.)
Lungdam.......
(photo tawh)

Kham Khaw Thang Version [Laisiangtho]

---

From: Dam Khua Nang <dknangno@gmail.com>
To: zominam@yahoogroups.com
Sent: Wednesday, 20 February 2013 2:19 PM
Subject: Re: [ZOMI NAM] Rev. Dr. KamKhawThang laikhak na.

Sia Kam Khua Thang Translation vai tawh kisai

Kei theihpih na ciangah Dr. KKThang khatbek tei hilo in First  

Committee. ci-in amah'n first draft (icimai diam) azawhkhit ciang 

Second Committee, in enpha in  

Third Committee (2nd &  3rd Committee te
pen Tuiphum te bek hilo in Biakna tuamtuam pan Revd te hi) ah puakto a tuaci bangin a dawldawl a ettoh ngeekngeek khit ciangin UBS te in sittel - defense (Tedimkam pan mangkam a genkiik ngeekngeek) a ki
kipsak ahih manin Vantunggam tun nading pan lam pial khiatna ciang dongding om hi leh UBS te in phal dingin ka um kei hi.

Tua ahih manin akuamapeuh in LaiSiangTho khawng ut bang a ki tei ziauziau thei isak leh na hi hethetlo (deksuailo; maimailo) hi cih i theih ding leh man ih sak het kei a tei khial i sak leh UBS te kiang khawng ah gen huai ding hi cih ngaihsutna kong pia nuam hi.

Hi thu ah kei kong ki kausiphum na ding thu omlo hi. Ahhgin Dr. KKThang pen a nuntaak zia, adinmun, kei tawh kaki thuahna  ciang dapphah a Model khat a kaneih ahih manin amahtawh kisai thu gina lo khat peuh a kigen leh kuama cialloh hial in  panpih  (defense) ding a ka ngaihsut man a hihi. (Ama thu Tedim Tualsuak laibu pp 435 ah ka at hi) Laitui khua mipil te'n " Guai aw Vuandok Gin Za Cin pen sitni a cialtaak petmah hiveh aw. Ei sang amah hehzaw liang thong hi veh" a cihbang ka hihi.

 Ei Tedim kampau te mipi lungsim neih ding thupi mah mah hi.

PAITO IN VA LUAH NI

"Thakhatin paito-in va luah ni...(Gamlakvakna 13:30)

Ngaihsutna Lungsim puakzia te ong thei in, ngim-ngam zah ong pia nuam, lawp-zawh zah zah tawh kithawi khia in thanuamna le sepnop na ong pia Pasian a nei MINAM i hih man in nakpi tak in Topa i phat khawm hi. Ngap zahzah tawh sep theih nading hatna ong pia, lak zawh zahzah thupha ong pia Pa Pasian minthang ta hen! Amen. Khang tampi tak Egypt gam ah nasepman ki pia lo, khasum sang lo, nek le dawn kham lo in silah nungta a om SILA nuntakna pan in, A MITE hong khia nuam a hi man in Pasian MOSES sawl a, KA MITE PAI KHIAT PIH IN, ka mite suahtak pih in la, BAWNGNAWI LE KHUAIZU a luanna gamnuam ah va tunpih in, a ci hi. Tua Moses thu a pia, Moses a sawl Pasian pen, tuni a i biak i paaii I Pasian hi, Amen! Ei te zongh Satan ong luahcip, Satan ong zat, Satan hencip le sawlsuk sawltohna pan in, Pasian in Ei le ei nuntak nuam a, Ama' thumaan tawh nungta in, Suakta in Amah i phat ding ong deih Topa' min i phat hi! Haleluia! Amen!

Tuma kum tul le za-nga lai in, mawtaw om nailo a, vanleng meileng te om nailo in, gunkuang zongh zangh lo in khe tawh lam pai ngiatngiat nading, Tai 150 val ki gamlat na ahi, Egypt-gam panin Canaan gam zuan in pasal tingteng tul 600 le a innkuanpih ciat uh; "Khapsa Gamnuam" luah ding in ong ki khin litlit ta uh hi. Paran gam pan in makaipi pa Moses in, Pasian sawlna a ngah bang in 'mimuan nasemtu pawl' sawlkhia in, makai 12 te galvil ding in va kuanto uh hi.

Tua makai te pen Israel minam  12 sung pan in, nam khat pan mimuan khatta kila in Tua te pen;

a)Reuben minam panin Zakkur' tapa Shammua; 

b)Simeon minam panin Hori' tapa Shafat; 

c)Judah minam panin Jefunneh' tapa Kaleb; 

d)Issakhar minam panin Josef' tapa Igal; 

e)Efraim minam panin Nun' tapa Hoshea a kici (Joshua); 

f)Benjamin minam panin Rafu' tapa Palti; 

g)Zebulun minam panin Sodi' tapa Gaddiel; 

h)Josef minam (Manasseh minam) panin Susi' tapa Gaddi; 

i)Dan minam panin Gemalli' tapa Ammiel; 

j)Asher minam panin Mikhael' tapa Shethur; 

k)Naftali minam panin Vofsi' tapa Nahbi; 

l)Gad minam panin Makhi' tapa Geuel ahi hi.

Moses in in aluahna ding uh GAM pen a van ding in sawl a,

1) "Negeb gam galkhatah paito-in, mualtung gamah paito un (mun le gam gen hi)

2)  Leitang bangci hiam, (leitangh hoihna le leisung sumpiang te gen hi)

3)  Tua leitangah a teng mite thahat hiam, (Mite' thatang le hatna, siamna, pilna te gen hi)

4)  Tua mite tawm hiam, tam hiam, (Mimal le mihon ki bawm ki kom zia ko ci zai hiam)

5)  Tua mite' ten'na gam pen nuntak olna gam hiam, haksatna gam hiam, (nisim nuntak zon zia gen)

6) Tua mite' ten'na khuapite pen giahphual hiam, munmuan'huai hiam, (lauhuaina le muanhuaina koici neih)

7) Na muh bang ciat uh ong puak ong ciahpih un, nong lak ciat ding uh hi; ci in vai khak hi.

"Mimuan Nasemtu 12" te zongh, Zin gamlakpi pan in Hamah khua, Reboh mun dong a va pai ngeii uh hi; tua pan in Negeb gam le Hebron mualkuam dong- ni 40 sung sawt in a siam tawp tek uh tawh va van kawikawi ciat uh hi. Ong ciah ciangun, 'report' ong pia ciat uh a, ong pulak khiat uh, a muh thute le, mun le mite thu ong gen tak ciangun, Pasian khasiang tho ong kilangh hi. Pasian Khasiangtho sawlna a ngah mi 2 om a, Tua mi nihte' pulakna pen, LAMETNA om in; Adang 10 te' pulaakna pen Khasiangtho omlo a hih manin 'LUNGKIATNA' vive nahi hi. 

Ong kileh ciangun, ong tun uh, ong pulak thute in hi bang a hi hi.

1) A luahna ding gamte ah a om, gah le teh te limci thei mahmah in gol thei mahmah hi. 

2) Tua mun a teng mi masa Anak suan le khak a hi Nephilim minamte, Ahiman mite, Sheshai mite, Talmai mite om uha, zongh a tha uh gol thei ngengaa mahmah uhhi, ci uhhi.

 3) Tua hun pen leenggah a palte a min hun hi in, lenggah bawk khat ong pua uh a, mi nih in ciang tawh zawng khop uh hi. Mang-kawlsing-gah le thei-gah zongh tawmkhat ta ong ciahpih uh hi.

4) Amaute in Moses kiangah, "Kote nong sawlna leitangah ka va tung uh hi. Tua lai-ah bawngnawi leh khuaizu tui bangin luang hi, ci uhhi.
 5) Ahi zongin tua gama teng mite thahat uh a, (mi 10 te' pulaakzia), i zo zo kei ding hi...
6) a khuapite uh kulh tawh ki-umin lian mahmah hi. (mi 10 te' pulaakzia) i do zo kei ding hi...
7) Ahih hangin Caleb in Moses' mai-ah mite gamdai sakin, "Thakhatin paito-in va luah ni; bang hang hiam cih leh eite pen a zo thei mahmah ding ihi hi," a ci hi.

Ki ngaihsun in

Vaikhakna 7 tawh pai uh a, pulaakna 7 mah tawh ong ciah kik uh in. A paima un, thungen lo in, a ki aap lo pi a avapai sawltawm makai mimuan nasemtu te lau uh hi; 

1) Gamlakvakna 13:31.mite in, "Tua mite a sim dingin i pai ngam kei ding hi; bang hang hiam cih leh eite sangin amaute hatzaw uh hi," a ci uh hi. aneu 33na ah. Kote pen kauphe bang lelin ka kingaihsun uh a... Tua sawltawm mimuan makai 10 te thu pulaakna lametbei hi; hih teltawm thuvaan nasemtu 10 te pen, sawlman-na bek tawh va pai in upna leh khasiangtho neilo uh hi; Tua cialtawm makai kisehtu 10 te in mihonpi te dahsak in, mailaim ding lametna genlo a, dahhuai thu, 'guallelh ding' leh, hih nai loh pi hih ;'zo kei ni' cih, do nai lo pi 'lel ni' cih, bek tawh ong kileh hi. Tua bang ong gen tak ciang un mi a tamzaw te in, lau in ling in ong kapgawp uh hi (Gam. 14:1); 14:36 ah Pasian samsia(hamsiat) uh hi ci hi;

Hih bangin, up-zawhlohna leh, do-ngamlohna in, mihong te lungmang sak a, Pasian muanna ong masak loh uh ciangin, mi tampi si in, Amalek mite le Canaan mite in ong leh nawh kik mang uh hi.

Topa Pasian in ong sawl

Pasian nasem kongit Siate Siamate aw, Pasian ing ei' luah ding a ong koih saksa 'KHAPSA GAMNUAM' i mu ta hiam ki sit tel pha dih hi. Biakna nasem, Pawlpi nasem te, Pasian lenggah huan a, laikung laidal tawi te aw, Pasian' ong lahna gam 'Canaan gam zuatna ding na muh na a hoih in na pulaak ta hiam? Pawlpi upa sepna ah zongh e, Ki-appna omlo in, a tamzaw thukimna tawh ci pahpah in, Pasian' deihan i mangngilh kha hiam? Topa' sawlna ah tuuciang te zongh e le, Moses bang in Pasian sawlna bang man tak i sawl khia hiam? Ei' deihna le gelna bek paksak in Pasian sawlna ah i thaneem kha hiam? Joshua le Caleb te bangin, Pasian in ong zawh pih ding i lamet ngam ta hiam? Satan' ong hencipna mawhna gam Egypt gam mah ngai tata in, mawhna sung bek mahah a nuamsa, zukham zakham ding bekbek ah i ciah ding bekbek i lungngai kha hiam? ki sittel pha dih hi.

Nisim I nuntakna ah

Pawlpi masuan ah zongh, Pasian ong tupsak, Pasian ong vaikhak igensa 7 te bulphuh in, a kicing in pulaakna lahkikna 7 mantak i nei ding ta ding hi. Atamzaw' deihna leh muhna tawh a kalsuan te Pasian in vatmai in, zanniloh kahna leh lungsimzancipna om in, beidong in omna, lametbei a omna tawh i tuak zaw ding hiam. Ka veng ka paam khat le nih zo ta ing e, kei ong thukimpih ding mi nei ngawn ing ci in, Pasian ong lahna gam zuat ding a kin nawn lo, a don nawn lo, kileh ding leh nungtolh ding bekbek ah i kihei kha hiam? Pasian kiang i pulak tak ciangin,' KO TE KAUPHE BANG LEL BEK IN ONG MU UH HI' cih peuh tawh, lungneu namtom ngaihsutna tawh Pasian i muang lah lai kha hiam? Eite' i do ding gal in, mihing galhiam te a zo, gam 

uk kumpi te' ukna te' tuk zawh loh, KHA GAL, KHA GAM, KHA MI do ding in na ki ngam takpi ta hiam?

Pai in do ding

'Paito'  acih limlim zongh, a niam na lam pan in a sangna lamah kahto cih ong hi pah a, lawp huai pah hi. 

'Sawm hoihlo in, nih bek hoih' 'mimuan nasemtu 12' sung pan, thuvanna a neih khit uh tak cingin, PASIAN' KHASIANGTHO TAWH KOP makai 2 Joshua le Caleb te bang in, Ngapna, lawpna, lametna, upna leh Pasian' mahmah in a vaangliatna tawh ong do pih ding cih tawh HANGSANNA, sepngam na i neih ding, Pasian khasiangtho ing lawng ta hen! Amen! Pasian sawlna ah na i sep ciang, Pasian biakbuuk sungah Pasian tawh i ki ho ciang in i ngeina lui MIHINGTE launa, Midangte' siamna kihtaka, Mite' galvan peuh i kihna kha hiam? Mite' thatang le, kampau nal daldal khawng i lunghi mawh kha hiam? Lau kei in LAU KEI ING NANG KONG OMPIH DING HI, NA SIKNA TANTAN NA GAM HI, ong ci Pasian kammal ngai kawm in Pasian ong ciamna Khapsa Gam Kha-Canaan gam luah ding in a kuan dingin tha i la ta ding hi.  A kiging teng in na khut uh ong laam un! Amen! Amen! Amen!

 I KISAP PENPEN
Mitam le pawlcin masak kha lo ding hi hang! Pasian in Nang  hauhna le hatna le pilna siamna maimai te ong kal masa lo hi!  HIH NGAM DING. sepngamna ong kal na hi hi. Pasian in i khutsungah ong pia khin zo hi, Pasian in deih hi, cih tawh kalsuan in ma pang in,  DING NGAM, GEN NGAM, DO NGAM, SEM NGAM, MAKAI NGAM, Biak Topa Pasian leh a Minam aading, Aman' ong deihna aading in hangsan taka pan ngam, luah ngam na kisam penpen hi.

Azo thei taktak ding I hi mahmah hi

Joshua a kici Nun tapa Hoshea leh Caleb in, thungetna le ki-aapna tawh kalsuan in, Pasian muanna tawh thuvaan in ong sep uh ciangin, KHASIANGTHO in ompih in, " I ZO THEI MAHMAH DING HI, PAITO IN VA LUAH PAH NI",  ci in lawpna leh, ngap mahmah na tawh ong pulaak khia uh hi. Tua bang upna leh i Biak Pasian thei in, tel in, muan taktak na tawh DO pah hi leng, Ei zongh a luah taktak te i hi pah ding hi. Alau 10 te bang in i lau leh, lamkal ah puk in a si cip ding te i hihi. Zechariah 4:16 na bang in, PASIAN KHASIANGTHO TAWH KOP IN, ZO DING, cih leh Philipian 4:13  HONG THAHATSAK VANGLIAN PASIAN THA TAWH BANG KHEMPEUH KA HIH THEI HI, cih bulphuh in i mainawt ding hi. Topa in lai a sim mimal kim tung ah, Khasiangtho le Kha-Canaan gam luah zawhna ding upna leh hansanna, utna leh gualzawh man taktak ong pia ciat ta  hen! Amen!

DR. HAU ZA CIN AND ZOMI ZOKHAI

Thang Thawn Tuang tuangguite3@gmail.com via yahoogroups.com	1:33 AM (19 hours ago)
to ZomiNam

  Dr.Hau Za Cin  leh Pu Zomi Zokhai te  a ki muhna uh Dr.Cin gen zak nopsa leh thupi sa ka hih manin hong puak sawn ing.

Muh ciil Melbourne - 18 

 

Pu Zokhai tawh: November 21 ni zing nisuak silsial ah ka thawh toh leh Phone hong ging a, ka lak leh Pa Zomi Zokhai in "Zingsang niangtui i hawp khawm man diam?" ciin hong zawn na hi hi. "Man tham e. Nang tawh kimu ding ihih leh i nuam ngel kei ding maw, kong tuna nong welcome na laikhak zong na ngah khin hiveng," ka ci hi. A sawtlo in a car kang kiukeu tawh hong tunga, Japan te in lusu manlo lianga a tuanna dinga a bawl sungah nuamtak tu hilhial in amau inn lam ka manawh uh hi. Lampi ah nek ding, dawn ding hong lei zangzanga, "Hong mipi bawl si cia maw," ka cih leh, "Koh zong ka nek ngeiloh vive uh a lei himah ing. Noh tawh ne khawm ding ihih cianga a vaihawm hi ing," ciin mikang ann lim nono hong lei zihziah hi. A inn vuah Sawltak Paul na zintung ngei ahi tam ka ci phial hi!

 

A inn uh ka tun ciang un ama bawl Garrage (mawtaw buk) na kilam lianluan a, inn lam khutsiamte khutma hong musak hi. Inn sungah lut phei in innteknu Singpi nu zong nui siuseu, maitai takin hong dawn in hong khutlet pah ziahziah in, ka nek ding uh inntekpa puak teng hong lui pah in holim kawmkawm in ka ne ziahziah uh hi. A tapa uh Mang Lian Zokhai suahzawh sawt nailo ahih manin innsungah nauluai leh a ute kimawlna tuamtuam na om zihziah in khanglui ten 'nau nen laitak' acih te hi in nopci mahmah uh hi.

 

Naunen mahmah e cilo in Pa Zokhai in a khutsiam tawh a bawl Zomi Vaphual lim leh Australia Koala limte inn sungah na suang bimbiam a, Art Show om ding ah a lah ding ci hi. A lah khitsa pawlkhat zong sum tawh kileisak napi a khatna la zolo ci hi. Zomi sungah hih bang khutsiam om cih pen ka mittang tawh ka khatvei muhna hi. Ama khutsiam dan pen a nekzonna hilo zaw in a cimphawng nasep (hobby) hizaw hi. Hobby nasep tawh sum muhna nei thei cih pen hun awng zatna hoihtak himawk hi. Tun mai ah Christmas ma in Show om kik dingah a kihel sawm hi a, Prize a lak ding ka lamen hi. Mi tawh kitheihna leh lawm bawlna hun hi a, kumpi lamte in mihing mawk om cip lo in cimphawng in khutsiam, nasep nei leng cih a deihna ahi hi. Zomi khat Australia kumpi vaihawmna ah a kihel thei den khat nei hang ciin ka lungdampih hi.

 

Zomi bek a it hilo, Zolai zong a it ahi cih ka va mu hi. A laibu bawl khat hong pia in, a bawl khit nailoh khat zong hong velsak hi. A thu te hoih mahmah in, thu tuamtuam kaikhawm zo kasa hi. "Bangci na sa a," ciin a bawlkhit nailoh pen hong dong a, "Hoih mahmah ei. Ahi zongin 'double vowel' pen a sim dingte in bangci'n a ngaihsun uh tam maw," bek ka ci hi. A laipai hoih mahmah in, a thu zong kicing mahmah a, Zolai Zokam ah a om ngeilo kammal thak tampi kihel in, behlap ahih manin Zolai khanna dingin a hoih mahmah khat hi. Hih bangin Zolai leh Zokam a bucingsak, a behlap zo, a picingsak semsem i om zihziah ding a kisam hi a, tua tawh kiton in a thak peuhmah mipi a zangte kiangah a zatdan, a kisapna, a hoihna leh a thupina, amanphatna cihte a gengen ding, a pulaklak ding, a hilhhilh zo ding zong kisam hi. Tua ahih kei leh Zolai nasemte leh mipi kikal kigamla lua leh mipi in delh phalo thei hi. Tua manin Zomi khempeuh in i sep ding tavuan tam mahmah lai hi cih phawk ni.  

 

A huan sungah ka lut uh leh mi thanuam hiding cih kilang a, anteh lohing na ciing in, huan neu khat na bawl a meh ding kila thei dekdekta hi. Naupangte kimawlna ding football leh basket ball cih khawng na bawlsak a, music kisinna ding uh piano khawng zong na nei in mihing a pattah, a lamsang nuam khat hi cih a innsung, a innpua i vel ciang kimu thei hi. Malaysia ah a omlai in Zomi Association of Malaysia (ZAM) zong ei a mipih Zomi te puah a laptoh nadingin a phuan uh ahi hi. A kisam a muh leh a thek nuam, a tholh nuam, a bucingsak nuam mi hi cih kimu hi. A lasakna khui khat ama Car tawh ka tai kawm un hong hong (play) a, "Siam si uh e, kuate ahia?" ka cih leh, "Keima om muanga ka khum hi," hong ci ziau a; Zolai Sim Bu ah "a kihta sim pian pah hi" acih bangin Pa Khai pen khutsiam bek hilo, minam vei bek hilo, lasak siam zong himawk hi cih ka tel semsem hi. Talent tampi nei mi hi cih kimu hi.

 

Huan sungah ka vakvak kikal un innteknu Singpi nu in ann na huan kheuhkheuh in a sawtlo in, "Hong paita vo leh, ann minta ei," ci hiau mawk! Kalaisai!! Zingniang (English breakfast) ne dinga pai pen sun ann nesuak ding cih mawk aw... hong kisuan huai phial a, ahi zongin Singpi nu in lui khinta ahih manin ka ne uh hi. Ka nek vanglak uh ciang lah nekloh khak ding ka lau kik hi. Australia bawngsa, voksa te mahmah limmawk ei!! Anteh lohing khempeuh lah fresh lua mahmah lai... khanglui upate in zong'nene puksi omlo' na ci uh hiven maw... tampi mah ne kik zel ung ei.

 

Ann kham ciang, "Pai vo, ding dih vo, Melbourne inn sang penpen ah va kah dih ni ei," ciin a car hong hawlkhia in ka pai uh hi. ZOTAWI LIANU video a kilakna munte uh hong hawlpih masa a, "Hih lei pen aive Zotawi Lianu in a U Thang a kibuksanna. Hua lai ah hong pai phei in, hua ah kibu in, a den ciang hua tui gei ah kimu kik hi ei..." "Aw, aw..." ciin ka dawnga, ka mitkha ah Thangno in Cingno a zonna leite hong kidawk daudau hi.... "Hilua zen veh" ciin ka 'confirm' hi. Zotawi Lianu movie a shooting na munte uh va en kha kawmkawm himawk ung ei! Zomi historical events mun pawlkhat... Melbourne na zin ciang 'must see' ahi aw!!

 

Pi Lun leh Zotawi Lianu in hong vakpih lai a ka annekna gei vuah taisuk in Australian Open Tennis a kimawlna gei vua Olympic Village gei ah paisuak in lawm Mungsen zi Nu Thangte in hong vakpih ni a ka paina gei uh Botanical gei ah tai phei suak in Melbourne khuapi a inn sangpen EUREKA building gei ah ka car uh ka koih uh hi. Sumnen khia in lamgei ah car kikoih thei a kizen peuhmah hi. Car khawlna pan minit 5 khawng pai leng EUREKA innsang kitunga, a gei ah Mualsuang khawng peuh kiphut in tuate tawh maan kilak khit ciang innsang kahna ding Ticket ka lei uh hi. Pu Zokhai in, "Kei kong vakpih ahih ciang ken kong kahpih kul hi," ciin a kahtoh man zong hongpiaksak lailai a, car tawh hong vakpih bek hilo, The Highest Post Office in Australia omna inn level 88 tung dongah hong kahtoh pih hi. Ka dakkhiat mah uh leh a gamla lo ah Rod Lever Arena Tennis Court te na kidawk zihziah a, "Nuvaw, tuzawh a sawtlo, kha nih cin January 2013 ciang AUSTRALIAN OPEN om ding hiven maw, hih tung pan kien zen leh uthuai mah si e," ka ci kha liang hi. Durbin tawh et kul inteh, a mi bel kimu cian sam kei. Olympic Village ah Stadium te bel etlawm peuhmah hi. West Bridge leipi zong kimu a, leipi sangpi, golpi kimu bembam hi. Tua lei pen nungkal in Ni Dim te kiang ah anne in ka pai un ka Pu Sawm Thang tawh a car in ka tawn kha zo uh hi. Tua leipi nuai ah, a gei ah, a pam ah gunkuang pak seisai vive kigual demdam a, mihau mahmahte in a noptalna vua a zatte uh ahi hi. Tasmania Queen kici hiam khat Tembawpi khat zong bel Tasmania paite tuanna dingin luipi gei ah kidawh a, Tasmania zin ding peuhmah tua tawh zin thei hih tuak hi. Koh bel tutung a zin man nailo hi ung. Tasmania pen Australia leitaw lam ah state khat hi in tuikulh ahih manin tui tawh pai leng tuipi tungah khualzin nuam mahmah in a kigen hi. Zinkik ciang hilo dia!!

 

Australia inn sangpen ah kah cih buang ciin lawmnu in, "Pu Zokhai nong vakpih lungdam, ka lungdamna uh lahna in Coffee maw Niangtui," a cih leh Pu Zokhai zong milian milal tawh kikhawl ngei cih mah, "Noh duh bangbang kei phamawh sa keng e," hong ci phot a, "Taktak in bel kul kei e Siamah Cingpi aw," ci sawnsawn hi. Gamtat luhek a theite tawh kikholh pen kidawm taka gamtat mah a hoihzaw hi cih High School kah laia ka sin uh ka phawk hi. A tawptawp ciang Coffee, English Breakfast Teas leh Cappucinno cihte ka vaikhak tek uh a, gilkial man hilo in Pu Zokhai hong vakpih lungdamkohna ci-a lawmnu Cingpi in hong vaihawm zong siam ka sa veve mawk hi. Nu Thangte tawh ka vak un zong Flinders Street Train Station sungah Coffee leh Cake ka ne uh a lawmnu mah in hong 'taih' (treat) ahi hi. Pi Lun leh Princess Kimno, Zotawi Lianu tawh ka vak lai un bel Pi Lun in, "Koh inntek hi ung," ciin ka treat sawm uh hang hong phalvetlo, amau vive in hong 'nekpih' zen uh ahih manin Pite Pute hong itna thupi kasa a, hampha ka kisa uh hi.

 

Coffee leh Cake nek kawm holimlim in Zogam leh Zomi thu mah in lungsim hong luah pen hi inteh tuateng mah Pu Zokhai tawh ka gen pen uh hi. Zomi a pai khempeuh in zong Zomi leh Zogam thu hih inn sang tung pan na kikum tangtang uh hen! Coffee leh Niangtui te nek khit ciang a pam ah munkhat sikkhau bek tawh ki um in a omna mun ah ka dakkhiat mah uh leh maw.... huih hatlua, mit bang san zo, khitui bang luang ziahziah zo mawk hi. Huih lah vot cihtak in vot lai! Innsang dawn tua bangah tua zah in vot, huihhat hi cih a kitheihna dingin tua bang inndei khat a kibawl himawk ding hi. Va muh, va theih khak zenzen zong kimangngilh ngei nawnlo ding himawk hi.

 

Inn khum ah kahtoh cih pen hun tawh kiciangtan ahih manin ka hun uh hong bei hiaihiai a, minit 30 sung cih pen a tomcik sung  himawk hi cih ka phawk hi. I nuntakna minit 30 sung a manphat dan, thu tam a kigen man dan, vai tama kisep man dan, semlo in om mawkmawk hileng a pammaih ding dan cihte hong phawksak hi. Banghang hiam cih leh minit 30 sungin Melbourne inn sang penpen dawl 88 tungah kitungto man, khuapi sung khempeuh a kimu thei ciangciang kien khin man, niangtui dawn kawm in kiholim man, laikhak gelh in Post Office sangpen ah khia ding hileng zong kigelh man ding himawk hi.

 

Tua manin Zomi te aw, i hun manpha mahmah mawk ei!

 

Inn sangpen EUREKA tung pan ka kumsuk uh ciang sikkhauluai (lift) pen hatlua mahmah ahih manin i bil pen 'vil' sa in ging tuaituai a i pumpi sunga blood pressure kikhek manlang lua hangin i khuazakna bang kilaih man, nawngkaisak zo hi. Kahtoh lam hiin kumsuk lam hita leh tawmvei sung bang i bil sungah 'cimci kai' hi.

 

Mitkha ah Melbourne khuapi sung kilang zuaizuai kawm in a nuai ka tun uh ciang car sungah lut in luitui luang sialsial gei a Pak Huan (Botanical Garden) sungah sing hoih hing dipdep huih in a mut ciang kisiing deudeute mitsuan kawmkawm, mi vakte leh vasa lengte en kawmkawm in Olympic Village lam ka manawh uh a, lui gollua hilo a luang sialsial pen kantan in AUSTRALIAN OPEN a satna zel uh Rod Lever Arena Tennis Court gei ah taiphei suak in Olympic Village gei a puakkeu a bang Stadium pum kiukeu gei ah taisuak in khuapi sung lam ka lut kik uh hi. Khuapi sungah Zu Bawlna mun, Cake Bawlna mun, Ann tuamtuam zuakna mun cihte lamgei ah ka tuak pheiphei uh hi. Australia ah gam bel in a paite in a gamthu a sinna uh innpi gei ah taisuak in... Box Hill ka kheng suksuk uh a, Croydon pan Ringwood dong ka tung uh a, inn ah hong kha kik hi.

 

Zingsang niangdawn a pai sun anne, khuasung vaksuak pen nitak annek hun madeuh in inn ka tungkik pan uh hi. Miliante mah bangin khe tawh kipailoin Car vive tawh hong kivakpih cih ka ngaihsut ciang a khangto gam, a nuamzaw gamte pen a omtak, a teentak himawk hi ciin ka ngaihsun hi. A tung khinsate hampha a, a tung lai dingte zong enhuai kasa hi.

 

Zomi te i nopsak ni ding hong suaksuakta hi ei. Australia ah Vaak zong kang ta hiven. (Vaak thu bel dama gen ding maw).

 

(zop lai ding)

 

 

 

Hau Za Cin

Phuitong Liim

MANGMU

tha pau Jan 6 (1 day ago) 2013 JANUARY to tongsan, Zomi, zominam 

Vision Muh na

 Ni 13/10/2012, Zing sang nai 2:00 Am in 

ka zun hong suak lua in ka thak hang lah pai thei lo, ka taai lah na lo in lamdang ka sa mah2 hi. Lup na ah lum in mei suu mit in ka mit te ka sit leh Pa pi a vommeeimai khat in hong man in ka Kha leh Ka Pum pi hong ki khen in ka tang thei kei a, tua pa in hong zui in la na ciah ciang hih thu piang te na U na Nau, Na mi pih te tung ah gen kawi2 in hong ci hi. 

Ka Muh te 

1. Tua pa ka zuih leh nau pang kum 15 nuai siah a mai ki tuam in pai uh a, a tawp ah pa pi a lian mah2 thum na om in tua te in a dek si dawn in guam thuk pi sung ah khia uhhi. ka et leh than bek2 in tua nau pang te pet in kap2 uh a hong hon un ci hi. Ken tua pa pi te kiang ah ni tawp ni ciang na thuak ding uh hak sa mah2 ding hi. Hih zah in Nau pang no te na bawl siat uh ka cih leh a mau nang zong kum 15 kheng nai kei le cin hong ki pet ding hi hong ci uhhi. 

2. Tua mi vom pa in hong pai pih leu2 in, Numei bek2 ki gualh na ah hong pai sak a, tua teng a te pen pawi sim ding in a pai uh hi ci hi. Tawm vei khit zawh ciang in mite hongkap geigai uh hi, a sawt lo in sisan hong luang in ka khe in sik kha in tua zawh ciang ka siak mit hong ban to hi. Kong hong ki hong vat in lo vat na ah hong pai pih in, tua teng ah Tg val tha hat tam pi tak te in singzum leh gua zum ah numei te a hing tang in a dip pan ki siatsuk ziah2 in si bek2 luang hi. mi pawl khat te Nau paai uh a, a nau uh tolh in na sa mah2 uh hi. Sisan pen tui bang in luang ziah in, na lua hi na lua hi hong hon khia un ci hi. 

3. Tua mi vom pa in, leituang ah hong ding sak in, tua lei tang pen lai zial bang in hong ki zial in, ni leh kha te hong kia ziah2 hi. ka kiang hong tung dek tak in, ka om na lei tang lah hong ki zial mawk tah a kei bang ci ding ka cih leh Mi vompa in hog zui in Lei nuai dawl 2 na ah ci in ka zui hi. 

4. Lei nuai dawl 1 na ah, Pasal te sik khau ki khih in kol ki bulh sa in na sem sak in a uk om hi(Zeebet tawh ki bang), Tua mi te in Sia pau aw, PuPau aw, U pau aw hong hon khia in gim lua ung hog cin uh hi. Ken no bang cih hog hot theih ding no sik khau ki khih in kol ki bul ka cih lian leh # Ka Ni Ciinpi(Vungh Hau Thang Zi, Pu Go khan Eng ta Nu neu pen) hong om vat in Pu pau aw, I khua ah i om lai Delhi ah om lai khawng in Pawlpi te kiang, I khua pih te kiang leh i mi pih te kiang ah piang thak un hun bei ding hi ta ci in i tang ko2 tu in bang cih ding hong cih kawm in den a nau pang te leh nu pi te ki bawl na te na mu hi, na muh ding tam pi tak om lai hi hong ci hi. Ken zong mi thu mang lo te a thuak dig mah hi ka cih leh hong mang vat hi. 

5. Mi vom pa in lei nuai dawl 2 na ah hong pai pih leu2 in mi te tai ziah2 uh a, pawlkhat te sum bawl in buai uh hi. Mi pawl khat ki gual in buai mah2 uh hi. Kei zong a thu thei nuam in ka dot leh hih gam hi lei ah na ten nop leh hi teng ah ki gualh phot kul hi hong ci uh hi. Ka ki gual leh a tawp ah Pa pi thau a lian mah2 tut na ah tu in a vei lam ah mei am san sung ah number 6 bek2 om in san lihliah hi.A ma kiang a tung peuh2 a sum bawl sum zuak na te uhdong in tua zawh ciang in, Tua mei am sung a khut tawh sawk in sik san la in a tal uh ah belh sak hi. Mi te in na sa, sa lua in kap uh a lei ah ki khuk uh hi. nii bang zah hiam ciang in dam hi.Kei hun hong tung in, tua pa in bang hong hih na hiam hong ci hi. Na gam ah nuam tak in teng nuam ing ka cih leh Hih number te na tal tang ah suan phot kul ding hi hong ci hi. Hih lo in ka gam ah na teng thei kei ding hi hong ci hi. Mi te en in hong ci a ka et leh number 666 bek tuang in sum bawl sum zuak in om uh hi. Hih number na neih kei leh palik te in hog man ding hi hong ci hi. 

6. Mun khat ah mi vom pa in hong pai pih leu2 in, tua lai ah mi ki gual in lam pai uh hi. Lam 1 ta ki hal hi, kei zong ka ki gualh leh a tawp cih om lo in pai2 hi.
 
7. Tua mi vom pa in, Ka ki gualh na pan hong la khia vat in, Vantung gam a hi ci in tua teng ah, tut na te a dawl2 in ki khen hi, a mai gual a te, bawl siat na hang in Pasian na sem in a si te hi. A nih na te Pasian na sem te leh sawm 1 man2 a pia te hi. ( Mi ci mawh a huh te etc.), A thum nate pen Pasian na sem man lo te hi a kong khak gei leh window gei, leh zun buk gei ah tu uh hi. Zun buk gei, kongkhak gei a tu te pen akpulnuam bang in kun cik uh a, a mai gual a tu te pen pak eu au in a mual thei lo kham lu khu khuuh hi. Mivom pa in leitung ah na sep tha man bang tek uh a ngah na hi uhhi hong ci hi. 

8. Tua van tung gam pan, Mun khat ka et vat leh mi te vei leh tak ah ki paai ziah2 uh hi, tua te pen khai ni muan te, kham theih gui theih a zang te , piang thak lo te ci hi, etc. Taw nei lo guam thukpi ah ki paii2 in kia2 uh hi. A kiat kawm in hei hei....................hei ci uh hi. etc. 

9. Mi vom pa in hong pai pih a, lei tung ah ki zong na lian pi om hi. Pa leh a ta no 2 hog pai in ka dot leh ka zi tu zing in an tang lei hong ciah nai lo, ka ta te gil kial kei lah ka na sep kuan hun ta sun 12 sat ta hong ci hi. Nau pang 2 hong pai in ka nu leh pa zan ni lo kuan hong ciah nai lo ci hi. Tua lai tak in mi vom pa in tulai tak leitung ah lungnop na cih om lo in ki zon na bek2 hi hong ci hi. 

10. Mi vom pa in hong pai pih leu2 in, Lei tung mi te in a Pasian tek uh zong hi(Christian, Muslim buda etc). Lei sung to in zong uh a, mu zo lo hi. Biak inn pi lam in tua sung ah a ki ko uh hang a Pasian un dawng lo hi, mi pawl khat in a neih sa te uh tawh a topa uh bia in a sum a paai te uh biak inn sung ah lawn in pia khia uh hi, pawl khat te in thawl hiam tawh ki kui in a pasian uh bia in a hih hang a pasian un dawng lo hi. Mi te biak inn ah a dim ciang in Palik numei khat leh Pasal 1 in tua biak in a pua lam pan kalh in, mei tui buak in Biak inn pi te hal uh hi. Biak inn leh a sung a van te kang tum in a mi te pen kangvet lo hi. a sam ponzong uh kang bek lo hi. Mi te in a pua pan sial gawh sa gawh in en in hong pu suak un ci leh hong pai thei lo in hong honkhia un ci hi, ka dang keu, sa lua ci uh hi. Muslim, Buda leh a tuam2 te zong tua dan mah hi. 

11. Mun khat ah hong pai pih leu2 in, Inn kuan khat ah mi li om in ki nak tawt mah2 uh a, akong khak uh a sung pan in kalh cip uh hi. A pasal in a zi kiang ah an huan siam kei lua teh nupi na hih zawh sawt mah2 ta ci hi. A zi in a pasal kiang ah lo kuan baih in la sum zong in ci hi. A ta lian pen in a pa kiang ah sang sum ding nong piak sak zawh loh ci hi, a nau in tu dong an mim nai lo sang pai hunta ci hi. Mi te in baang pan in gai sim in nuii2uh hi. Thupi sa lo lua uh hi a ki tot na te uh.Kei zong a kong uh kiu in ka om leh a pa un nang tawh ki sai kei ko inn kuan ki tawp na thu pi lua hi hong cih san hi. Tua mi vom pa in manggilh kei in la mi tung ah gen kawi2 in ci in hong vai khak kikkhit ciang in mang hi. Lampi pen step ki to te hi ah kong ciah leh ni sa lua mah2hi. guah lah zu lo in a lam pi pen suk mah2 in nal mah2 hi. Tua lai tak in ka nung pan nau pang 1 in hong pai in ka inn ah an leh tui hong ne in na khual zit zawh kum 3 leh kha 7 pha ta hi hong ci hi. Kei zong hongpai man kei ning ka sep ding tam lua hi ka cih san hi. Tua zawh a sawt loin ka tak lam pan nau pang khat hong pai in den a pa gen dan mah hong gen hi. Kei zong hih thu piang teng gen ding in ka khua ah ka ciah leh Zangkong ka tung a, hi thupiang nakpi tak in ka gen hi, Zangkong pan ka ciah toh leh Bangalore ka tung hi. Bangalore pan kong ciah leh Delhi tung in Delhi pan ka ciah leh New York khuapi ka tung aa ka kha leh ka tak sa hong ki gawm kik in ka thawh leh zing sang nai 5:10 Am hong sat ta hi.Gim cih tak in ka gim hi. 

LSTHO hong piak te.
 Amos, 8:11-14 na sim sak in Matt 10:34-39 Mangmuh na 13:11-18 Mangmuh na 14:14-20. Mark 9:42-50 Mathai 25:31-46 2 Peter 3:5-13 Mangmuhna 6:12-16 I John 5:3-5 I peter 5:4 

Note
Hih thu te pen ka tak sa leh ka kha nai 3 sung a ki khen in ka muh thute hi. A tom thei pen in kong suah sak hi. Theih nop tel nop zaw a om leh ki dong thei hi. Tua mi vom pa ni pi ni zan(14/10/12) in ka mang sungah hong pai in mi bang zah tung ah gen zo na hiam zan ni thu piang te hong ci hi, ken ka inn kuan pih te bek tung ah ka cih leh mi tam pi tak kiang ah na gen beh lai in hong ci hi. Ni pi ni pen ka mang hi a, sa ni nipen ka taksa leh ka kha hong ki khen in ka muh hi. Lungdam, note thunget pih na lunggulh mah2 ing. 

Na Sanggam pa uh, 
Pr,Joseph Thang Cin Pau, E-mail, josephthang08@gmail.com Mob, +91 813 0211 701

Leitung Kipawlna [mi; thu kipawl theihna]

By. Tg. Thang Sian Sing
Mihing in, a sepkhiatte thu in piang hi. Mi ahawl zong‘thu’ mah ahi hi. ‘Thu’ in muh theihpah loh ahih hangin, mi ahih leh abaihlam in kimu thei hi. Tua in, thu le mi hong helh in,‘thu’ pen ‘mi’ in hong musak hi. Asepthu, apom thu ahoih nak-a leh tua nu/pa zong mihoih in kimu tek hi.Misia/ hoihlo i cihte zong amah ahawl a thute, hoih i sakte ahih loh man hizawthei hi.

Leitungbup kitaangin kizop hunah kizop theihna khawkte azai thei pen in kikeek tek hi. Mitam tawh kipawl theih ding thupi ahih man in, kipawl theihna ding thutaang (common ground) ding i hih theih tawpin kisiam tek hi. Kipawltheihna dingin thute zong i leptuah ding kisam ta hi. Hih munah ‘ei’ thulo peuhmah’ cih tawh bel na kisem thei nawnlo ding a, ei’ lampan i piak pawlkhat, e’n i ngahding pawlkhat tawh i leptuah ding ahi hi. ‘Thumaan’ hi i cih thu  pawlkhat te nangawn ah mite tawh kipawlkhop theihna ding in cillum valhin i ngilhbawl photna in lungduaina/ thuakzawhna ih sinbeh thei ding hi.

“ Pasian’ sila in a kitawng thei kei hi. Mi khempeuh te thu dam takin ahilh thei mi, thu a hilh thei mi, a thuakzo mi ahi ding hi.” 2 Timoti 2:24

LUNGDAM KOHNA
Suang Hoih khua hausa Pa Vungh Khan Piang in Suanghoih khuami te taangin  “ZINGSOL” laihawm nasepna panpihna in Sum Tul Sawm, 10,000 ks tawh hong panpih ahih man in lungdamna kong ko uh hi. Zomi te sung thukizakna le Zolai zuun
nasepna ah kiu khat pan a pang ahi ZINGSOL Laihawm nasepna ah gam sung gam pua pan Zomi u le nau te in thungetna, ngaihsutpiakna, hanthotna le sumlepai tawh panpihna te tawh ma hong pang khawm nahih man unlungdam mahmah ung.
— Zingsol tanute

University of Medicine
Mandalay.

Genop bangbang gen nading..
zingsol.laikhak@gmail.com

‘Kihih sakna in kitotna bek piangsak thei hi.’ (Pau 13:10) ‘ Kisak theihna in
siatna hong tuaksak a, kiphatsakna in pukna hong piangsak hi.’ (Pau 16:18)
Mi tawh kipawl theihlohna in ‘kiphatsakna’ namkhat ahi hi. Tua thu
in pukna, siatna hong piangsak hi. Mi tawh i kipawl theih kei leh leitung tawh
i kipelh teeiteei dinga i guaksuak semsem ding hi. Khuahun te sim thei
in, a thupi le a thupi zaw te i khentel theih ding ahi hi. Hun in ei hong
tuamngak lo dinga, tangthu hoih at ding hun in tu a i ngah hun (tuhun) ahi
hi. Tu hun in i septe i khangsawnte i nusiat ding eite’ tangthu ahi hi.

Ei’teenna kuakpan in khuadak in azaizaw ngaihsutna tawh a thupi te
lakah athupi pen te khaihto in, eite’ tangthu ahoih thei pen dingin i hisak
nuam tek hi. Tua in eiguak tangdin tawh hilo in, mite tawh kizopna tawh
zong kiciamteh thei kha ding hi.

“ Note in a neu kha beek kisam loin na kicin’ na dingun, thuakzawhna
lungsim in kicing takin hong bawlpha ta hen.” Jeim 1:4. Zingsol Lom 14, hawm 4

Aung San Suu Kyi addresses CCIA consultation

from:		Thang Cin Lian tclian@gmail.com via yahoogroups.com
reply-to:		zominam@yahoogroups.com
to:		zominam@yahoogroups.com,  tclianlian
date:		Fri, Aug 10, 2012 at 10:33 AM
subject:		[ZOMI NAM] CCIA ah Aung San Suu Kyi
		=====

Aung San Suu Kyi addresses CCIA consultation urging new model of reconciliation
6.08.12

“Profound acceptance of the others, and a willingness to be open to
unity in diversity will uphold values of reconciliation, peace and
security in any society and community,” said Nobel Peace Laureate Aung
San Suu Kyi to the participants of international consultation on
“Peace, Security and Reconciliation in Myanmar”, organized by the
Commission of the Churches on International Affairs (CCIA) of the
World Council of Churches (WCC).

In collaboration with the Christian Conference of Asia and the Myanmar
Council of Churches (MCC), the consultation took place from 2 to 5
August at the headquarters of the MCC in Yangon, Myanmar.

Offering simple but profound ways to peace building, the world icon of
people’s struggle for human rights, freedom and democratization, Suu
Kyi engaged in dialogue with the participants.

“One should go beyond the borders of hatred and jealousy, only then
can one think of reconciliation and peace. Reconciliation will not
begin only in one direction. Once reconciliation is achieved, then
only peace can be attained and security can be ensured. A society that
cannot achieve reconciliation will not be peaceful,” said Suu Kyi.

Suu Kyi, one of the world’s most prominent political prisoners, now
promotes reconciliation and peace in ethnically and politically
divided Myanmar. She had been detained under house arrest for more
than 15 years until her last release in November 2010.

She was awarded Nobel Peace Prize in 1991, but she received the prize
finally in June this year in Oslo. While receiving the prize, Suu Kyi
said, “For me receiving the Nobel Peace Prize means personally
extending my concerns for democracy and human rights beyond national
borders. The Nobel Peace Prize opened up a door in my heart.”

Suu Kyi spoke with the participants at the MCC headquarters and spoke
about the need to find peace within oneself in order to engage in
peace building. She said, “Righteous people do not exaggerate their
own power, they see the good in others, which is essential for
reconciliation and peace. The ability to see more good in others is a
key to reconciliation and peace.

Going beyond borders for the sake of reconciliation

“If a person is jealous of the other, then that person will always
hate the other. Hatred is the most dangerous human emotion. People who
have no confidence in themselves try to find fault with others and
they bring hatred and more negative characteristics in their
relations. Through such actions they destroy peace and harmony in a
community and nation. One should go beyond the borders of hatred and
jealousy and then only we can think of reconciliation and peace,”
added Suu Kyi.

Suu Kyi’s good sense of humor and willingness to speak truth to power
were evident as she urged participants to “turn your programme’s
emphasis upside down by putting reconciliation first – then peace, and
only when you have peace will you have security.”

In response to the ecumenical family’s sustained and ongoing concern
for Suu Kyi’s struggle during the past several decades, she noted her
own personal grounding in the Buddhist spiritual tradition, and
expressed gratitude for the solidarity and prayers for people of all
faiths.

To a question on the international community’s role in a country’s
particular context of economic development, democratization and rule
of law, Suu Kyi replied, “Rule of law and justice cannot be separated.
Economic development is not a substitute to democracy in any society,
and political development is needed to attain peace among people and
communities. The international community has a key role in
reconciliation and peace building in any affected societies.”

The participants thanked Suu Kyi for her willingness to meet and
dialogue with participants at the consultation. They expressed
gratitude for her clear, determined and principled nonviolent peace
building initiatives and love for her people, a unique model for
others in a conflict-affected world today.

The CCIA consultation, attempting to evolve strategies for peace
building in politically and ethnically divided Myanmar, was attended
by around 40 participants. The consultation suggested several action
plans for wider ecumenical engagement of accompanying churches in
responding to conflicts, initiating Christian participation in
reconciliation and building communities of peace in Myanmar.

More information on the WCC Commission of the Churches on International Affairs.

WCC member churches in Myanmar (Burma)

THE SO CALLED ZOMI

		Kam Lam Khup klamkhup@gmail.com
		zomi@yahoogroups.com
		"zomi@yahoogroups.com" , "chinland@yahoogroups.com" , "laiforum@yahoogroups.com" ,  "zalengam@yahoogroups.com" ,  "chincommunityuk@yahoogroups.com" , "YCCF-International@yahoogroups.com" ,  "Chinlandtoday@yahoogroups.com" , "daipeople@yahoogroups.co.uk" ,  "Dairamtlang@yahoogroups.com" , "bawilian@chro.ca" ,  "rachel@chro.ca" , "sawmi@chro.ca" , "vanbiakthang@chinlandguardian.com" , sakhong lian , "office@nd-burma.org" ,  "cheeryzahau@yahoo.com" , "amy@chro.ca" , "hurfomcontact@yahoo.com" , "zonet.zomi@yahoo.coM" , "careysuante@gmail.com" ,  "chinworld.info@gmail.com" , "salaieddy@gmail.com" , "salaikyawkyaw@gmail.com" , "chumto@gmail.com" ,  Thawn Ngam , ltpthawnpau@gmail.com, k2 , thawnpi , tinhtooaung@gmail.com, myaaye1966@gmail.com, Pu Moses , pukamsianmung@gmail.com
date:		Sun, May 27, 2012 at 7:52 PM --- As mention above, Pu Kamliankhup, who's the son of Pu Cinsianthang(ZNC President), proposed that  We are Zomi -  We are theTedims, We are Chins, We are the Kukis, We are the Zos, We are the Laimis, We are Yaws, We are Dais, We are living Spreading in India, Myanmar, and Bangladesh sinceabout

Phitlam [phiit-lam]

Khasiangtho in ong hilh thukhat ong gen ding ka hi hi.

Samsiatna i thuakna i phawkna ding in tawmtawm gen kiaukiau leng
I pu I pa te, a beh abeh peuh in phu kila ngeekngeek ngei hi
Kua' phung kua beh cih bel, gen dah zaw ni.

Khanglui lai i Pu i Pa te' genngei pawlkhat en leng -
I PHU kilak dan a kilatna gen leng: I behmin pawlkhat te bang
i gal simsim na lam a, tua tawh ong ki phuak na hi hi.

I pu i pa te gal a kimat uh ciang, 'Sal' in kiman uh a
Taanglai hunkhat lai in ah, Khua khat ah -
A 'to' te a sih ciangin, Hanbuuk ah, a luang a kikoih pen
A 'sila' te in, tua a TOte' sithu thu
nahtang kuak tawh zawl in, (leilak a tuk loh na dingin)
a 'silate' a kamdawh sak in, valhsak uh hi.

Tua sila nu, sila pa pen, a taimang loh nading in
A Khe langnih kol bulh in, singtung ah hen in ah
A khut tawh a ki (phel) lakkhiat loh nadingin
a khut langh nih khau in khih in
A kam a cih theihloh nadin gin, ciang hitan khat (mekawk tan khat)
a langh nih suizum in in, a kam ah hoih hi. Akam a cih(cip) leh a dawt ding in koih hi.

I pu i pa te, a gualzawh sunsun ciangun, a hiamgam mahmah, a ngonghtat mahmah thei hi. I Pu i pa te' hangin, mawhna I thuum ngeekngeek kul ding hi.

I Phiitla pen: [ phitt phuut phitt phutt phiit]

@ Galleng khaatte galleng te phitt...

'Galleng' icih pen, Naga kam a, 'Galleng khaatte' acih teh, "Nga Pasalte" a cihna hi.

I pu i pa te, gal a zawh ciangin, Khuanawl mual ah 'phiitlam' tawh na kidawn in, Mihing Lutang na laam uh hi.

LUNGSIM ZAI LUNGSIM TOI

Zomi Zokhai zomizokhai@rocketmail.com via yahoogroups.com
1 March 2012

to ZZOOO, ANZ-ZOMI, t, LT, Leitung

Images are not displayed. Display images below - Always display images from zomizokhai@rocketmail.com



"Azaii leh Atoii Lungsim"

Azaii leh atoii lungsim puakzia cih I-ngaihsut ciang-in ahihkeileh hih kammal I-muh ciang-in lungsim puakzia zaii kisa-a laai agelh hong kisak lohding ka' lunggulh-hi, banghanghiam cihleh zaii kisa-a laaigelh ka' hikei-a, pulehpa' suutna thuciinte' tungtawn-in nampi lungsim Zomi sung-ah akizelh zawhna ding-a lunggulhna ahihi. Athu-a theihding ahaksatna' sang-in athu-a theihte-tawh kizuui-a gamtatluheek zawhding haksa zawtham-hi.
I-thulu mahbang-in azaii lungsim (minam vaai bek agen hipakni) puakzia en masa lehang; tu khanghun zuui-in bangte-pawl zaii I-ci dinghiam? Thu agen/laai agelh ciang-in geographical teenna gamlehlei zaa ahuamte, lianpi-tak ahuamte zaii I-ci dinghiam? Chin State sung-a mite huamkim-a thugen/laaigelhte zaii I-ci dinghiam? Thugen/laaigelh bek hilo-in a-Chin min-tawh mapangte eleh? Sepna leh genna/gelhna naakpi-a kikhaai hi-a.

Tusung internet sung-ah Laimite' muhdingleh simding-a I-deihloh thu tampi kigelh-a, Zomi leh Zomi kinialna, C deihlo-a thusunna, C mah thupi asa bangkeek-a laaigelhna, atawpna-ah mimal kinialna, mimal kikawkna ciangdong nangawn I-tun thapaih-pen "zaii" hetlohna hiding-in ka' seh-hi, banghanghiam cihleh adiak-in C paksak-a laaigelhte bangpen I-groups sung-a Laimite-in "uino khat neilaai hang-ei" ci-in haii sa-mahmah ding-a, minam suksiatna-ah zattheih ding-in nana ciamtehteh dinghi. Aziakpen Zomi groups te' sung-ah Zopau asiam Laimi tampi kithun ahihlam theihding deihna-zong ahihi.

Azaii sehna sung-ah atung-a I-cihte zaiina-hiam toiina-hiam cihpen nangma/keima' sehna tung-ah kinga dinghi. Gentehna adangkhat-ah, Zomite' groups sung-ah Zopau asiam Laimite tampi I-guan mawkpen zaiina ahihiam? Zomite bekmah guanlehang toiina ahihiam? Hihte lungngai lo-in dawkpakding ol mahmah khading-a, lungngai taktak lehang abuaihuai mahmah khat ahihi, banghanghiam cihleh Laimite' laai-tawh akibawl groups te-ah Zomite tampi kihel loding-in ka' seh-a, amaute' kitot kiseelna, thaneemna leh thakhauhna cihte kitheihpih hetlo ahihman-in akikaapding hilehang amau dinmun hoihzaw-ah ding uhhi.

Zomist khat' ading-in keima' muhna-ah, geographical leitang zaa-pi huamna-in zaiina hi peuhmahlo dinghi, banghanghiam cihleh Zomite' teenna munteng genloh Kawlgam buppi huam-a naseem Zomite adiak-in kumpi naseem I-cihte zaii hetlo lelmawk uhhi (cihnopna-ah, Zomi thu-ah Kawl kumpi-naseem lianpipite-in minam akhual keileh zaii kici tuanlo-in Kawlte' lak-ah mangthanglel uhhi). Tua ahihman-in Chin State buppi ahuam bangkeek khat-a kampau/laaigelh cihte zaiina hilo-hi. Kawlgam buppi ahuam bangkeek khat-a thugen/laaigelhna-zong zaiina hilo-hi. Hihte khempeuh "zaii" kicihding uutna hi-a, tuabang-a aciakciak tatate toii cihtak-a atoii-teng hizawsop thei-hi.

Genna leh gelhna-tawh "zaii" kicihding lunggulh-a thu lianpipi athukhual bangkeek khat-a tangpi lot pahpah tepawl-pen zaiina hilo-in, toiina, bangmah hilopi athupi-a kimuhding uutna hileltak-hi. Leitang bih-a genna hitaleh minamdang bih-a genna hitaleh gentehna-in Dimmi khat-in ama' Dimmi-pihte (fellow-Dimmi) huamlopi, awlmawhlopi, deihsakna neilopi mah-in Meiteite-hiam Kanpetlette-hiam, Arakante-hiam ahuam bangkeek-a thugen lasakna hong neih ciang-in thutheite' ading-in nuam khollo ding-a, azumhuai mahmah "sakhi manlo, ngaltang tum," acihte suak-hi (amau phamawh salo laai-thei).

Tua baan-ah, aseem abawl hilopi-a, aseem abawl khatpeuh' masuan athukhuallua bang-a hilh, lamlak cih giapgiap tepawl zaiina hilo-in toiina hizaw dinghi. Piicing tak-a idea sunkhiatna, theory khahkhiatna cihte ahi-khollo, aseem abawlte' sang-a thumuzaw bangkeek khat-a thugen/laaigelh giapgiapte-pen "zaii-lo" thamlo-in haii-kipilsak cihding hizaw-hi.

Zomite atamzaw-pen aseem leh abawlding kidemding' sang-in mi-khat' sepna tung-ah "zaii" hong kisakding lunggulhna-hiam, athu-khelngait-hiam, athuduhngiat-hiam thu zaiipipi gen-ah pahtawina ahihkeileh gensiatna, phatna ahihkeileh mawhpaihna cihte abawl ding-in khutgang/khutmanlaang kimciat simsim zaw-hi. Hihpen ei' sungbek-ah akiza/akisim hileh poimawh lo-a, ahizong-in Zomi hong langpang, biakinn nangawn-ah, "Zomite' lampi ahithei bang-a khaakding" aci minamte nangawn-in I-laai/thu gelhte asimsim/amumu ahihna ngaihsun taktak lehang naakpi-a a-haii-huai mahmah ahihi. Hihte-pen toiina taktak-in ka' ngaihsun-hi.

Keima' mimal muhna-ah, Zomi mah haiipih-a, penglam gaalkaap cihna athuakngam beklo-in aseemngam Zomite zaii ka' sa-hi. Alangkhat-ah, sep-lah neilo, aseemte a-uk bangkeek, aseemte' siapipa bangkeek-a ama' sepzawhloh thulianpipi gen/gelh-a cialloh advisor aseem mite, ama' minam huam-a itna leh deihsakna-tawh kizom seplehbawl aneilo pipi-mah namdang ahuam bangkeek-a agen/agelh mite toii ka' sa-hi.

Zaii ka'sak mite' lak-ah khat; Pu Cin Sian Thang, mimal hamphatna tampi Kawl gamukte-in tah (offer) thapaai taleh tuni ciangdong tua mimal hamphatnate nial ngam-in ZNC Lutangpi hihna-leh ama' democratic uplehsaanna-tawh suplawh ngam-in om tiuteu-hi. Hihpen akip upna tungtawn-a (mi pawlkhatte-in penglam gaalkaap bang-in sehding himahleh) asup ngamna naakpi-in zaii ka'sa-hi. Alangkhat-ah, Zomi pawlkhat Zomi hihna taaisan-in mimal dawkna dingleh mimal sumlehpaai lampi kihonna ding-hiam, zaa-khanna ding-hiam khatpeuh-tawh Chin-hiam Bama-hiam akici giapgiapte naakpi-in muanlahhuai (unfaithful) leh toii cihtak-in toii ka'sa-hi.

Atawpna-ah, Zomi akici pulehpi anei diakte' sungpan-a apiang mihingte-in Zomi kici-a ahihna-uh ahaiipih, asuppih, ameetpih-ngam Zomite zaii ka' sa-a, ama' pulehpite Zomi kici napi-a amau Chin ahihkeileh Bama akici mite toii ka' sa-hi. Tuabang mite' ading-in Chin cihlingleng sang-in Bama ahihkeileh Asian khawng kici vetleh daii-a daii tavet cihbang-in zia-om zawlaai dinghi. Tuabang-in azaii hilo-a akizaii saknuam totote' ading-in leitungmi (earthian) khawng ci-to vet lehang zaii-a zaii tavet kuamah atuam omlo cihdaanbang omto laai-a, tuabang mi pawlkhat om veve-a, atawpna-ah kideiidanna-mah thuaklah-in pychological problem mahtawh nana mualliam veve-hi.

Zomi hi-a, Zomi akici-ngam, Zomi hihna-tawh adaii-ngam, asumh-ngam, aseem-ngam, agualzo-ngam mite zaii mahmah-a, ama' minam hihna adaii-pih ngamlo, zaii-huamnuam kisa-a namdang min-tawh naseem mapang, ama' minam hihna atawisaang ngamlo mite toii mahmah-hi.

Keima' uplehsaanna hi-a, nang'a-tawh akituak keileh muhna leh saanna kidang theimah ahihna-zong kitelsiam ding-in I-ki lamen uhhi.

Zokhai